Лютоев Николай Александрович
| Лютоев Николай Александрович | |
| Чужан лун: |
1948-ӧд вося тӧвшӧр тӧлысь 27-ӧд лун (73 арӧс) |
|---|---|
| Чужанін: | |
| Канму: | |
| Мыйся уджыс: | |
Лютоев Николай Александрович (1948) — коми журналист, Россияса журналист котырӧ пырысь.
Олан туй[веськӧдны | править код]
- 1948, тӧвшӧр тӧлысь 27 лун — чужис Коми АССР-лӧн Кулӧмдін районса Керчомъя сиктын. Быдмис батьтӧг, водз велаліс кресьтянин уджӧ. Мамыс уджаліс колкозын, а сэсся совхозын кладовщикӧн.[1]
- 1966 — помаліс шӧр школа да пырис уджавны Прупт леспромхозӧ. Вӧлі стрӧительӧн, уджавліс Керчомъяса улыс складын.
- 1967—1969 — служитіс армияын, стратегическӧй назначениеа ракетнӧй войскаын. Запасса капитан.
- 1969 — Армия бӧрын уджаліс Керчомъяса кылӧдчан участоклӧн вылыс складын, вӧлі пӧрӧдчысьлы отсасьысьӧн.
- 1971 — Корисны уджавны Кулӧмдін районса «Ленин туйӧд» газетӧ. Вӧлі литсотрудникӧн, меставывса радиовещаниелӧн корреспондентӧн, народнӧй овмӧс юкӧнса веськӧдлысьӧн.
- 1974—1976 — Велӧдчис Вӧлӧгдаса сӧветскӧй партийнӧй школаын да босьтіс экономист-организаторлысь специальносьт.
- 1976 — Велӧдчӧм бӧрас уджаліс КПСС райкомса инструкторӧн, кык во — «Помӧсдін» совхозын парткомса секретарӧн.
- 1978 — Вуджис уджавны «Ленин туйӧд» газетӧ. Вӧлі отделса веськӧдлысьӧн, редакторӧс вежысьӧн, редакторӧн. Районса газет редакцияӧн веськӧдліс кыкысь: ставсӧ 12 во да джын.
- Во да ӧкмыс тӧлысь вӧлі Кулӧмдін сиктсӧветса веськӧдлысьӧс вежысьӧн, куим во да джын — «Коми му» республикаса газетлӧн собкорӧн.
- 2007—2008 — Уджаліс ветеранъяслӧн райсӧветын веськӧдлысьӧн.
- 2008, кӧч тӧлысь — «Парма гор» газетса редакторӧс вежысь.
Журналист удж[веськӧдны | править код]
Журналистикаын комыд гӧгӧр во, 1971 восянь, кор локтіс уджавны «Парма гор» газетӧ. Пырӧ Россияса журналист котырӧ. Вӧлі СССР-са журналистъяслӧн VI-ӧд Съездса делегатӧн. Журналист удж кузя тӧдмасьліс уна нималана морткӧд, босьтліс интервью ыджыд роч поэт Роберт Рождественскийлысь, политик Григорий Явлинскийлысь, тӧдса Владимир Познеркӧд и с.в.
Ас олӧм йывсьыс йӧзӧдіс «Олӧм визулын» небӧг (2011 во), кытчӧ сідзжӧ пыртіс «Парма гор» газетын йӧзӧдлӧм 1980—2003 воясся пасйӧдъяс да снимокъяс. Наысь тыдовтчӧ Кулӧмдін районын вежсьӧмъяс, тӧжд-могъяс да выльторъяс. Эжва йывса нималана войтыр йылысь лэдзӧма «Удивительные люди Верхней Вычегды» (2017).[2]
Общественнӧй удж[веськӧдны | править код]
Куим созыв Николай Лютоевӧс бӧрйылісны Кулӧмдін районса сӧветӧ депутатӧн. Пырӧ «Коми войтыр» ӧтмунӧмлӧн Кулӧмдінса юкӧнӧ, Ветеранъяслӧн райсӧветса президиумӧ.
Небӧгъяс[веськӧдны | править код]
Наградаяс[веськӧдны | править код]
- Коми Республикаса канму сӧветса грамота.
- «Коми Республика сӧвмӧдӧмӧ ыджыд пай пуктӧмысь» пас.
- Пыртӧма «Парма гор» газет редакциялӧн Почёт небӧгӧ.