Коданёв Иван Васильевич

Материал из Wikipedia
Перейти к навигации Перейти к поиску
Коданёв Иван Васильевич
Чужан лун:

1916-ӧд вося вӧльгым тӧлысь 10-ӧд лун(1916-11-10)

Чужанін:
Кулан кад:

1982-ӧд вося кӧч тӧлысь 15-ӧд лун(1982-09-15) (65 арӧс)

Канму:
Мыйся уджыс:

гижысь

Шаблон:Серпасыс абу

Коданёв Иван Васильевич (1916-1982) – коми гижысь

Коданёв Иван Васильевич (комиӧн – Вась Иван) (19161982) — коми гижысь, журналист.

Олан туй[веськӧдны | править код]

  • 1916, вӧльгым тöлысь 10 лун – чужис Вӧлӧгда губернияса Усть-Сысольск уездысь Слӧбӧда сиктын (ӧні Сыктывкарса Эжва район) гӧль крестьянин котырын. Батьыс усьліс Гражданскӧй тыш вылын, и ичӧтсянь Иван Васильевичлы ковмис уджавны: ытшкыны турун, пастукавны, дасьтыны пес.
  • Начальнӧй школа помалӧм бӧрын сійӧ велӧдчис Сыктывкарын школа-интернатын. Каникулъяс дырйи Иван Коданёв волывліс чужан сиктӧ, медым отсасьны мамыслы. «Уджавны заводиті водз: йирӧді мамкӧд мӧсъясӧс, гортын отсаси. 1923 воын ме муні школаӧ. Помалі начальнӧй школа. Мамлы окота вӧлі, медым ме муні велӧдчыны водзӧ. Но сэки ме эг вермы велӧдчыны: отчим босьтіс менӧ уджавны лесозаготовка вылӧ. Уджалі возчикӧн. Сьӧкыд вӧлі татшӧм уджыд. Но вӧрын уджалігӧн ме и заводиті радейтны вӧр-ва». Вӧр-ва бӧрся видзӧдігӧн, Иван Васильевич ичӧтсяньыс велӧдчис гӧгӧрвоны вӧрлысь кывсӧ, тӧдмавны вӧрса олысьяслысь оласногсӧ.
  • 1930 воын Иван Васильевич помаліс мӧд ступеня Сыктывкарса шӧр школа.
  • Бӧрынджык куим тӧлысся велӧдысьяслысь куръяс помалӧм бӧрын уджаліс Печора районын. Щеллябӧж сиктын да Праскан грездын велӧдӧ грамотаӧ пӧрысь вӧр пӧрӧдысьясӧс, кӧр видзысьясӧс, чери кыйысьясӧс да аньяс. Накӧд и ачыс том велӧдысьыд велӧдчис овны. Тайӧ кадӧ Иван Васильевич Коданёв и заводитіс гижны. Сылӧн медводдза очеркъясыс вӧлі йӧзӧдӧмаӧсь районса газетын.
  • 1935 воын сійӧс корисны уджавны «Социалистическӧй Север» газетӧ, сэні уджаліс кывкутысь секретарӧн да журналистӧн. Бӧрынджык уджаліс и радиоын.
  • 1939 – Иван Коданёв уджаліс «Вӧрлэдзысь» газетын (ӧні – «Коми му»).
  • 1941, кӧч тӧлысь – мунӧ Айму вӧсна Ыджыд тыш вылӧ. Тышкасис Волхов да Украинаса фронтъяс вылын. Помаліс Тамбовса военно-пехотнӧй училишӧ, лои офицерӧн.
  • 1952 – Иван Коданёв уволитчис армияысь запасӧ старшӧй лейтенант званиеӧн. Збойлун петкӧдлӧмысь эм боевӧй наградаяс да кызь сайӧ аттьӧалӧм командованиесянь.
  • 1960-1970-ӧд вояс – уджаліс Коми радиоын, литературно-драматическӧй уджтасъяслӧн шӧр редакторӧн.
  • 1982, кӧч тӧлысь 15 лун – кувсис Сыктывкарын.

Гижан удж[веськӧдны | править код]

Иван Коданёвлӧн медводдза гижӧдыс "Сьӧкыд туйын" висьт, петіс 1953 воын «Войвыв кодзув» журналын. Тайӧ гижӧдын сійӧ висьталіс война йылысь да йӧз йылысь, кодкӧд ӧтлаӧн ковмис мунны тышӧ.

1959 воын петіс сылӧн медводдза — «Тадзи тшӧктӧ сьӧлӧм» — висьтъяслӧн медводдза сборник.

Уна висьтын сылӧн петкӧдлӧма сиктса посни войтырлысь быдмӧм-сӧвмӧм, уджӧ пырӧм. Но медшӧр темаыс – вӧр-ва.

Иван Коданёвлысь уна висьт вуджӧдӧма роч кыв вылӧ. Рочӧдӧм висьтъяса кык небӧг — «Праздник весны» (1974) да «Пойте, птицы, пойте» (1981) петісны Москваын «Детская литература» небӧг лэдзанінын. Сылӧн уна висьт пырис коми кыв да коми литература учебникъясӧ. Сійӧс тӧдӧны оз сӧмын Коми Республикаын.

Небӧгъяс[веськӧдны | править код]

И.В. Коданёвлӧн петавліс 20 сайӧ торъя небӧг [1].

Комиӧн[веськӧдны | править код]

Роч кыв вылӧ вуджӧдӧмӧн[веськӧдны | править код]

  • Безымянные ручьи: рассказы для детей сред. возраста / Пер. с коми В. Журавлева-Печорского; худож. В.И. Краев. — Сыктывкар: Коми книжное издательство, 1971. — 48 с.
  • Праздник весны: рассказы писателя-натуралиста: [для мл. шк. возраста] / Пер. с коми В. Журавлева-Печорского; рис. А. Пушкарева. — Москва: Изд-во «Детская литература», 1974. — 63 с.
  • Когда кукует кукушка: рассказы для детей / Пер. с коми В.В. Синицына; худож. Е.И. Аносов. — Сыктывкар: Коми книжное издательство, 1975. — 72 с.
  • Пойте, птицы, пойте!: рассказы: [для сред. шк. возраста] / Пер. В. Синицына; худож. В. Горячев. – Москва: Изд-во «Детская литература», 1981. — 94 с.
  • Родные места: рассказы: [для сред. шк. возраста] / Пер. с коми В. Журавлева-Печорского; худож. А.М. Гаранин. — Сыктывкар: Коми книжное издательство, 1988. — 48 с.
  • Любимый уголок: рассказы, зарисовки, сказки / Сост. и ред. М.А. Удоратина; пер. с коми Н.И. Коданёвой. — Сыктывкар: [б. и.], 2003. — 23 с. (КРИРОи ПК)

Наградаяс[веськӧдны | править код]

Ӧшмӧсъяс[веськӧдны | править код]

Ыстӧдъяс[веськӧдны | править код]

  1. Коми Республикаса Национальнӧй библиотека