Некрасов Александр Иванович

Некрасов Александр Иванович
	Некрасов Александр Иванович
Чужан лун:	1931-ӧд вося сора тӧлысь 31-ӧд лун (93 арӧс)
Чужанін:	Кырув, Гам сикт овмӧдчӧмин[d], Емдін район, Коми (Зыряна) асвеськӧдлан обласьт, Северный край[d], РСФСР[d], Сӧветскӧй Социалистическӧй Республикаяслӧн Союз; Коми (Зыряна) асвеськӧдлан обласьт, Северный край[d], РСФСР[d], Сӧветскӧй Социалистическӧй Республикаяслӧн Союз;
Канму:	Сӧветскӧй Социалистическӧй Республикаяслӧн Союз; Рочму;
Мыйся уджыс:	школаын велӧдысь, директор, гижысь

Шаблон:Серпасыс абу

Некрасов Александр Иванович (Гамса, 1931—2023) — коми гижысь, ас му туялысь, Коми АССР-са школаясын нимӧдана велӧдысь, Коми Республикаса Почёта гражданин.

Олан туй

Александр Некрасов чужӧма 1931-ӧд вося сора тӧлысь 30-ӧд лунӧ Коми АССР-ын Емдін районса Гам сиктын. 1950-ӧд воын помалӧма Гам сиктса шӧр школа да пырӧма велӧдчыны Велӧдысьясӧс дасьтан Коми институтса физика-математика юкӧнӧ. Институт помалӧм бӧрын уджалӧма Кӧрткерӧс районысь Чӧтдінса сизмикласса школаын математика да физика велӧдысьӧн. 1952-ӧд вося ӧшым тӧлысьсянь 1954-ӧд вося вӧльгым тӧлысьӧдз служитӧма армияын. Армияысь воӧм бӧрын велӧдӧма математика уджалысь том йӧзлӧн Айкатыласа школаын. 1960-ӧд воын уджысь орӧдчытӧг помалӧма Коми канмуса педагогика институт, и сэки жӧ сійӧс индісны Гам сиктын шӧр школаса директорӧн, кӧні уджалӧма 1993-ӧд воӧдз. Ставнас 39 во уджалӧма велӧдӧм юкӧнын, на пиысь 33 во директоралӧма Гамса школаын.^[2]

Кулӧма 2023-ӧд вося йирым тӧлысь 13-ӧд лунӧ.

Гижан удж

Александр Некрасовлӧн петӧма кык кывбур чукӧр: «Восьтіс ӧшиньсӧ кыа» да «Авъя лэбач — коми кыв» да «Гӧрд сатин дӧрӧм» висьт чукӧр.

Гижысьӧс бура кутісны тӧдны челядьлы лӧсьӧдӧмторъяс серти. Автор серпасалӧ вӧр-ва, сиктса олӧм, сылӧн кывбуръясын ловзьӧны пудъясянкывъяс да нимтысянкывъяс. Александр Некрасовлӧн висьтъясыс кокниӧсь, наын — олӧмын лоӧмторъяс, казьтылӧмъяс.

2015 воын йӧзӧдӧма «Детство, опалённое войной» небӧг, кытчӧ пыртіс Емдін районса Гам сиктын чужлӧм йӧз йылысь гижӧдъяс, кодъяслӧн челядьдырйиыс веськалӧма Айму вӧсна Ыджыд тыш вылӧ.

Мукӧдтор

Унаысь сійӧс бӧрйылӧмаӧсь сиктсӧветса депутатӧн, вӧлӧма Коми войтырлӧн дас Съезд вылын делегатӧн, Коми му туялан котырлӧн Сӧветӧ пырысьӧн.

Туялӧ велӧдӧм юкӧнлысь историясӧ, Коми мулысь XX нэмся видз-му овмӧс история. Дасьтӧма да лӧсьӧдӧма куим небӧг: «Таланты были, есть и будут» (Сыктывкар, 2001), «Они ковали победу» (Сыктывкар, 2010), «Детство, опаленное войной» (Сыктывкар, 2015).

Небӧгъяс

Художествоа небӧгъяс

Восьтіс ӧшиньсӧ кыа: челядьлы кывбуръяс / Серпасаліс В. Клейман. — Сыктывкар: Коми кн. изд-во, 1987. — 24 л.б.
Авъя лэбач-коми кыв: челядьлы кывбуръяс / Серпасаліс В.С. Порохня. — Сыктывкар: Коми кн. изд-во, 1990. — 32 л.б.
Гӧрд сатин дӧрӧм: висьтъяс. — Сыктывкар: Коми кн. изд-во, 1995. — 44 л.б.
Шудыд — тэрыб лэбач: кывбуръяс. — Сыктывкар: Коми кн. изд-во, 1998. — 128 л.б.
Чужанінӧй менам — мыла сьыланкыв: висьтъяс, мойдъяс, олӧм серпасъяс / Серпасаліс В.А. Моторин; Ред. И.И. Белых. — Сыктывкар: Эскӧм, 2002. — 76 л.б.
Чужанінӧй менам — мыла сьыланкыв: висьтъяс, мойдъяс, олӧм серпасъяс / Лӧсьӧдіс В.А. Моторин. — Сыктывкар: Полиграф-Сервис, 2005. — 157 л.б.
Чужанінӧй менам — Эжва дорса сикт: сб. песен и частушек на коми яз. А. Некрасова / МУ «Усть-Вымская МЦБС», Гамская библиотека-филиал; Сост. Е.А. Измайлова. — Айкино, 2007. — 16 л.б.

Туялан небӧгъяс

Некрасов А. И. Таланты были, есть и будут. — Сыктывкар: Коми кн. изд-во, 2001.
Некрасов А. И. Они ковали победу. — Сыктывкар: Полиграф-Сервис, 2010.^[3]
Некрасов А. И. Детство, опалённое войной / Ред. Некрасова Г. А. — Сыктывкар: ООО «Изд-во “Кола”», 2015. — 184 с.

Наградаяс

Коми АССР-са школаясын нимӧдана велӧдысь (1984)
Емдін районса Почётнӧй олысь (2000)
«Коми Республика водзын бур уджысь» торъялана пас
Коми Республикаса Почёта гражданин (2017, моз тӧлысь 10 лун)^[4]

Ӧшмӧсъяс

Некрасова Г. А. «Ме радейта ас муӧс, Гамӧс…» (о краеведческой работе А. И. Некрасова) // Известия Общества изучения Коми края. 2019. — № 2 (19). — С. 120—125.
Коми Республикаса Вужвойтырлӧн небӧгаин
Жителям Усть-Вымского района презентовали труд о земляках, которых коснулась Великая Отечественная война // «Комиинформ» юӧр сетан агентство (2010.07.16 лун; рочӧн)

Ыстӧдъяс

↑ ^1,0 ^1,1 ^1,2 http://www.ustvymcbs.ru/page/informatsionnye_resursy.elektronnaya_biblioteka.nekrasov_aleksandr_ivanovich/
↑ Некрасова Г. А. «Ме радейта ас муӧс, Гамӧс…» (о краеведческой работе А. И. Некрасова) // Известия Общества изучения Коми края. 2019. — № 2 (19). — С. 120.
↑ Жителям Усть-Вымского района презентовали труд о земляках, которых коснулась Великая Отечественная война // «Комиинформ» юӧр сетан агентство (2010.07.16 лун; рочӧн)
↑ Ивану Кулакову и Александру Некрасову присвоены звания «Почетный гражданин» // «Комиинформ» юӧр сетан агентство (2017.08.11 лун; рочӧн)

[_8091587a90673d20-1] 1,0 ^1,1 ^1,2 http://www.ustvymcbs.ru/page/informatsionnye_resursy.elektronnaya_biblioteka.nekrasov_aleksandr_ivanovich/

[2] Некрасова Г. А. «Ме радейта ас муӧс, Гамӧс…» (о краеведческой работе А. И. Некрасова) // Известия Общества изучения Коми края. 2019. — № 2 (19). — С. 120.

[3] Жителям Усть-Вымского района презентовали труд о земляках, которых коснулась Великая Отечественная война // «Комиинформ» юӧр сетан агентство (2010.07.16 лун; рочӧн)

[4] Ивану Кулакову и Александру Некрасову присвоены звания «Почетный гражданин» // «Комиинформ» юӧр сетан агентство (2017.08.11 лун; рочӧн)

[1]

[2]

[3]

[4]