Некрасова Галина Александровна

Материал из Wikipedia
Перейти к навигации Перейти к поиску

Некрасова Галина Александровна (1958) — коми кыв туялысь, филологияса кандидат. Батьыс — коми гижысь, Коми АССР-са школаясын нимӧдана велӧдысь, Коми Республикаса Почёта гражданин Александр Некрасов (Гамса).

Олан туй[веськӧдны | править код]

Галина Некрасова чужӧма 1958-ӧд вося ӧшым тӧлысь 12-ӧд лунӧ Коми АССР-ын Емдін районса Айкатылаын. 1976-ӧд воын помалӧма Емдін районса Гам сиктын, 1981-ӧд воынСыктывкарса канму университетысь пилология пакультет.

19811983-ӧд воясын уджалӧма Кыв, литература да история институтысь кыв юкӧдын старш­ӧй лаборантӧн. 19841986 воясын велӧдчӧма Тарту университетса (Эстония) аспирантураын «Фин-йӧгра кывъяс» специальносьт серти. 1987-ӧд вося тӧвшӧр тӧлысьын пырӧма уджавны Кыв, литература да история институтысь кыв юкӧдӧ: вӧлӧма младшӧй научнӧй сотрудникӧн (1987-ӧд восянь), старшӧй научнӧй сотрудникӧн (1993-ӧд восянь).

Туялӧмъяс[веськӧдны | править код]

1987-ӧд воын Тарту университетын дорйӧма филологияса наукаясса кандидат ним вылӧ диссертация, темаыс «Л-овые падежи в коми языке».

Йӧзӧдӧма 230 сайӧ туясян удж[1], на лыдын: «Ӧнiя коми кыв. Морфология» (2000, соавт.), «Коми кывлӧн историческӧй фонетика» (2000), «Система L-овых падежей в пермских языках. Происхождение и семантика» (2002), «Вежлӧг перым кывъясын: форма, вежӧртас, артманног» (2004), «Структура слова и выбор падежного алломорфа в пермских языках» (2006).

Дасьтӧма «Коми язык» (М., 1998), «Республика Коми» (Т. 2. 1999) энциклопедияяслы статьяяс.

Галина Некрасова — Фин-йӧгра котырӧ суйӧрсайса пырысь (Хельсинки, Финляндия).

Велӧдӧм[веськӧдны | править код]

Небӧгъяс[веськӧдны | править код]

  • Коми язык. Энциклопедия. Москва, 1998. — 608 с. (соавт.)
  • Ӧнiя коми кыв. Морфология. — Сыктывкар, 2000. — 544 с. (соавт.)
  • Некрасова Г. А. Коми кывлöн историческöй фонетика. — Сыктывкар, 2000. — 168 л.б.
  • Некрасова Г. А. Система L-овых падежей в пермских языках. Происхождение и семантика. — Сыктывкар, 2002. — 168 с.
  • Некрасова Г. А. Вежлöг перым кывъясын: форма, вежöртас, артманног. — Сыктывкар, 2004. — 118 л.б.
  • Некрасова Г. А. Структура слова и выбор падежного алломорфа в пермских языках. — Москва, 2006. — 122 с.

Наградаяс[веськӧдны | править код]

  • Коми Республикаса канму премия босьтысь наука юкӧнын (1999)
  • Коми Республикаса Веськӧдлан котырлысь канму премия босьтысь велӧдӧм юкӧнын (2004)
  • Коми Республикаса Юралысьлӧн Почёт грамота (2005)
  • Россияса наукаяс академиялӧн Почёт грамота (2009)

Ӧшмӧсъяс[веськӧдны | править код]

Ыстӧдъяс[веськӧдны | править код]

  1. Кыв, литература да история сайтын Г.А. Некрасоваӧс чолӧмалӧм