Некрасов Александр Иванович

Материал из Wikipedia

Некрасов Александр Иванович (Гамса, 1931) — коми гижысь, Коми АССР-са школаясын нимӧдана велӧдысь.

Олан туй[веськӧдны | править вики-текст]

Александр Некрасов чужӧма 1931 вося сора тӧлысь 30 лунӧ Коми АССР-ын Емдiн районса Гам сиктын. 1950 воын помалӧма Гам сиктса шӧр школа да пырӧма велӧдчыны Коми канмуса педагогика институтӧ, но велӧдчыны эз удит, сы вӧсна мый босьтісны армияӧ. 1960 воын уджысь орӧдчытӧг помалӧма Коми канмуса педагогика институт, и сійӧс индісны Гам сиктын шӧр школаса директорӧн, кӧні уджалӧма 1993 воӧдз. Ставнас 39 во уджалӧма велӧдӧм юкӧнын, на пиысь 27 во директоралӧма Гамса школаын.

Гижан удж[веськӧдны | править вики-текст]

Александр Некрасовлӧн петіс кык кывбур чукӧр: «Восьтіс ӧшиньсӧ кыа» да «Авъя лэбач — коми кыв» да «Гӧрд сатин дӧрӧм» висьт чукӧр.

Гижысьӧс бура кутісны тӧдны челядьлы лӧсьӧдӧмторъяс серти. Автор серпасалӧ вӧр-ва, сиктса олӧм, сылӧн кывбуръясын ловзьӧны пудъясянкывъяс да нимтысянкывъяс. Александр Некрасовлӧн висьтъясыс кокниӧсь, наын — олӧмын лоӧмторъяс, казьтылӧмъяс.

2015 воын йӧзӧдіс «Детство, опалённое войной» небӧг, кытчӧ пыртіс Емдін районса Гам сиктын чужлӧм йӧз йылысь гижӧдъяс, кодъяслӧн челядьдырйиыс веськаліс Айму вӧсна Ыджыд тыш вылӧ.

Мукӧдтор[веськӧдны | править вики-текст]

Унаысь сійӧс бӧрйылӧмаӧсь сиктсӧветса депутатӧн, вӧлӧма Коми войтырлӧн дас Съезд вылын делегатӧн, Коми му туялан котырлӧн Сӧветӧ пырысьӧн.

Ӧнія кадӧ туялӧ велӧдӧм юкӧнлысь историясӧ, Коми мулысь XX нэмся видз-му овмӧс история. Дасьтӧма да лӧсьӧдӧма куим небӧг: «Таланты были, есть и будут» (Сыктывкар, 2001), «Они ковали победу» (Сыктывкар, 2010), «Детство, опаленное войной» (Сыктывкар, 2015).

Небӧгъяс[веськӧдны | править вики-текст]

Художествоа небӧгъяс[веськӧдны | править вики-текст]

  • Восьтіс ӧшиньсӧ кыа: челядьлы кывбуръяс / Серпасалiс В. Клейман. — Сыктывкар: Коми кн. изд-во, 1987. — 24 л.б.
  • Авъя лэбач-коми кыв: челядьлы кывбуръяс / Серпасалiс В.С. Порохня. — Сыктывкар: Коми кн. изд-во, 1990. — 32 л.б.
  • Гӧрд сатин дӧрӧм: висьтъяс. — Сыктывкар: Коми кн. изд-во, 1995. — 44 л.б.
  • Шудыд — тэрыб лэбач: кывбуръяс. — Сыктывкар: Коми кн. изд-во, 1998. — 128 л.б.
  • Чужанінӧй менам — мыла сьыланкыв: висьтъяс, мойдъяс, олӧм серпасъяс / Серпасалiс В.А. Моторин; Ред. И.И. Белых. — Сыктывкар: Эскӧм, 2002. — 76 л.б.
  • Чужанінӧй менам — мыла сьыланкыв: висьтъяс, мойдъяс, олӧм серпасъяс / Лӧсьӧдіс В.А. Моторин. — Сыктывкар: Полиграф-Сервис, 2005. — 157 л.б.
  • Чужанінӧй менам — Эжва дорса сикт: сб. песен и частушек на коми яз. А. Некрасова / МУ «Усть-Вымская МЦБС», Гамская библиотека-филиал; Сост. Е.А. Измайлова. — Айкино, 2007. — 16 л.б.

Туялана небӧгъяс[веськӧдны | править вики-текст]

Наградаяс[веськӧдны | править вики-текст]

Ӧшмӧсъяс[веськӧдны | править вики-текст]

Ыстӧдъяс[веськӧдны | править вики-текст]

  1. Жителям Усть-Вымского района презентовали труд о земляках, которых коснулась Великая Отечественная война // «Комиинформ» юӧр сетан агентство (2010.07.16 лун; рочӧн)
  2. Ивану Кулакову и Александру Некрасову присвоены звания «Почетный гражданин» // «Комиинформ» юӧр сетан агентство (2017.08.11 лун; рочӧн)