Марков Валерий Петрович
| Марков Валерий Петрович | |
 | |
| Чужан лун: |
1947-ӧд вося сора тӧлысь 11-ӧд лун (77 арӧс) |
|---|---|
| Чужанін: | |
| Канму: | |
| Мыйся уджыс: |
преподаватель университета, депутат Государственной думы Российской Федерации, сенатор Совета Федерации России, общественный деятель, министр, политик, государственный деятель |
| Ошканпасъяс да премияяс: |
   |
 Марков Валерий Петрович на Викискладе | |
Марков Валерий Петрович (1947) — фин-йӧгра мирын нималана морт, физик-туялысь, физика-математика наукаясса кандидат (1975), общественнӧй удж вӧчысь, депутат, политик.
Олан туй
[вежны | Вежны кодировкаын]Валерий Марков чужис 1947 вося сора тӧлысь 11-ӧд лунӧ Коми АССР-лöн Удора районса Кослан сиктын. 1972 воын помаліс А.А. Жданов нима Ленинградса канму университет, уджсикас сертиыс — «физик».
Велӧдан да туясян удж
[вежны | Вежны кодировкаын]Ленинградса канму университет помалӧм бӧрын 1972 восянь 1991 воӧдз В.П. Марков уджаліс Сыктывкарса канму университетын: экспериментальнӧй физика кафедраса лаборант, ассистент, старшӧй велӧдысь, доцент (1981 восянь), кафедраса веськöдлысь.
1975 воын дорйис физика-математика наукаясса кандидат ним вылӧ диссертациа.
Общественнӧй удж
[вежны | Вежны кодировкаын]1991 вося ода-кора тӧлысьсянь 1995 вося урасьöм тöлысьöдз — Коми войтыр сöвмöдан комитетса веськöдлысь. 2004 вося тӧвшӧр тӧлысьсянь 2008 вося рака тöлысьöдз — «Коми войтыр» регионкостса общественнöй öтмунöмлысь могъяс збыльмöдысь комитетса веськöдлысь, Коми Республикаса Веськöдлан котырö пырысь. 2008 вося рака тöлысьсянь — «Коми войтыр» ӧтмунӧмлӧн веськӧдлысьӧс вежысь.
Пырӧдчис ООН-са вужвойтыр серти уджалан котырлӧн уджӧ: дасьтіс «Декларация прав коренных народов» да «Декларации лингвистических прав» документъяслысь балаяссӧ.
«Олантуйяслӧн Ыджыд энциклопедиаын» коми войтыр ӧтувтӧмӧ сылӧн пай йылысь пасйӧма: «Возглавив национальное движение Коми народа, проявил высокие организаторские способности, сумел сплотить вокруг себя единомышленников-сторонников цивилизованных методов национального строительства. Возглавляемый им Комитет возрождения Коми народа пользуется большим авторитетом у населения республики, активно участвует в законотворческом процессе: по его инициативе представительным органом власти Республики Коми принят ряд законодательных актов, направленных на защиту прав коренного населения республики. В. П. Марков уделяет большое внимание развитию международных контактов Республики Коми, укреплению конструктивного сотрудничества национальных движений».[1]
Фин-йӧгра войтырлӧн консультативнӧй комитетын удж
[вежны | Вежны кодировкаын]1993 вося урасьöм тöлысьсянь öнiя кадöдз — Финн-йöгра войтырлöн войтыркостса Консультативнöй комитетӧн веськöдлысь.
Мукӧд удж
[вежны | Вежны кодировкаын]Вӧлі Россияса фин-йӧгра войтыр ассоциацияын сопредседательӧн.
Сыктывкарса канму университет бердса Коми республикаса физико-математическöй лицей-интернат лöсьöдöмын водзмöстчысь, лицейса Веськöдлан Сöветö пырысь. 2003 восянь Марковлöн семьяыс быд во сетö стипендияяс медбур велöдчысьяслы, Республикаса да Ставроссияса олимпиадаясын вермысьяслы.
Депутаталӧм
[вежны | Вежны кодировкаын]1995 восянь 1999 воöдз вöлi Коми Республикаса I бöрйöм Каналан Сöветлöн депутатöн да уджалiс Коми Республикаса Каналан Сӧветын Веськöдлысьöс вежысьöн пыр профессиональнöй подув вылын.
1999 вося урасьöм тöлысьын бöрйöма Коми Республикаса II бöрйöм Каналан Сöветлöн депутатöн да 1999 вося урасьöм тöлысьöдз уджалiс Коми Республикаса Каналан Сöветöн Веськöдлысьöс вежысьöн пыр профессиональнöй подув вылын.
1999 вося öшым тöлысьсянь 2003 вося öшым тöлысьöдз вöлi Россия Федерацияса Федеральнöй Собраниелöн III бöрйöм Каналан Думаса депутатöн: «Народный депутат» чукӧрӧ пырысь, Войвыв да Ыліса Лунвыв мытшӧдъяс кузя комитетӧ пырысь. Депутатӧн вӧлі бӧрйӧма 17 №-а ӧти манада кытшсянь.
2007 вося косму тӧлысьсянь 2011 вося рака тöлысьöдз вöлi Коми Республикаса IV бöрйöм Каналан Сöветлöн депутатöн да уджалiс пыр профессиональнӧй подув вылын Коми Республикаса Каналан Сöветöн Веськöдлысьöс Медводдза вежысьöн.
2011 воын бӧрйӧма 13 №-а ӧти мандата Рытыввыв бӧрйысян кытшсянь Коми Республикаса Каналан Сöветӧ депутатӧн. Пырӧ «Ӧтувъ Россия» Ставроссияса кансяма ютырлӧн Коми дінму юкӧнса фракцияӧ. 2011 вося рака тöлысь 28 лунö бöрйöма Коми Республикаса V бöрйöм Каналан Сöветöн Веськöдлысьöс Медводдза вежысьöн. Коми Республикаса Каналан Сöветын уджалö пыр профессиональнöй подув вылын.
Небӧгъяс
[вежны | Вежны кодировкаын]- Марков В.П. Возрождение в эпоху перемен. Съезды коми народа: документы и комментарии. — Сыктывкар, 2011. — 246 с.
Наградаяс
[вежны | Вежны кодировкаын]= Коми мулӧн
[вежны | Вежны кодировкаын]Рочмулӧн
[вежны | Вежны кодировкаын]- Ёрталун орден (1996)
- Жуковлӧн медаль (1996)
- «Ставроссияса йӧзӧс гижалӧм нуӧдӧмын заслугаясысь» медаль (2004)
- Россия Федерацияса Федеральнӧй Собраниелӧн Федерация Сӧветысь Почёт грамота (2013)
Суйӧрсайса
[вежны | Вежны кодировкаын]- Шӧр Крестса Орден (Венгрия, 2007)
- Финляндияса Лев Орденлӧн медводдза класса рыцар пас (Финляндия, 2008)
- Кодзувъяса Шӧр Крестса Орден (Венгрия, 2018)[2]
Ӧшмӧсъяс
[вежны | Вежны кодировкаын]- «Коми войтыр» ӧтмунӧмлӧн сайтын Марков Валерий Петровичлӧн олантуй (комиӧн)
- Коми Республикаса Каналан Сӧвет сайтын В.П. Марковлӧн олантуй (рочӧн)]
- Коми Республикаса официальнӧй порталын В.П. Марковлӧн олантуй (комиӧн)
- Коми Республикаса официальнӧй порталын В.П. Марковлӧн олантуй (рочӧн)
- Большая биографическая энциклопедия (рочӧн)