Оверин Михаил Иванович

Материал из Wikipedia
Перейти к навигации Перейти к поиску
Оверин Михаил Иванович
Чужан лун:

1954-ӧд вося урасьӧм 18-ӧд лун(1954-02-18)[1] (65 арӧс)

Чужанін:
Канму:
Мыйся уджыс:

музыкант, шылад тэчысь

Шаблон:Серпасыс абу

Оверин Михаил Иванович (1954) — коми шылад тэчысь.

Олан туй[веськӧдны | править код]

Михаил Оверин чужӧма 1954-ӧд вося урасьӧм тӧлысь 18-ӧд лунӧ Коми АССР-ын Сыктывдін районса Яснӧг посёлокын. 19611971-ӧд воясӧ велӧдчӧма Выльгортса шӧр школаын, 19711977-ӧдъясын — Сыктывкарса шылада училишӧын «Баянист» специальносьт серти. 19851990-ӧд воясын уджысь орӧдчытӧг велӧдчӧма Перымса культура институтын «Культурно-просветительнӧй удж котыртысь» специальносьт серти. 1977-ӧд восянь уджалӧ Сыктывдін районса Культура керкаын концертмейстерӧн.

Шылад тэчӧм[веськӧдны | править код]

Михаил Оверин — асшӧр шылад тэчысь, гижӧма 100 сайӧ сьыланкыв. Дасьтӧма да лэдзӧма кык компакт-диск: «Тебе пою, мой Сыктывдин!» (2006) (Выльгорт сиктлы 420 во тыригкежлӧ) да «Козин» челядьлы сьыланкывъяс (2013). Челядьлы сьыланкывъяссӧ дасьтӧма Альберт Ванеев, Надежда Мирошниченко, Василий Лодыгин, Василий Уляшов да Николай Щукинлӧн кывбуръяс вылӧ.

Сылысь сьыланкывъяссӧ сьылӧны Лидия Логинова, Вера Булышева, Виктория Пыстина, Любовь Розе, а сідзжӧ Сыктывдін районса сьылысь котыръяс.

1994-ӧд восянь быд во пырӧдчылӧма «Василей» республикаса гаж-конкурсӧ. Выль коми сьыланкывъяс лӧсьӧдӧм могысь вермасьӧ «Сьыланкывкӧд коля» республикаса челядь конкурс-фестивальӧ. Унаысь пырӧдчылӧма йӧзкостса сьыланкыв сьылысьяслӧн «Завалинка» ставроссияса фестивальӧ, «Шондібан» республикаса йӧзкостса творчество гажӧ, «Играй, гармонь» республикаса гажӧ.

Михаил Оверин веськӧдлӧ «Мужики» сьылан котырӧн, ачыс сьылӧ культураын уджалысь ветеранъяслӧн «Сьӧлӧмшӧръяс» ансамбльын.

Дискъяс[веськӧдны | править код]

  • «Тебе пою, мой Сыктывдин!» (2006) (Выльгорт сиктлы 420 во тыригкежлӧ)
  • «Козин» (2013) (челядь сьыланкывъяс)

Наградаяс[веськӧдны | править код]

  • СССР-са культура министерстволӧн Почёт грамота (1981)
  • Коми ССР-са министръяс Сӧветлӧн Почёт грамота (1990)
  • Коми Республикаса культура министерстволӧн Почёт грамота (1997)
  • Коми Республикаса Почёт грамота (1998)
  • Коми Республикаса нимӧдана уджалысь (2004)
  • Сыктывдін районса Почёта гражданин (2010)
  • Коми Республикаса национальнӧй политика министерстволӧн Почёт грамота (2011)

Öшмöсъяc[веськӧдны | править код]

Ыстӧдъяс[веськӧдны | править код]

  1. 1,0 1,1 1,2 http://www.syktyvdincbs.ru/content/280/KALENDAR_2014.pdf