Ногиев Иван Иванович
| Ногиев Иван Иванович | |
| Чужан лун: |
1952-ӧд вося кӧч тӧлысь 18-ӧд лун[1] (72 арӧс) |
|---|---|
| Чужанін: | |
| Канму: | |
| Мыйся уджыс: | |
Ногиев Иван Иванович (Парма Вань, 1952) — коми гижысь.
Олан туй
[вежны | Вежны кодировкаын]Иван Ногиев чужӧма 1952-ӧд вося кӧч тӧлысь 18-ӧд лунӧ Коми Республикаын Кулӧмдін сикт овмӧдчӧминса Парма грездын. 1969-ӧд воын помалӧма Кулӧмдінса шӧр школа. 1973-ӧд воын Егорьевскын гражданскӧй авиациялысь авиационно-техническӧй училище помалӧм бӧрын куим во уджалӧма Печораса аэропортын: вӧлӧма МИ-6 вертолётъяс дзоньталысь техник-механикӧн Гражданскӧй авиацияса Коми управленньӧлӧн Печораса ӧтувтӧм авиаотрядын. 1981 восянь Сыктывкарса канму университетлысь физико-математическӧй факультет помалӧм бӧрын куим во велӧдӧма физика Кулӧмдінса школаын. 1984 восянь 2003-ӧд воӧдз уджалӧма Кулӧмдінса РОВД-са милицияын тыр арлыдтӧмаяслӧн делӧяс серти инспекторӧн, петӧма пенсия вылӧ, олӧ Кулӧмдінын.
Гижан удж
[вежны | Вежны кодировкаын]Иван Ногиевлӧн литературнӧй гусяним — Парма Вань. Гижны босьтчӧма ыджыдӧн нин. Гижӧ комиӧн челядьлы, серамбана висьтъяс, а сідзжӧ повесьтъяс. Медводдза гижӧдсӧ йӧзӧдӧма 1993-ӧд воын «Парма гор» газетын. 1994-ӧд да 1995-ӧд воын висьтъяс йӧзӧдӧм бӧрын сизим во вылӧ коставлӧма, сэсся бара босьтчӧма гижны. Повесьтъяс да висьтъясыс 2001-ӧд восянь йӧзӧдлӧмаӧсь «Войвыв кодзув» да «Чушканзі» журналъясын.
Медводдза «Винегрет» небӧгас пыртӧма 22 висьт да 2 повесьт. Роч вылӧ вуджӧдӧмӧн татшӧм жӧ нима небӧгыс петавлӧма 2017-ӧд воын. «Некытчӧ шогмытӧм висьтъяс» небӧг петӧма 2015-ӧд воын.
Гижӧдъяссӧ рочӧдӧма. «Руб» висьт вуджӧдӧмаӧсь эст кыв вылӧ.
Иван Ногиев некымынысь вермывлӧма «Эзысь борд» республикаса литературнӧй конкурсын.
Россияса гижысь котырын 2014-ӧд восянь.
Повесьтъяс
[вежны | Вежны кодировкаын]- Виччысян кӧ — воа. [Повесьт] // Войвыв кодзув. 2009. 1 №. Л.б. 20-42; 2 №. Л.б. 6-31.
- Лӧгасьӧмнад овны лёк. [Повесьт] // Войвыв кодзув. 2011. 4 №. Л.б. 30-50; 5 №. Л.б. 11-32;
- Олӧмыс — ворсӧм. [Повесьт] // Войвыв кодзув. 2011. 12 №. Л.б. 3-28; 2012. 1 №. Л.б. 3-34; 2 №. Л.б. 7-34.
- Виччысьтӧм шуд. [Повесьт] // Войвыв кодзув. 2013. 3 №. Л.б. 23-49; Л.б. 24-48.
- Ёма. [Повесьт] // Войвыв кодзув. 2016. 5 №. Л.б. 19-46.
- Век ӧд он дзебсясь... [Повесьт] // Войвыв кодзув. 2016. 11 №. Л.б. 7-38; 12 №. Л.б.7-34.
- Бергӧдтӧм томдыр [Повесьт] // Войвыв кодзув. 2017. 9 №. Л.б. 14-40.
- Генерал гӧтыр [Повесьт] // Войвыв кодзув. 2018. 1 №. Л.б. 6-43.
- Менам пиукыс, менам [Повесьт] // Войвыв кодзув. 2019. 9 №. Л.б. 13–36.
- Букыш гожӧм [Повесьт] // Войвыв кодзув. 2020. 8 №. Л.б. 8-45.