Игнатов Михаил Иванович
| Игнатов Михаил Иванович | |
| Чужан лун: |
1933-ӧд вося ода-кора тӧлысь 28-ӧд лун |
|---|---|
| Чужанін: | |
| Кулан кад: |
1999-ӧд вося моз тӧлысь 17-ӧд лун (66 арӧс) |
Игнатов Михаил Иванович (1933—1999) — коми гижысь.
Олан туй
[вежны | Вежны кодировкаын]Михаил Игнатов чужӧма 1933 вося ода-кора тӧлысь 28-ӧд лунӧ Коми АССР-са Кулӧмдін районын Помӧсдін сикт улӧ пырысь Мӧдлапӧв грездын.
Сизим класс помалӧм бӧрын водзӧ велӧдчӧма Укваса горнӧй техникумын, кӧні и босьтчӧма гижны кывбуръяс. 1952 восянь уджалӧма «Воркутауголь» комбинатлӧн геологоразведочнӧй партияын техник-операторӧн. Бӧрынджык зільӧма Печораса геофизическӧй экспедицияын.
1967 воын Михаил Игнатов помалӧма А.М. Горький нима Литературнӧй институт, 1968 воын пырӧма СССР-са гижысь котырӧ.
Кулӧма 1999 вося моз тӧлысь 17-ӧд лунӧ.
Гижан удж
[вежны | Вежны кодировкаын]Тундраын да войвывса пармаын геофизикъяслӧн сьӧкыд да кывкутана удж йылысь гижӧма Михаил Игнатов аслас повесьтъясын да висьтъясын. «Чусалысь шом» медводдза висьтсӧ йӧзӧдӧма «Войвыв кодзув» журналын 1959 воын. Во мысти татшӧм жӧ ним улын гижысьлӧн петӧма медводдза небӧг.
Водзӧ гижӧма буритчысьяс, изыскательяс, геологъяс йылысь, кодъяс корсьӧны да аддзӧны мупытшса озырлун. Бура тӧдсаӧсь гижысьлӧн «Шоръяс визувтӧны юӧ», «Меным быть колӧ мунны», «Кор эмӧсь другъяс» небӧгъяс.
Гижлӧма сійӧ и ичӧт арлыда челядьлы. Сылӧн ки улысь петавлісны «Васьӧ да кардинал», «Юсьяс, донаяс, вай жӧ висьталӧй» небӧгъяс.
Небӧгъяс
[вежны | Вежны кодировкаын]Комиӧн
[вежны | Вежны кодировкаын]- Игнатов М. И. Чусалысь шом. [висьт]. — Сыктывкар: Коми кн. из-во, 1960. — 24 л.б.
- Игнатов М. И. Шоръяс визувтӧны юӧ: повесть, висьт. — Сыктывкар: Коми кн. из-во, 1963. — 144 л.б.
- Игнатов М. И. Меным быть колӧ мунны: повесть. — Сыктывкар: Коми кн. из-во, 1969. — 140 л.б.
- Игнатов М. И. Кор эмӧсь другъяс: висьтъяс. — Сыктывкар: Коми кн. из-во, 1970. — 38 л.б.
- Игнатов М. И. Васьӧ да кардинал: висьтъяс. — Сыктывкар: Коми кн. из-во, 1982. — 56 л.б.
- Игнатов М. И. Юсьяс, донаяс, вай жӧ висьталӧй...: повестьяс, висьтъяс. — Сыктывкар: Коми кн. из-во, 1988. — 288 л.б.
Вуджӧдӧмӧн
[вежны | Вежны кодировкаын]- Игнатов М. И. Ручейки текут в реку / Пер. с коми В. Еремина; Худ. Р. М. Мусихина. — Сыктывкар: Коми кн. из-во, 1977. — 254 с.
Ӧшмӧсъяс
[вежны | Вежны кодировкаын]- Белых И.И. Меным быть колӧ мунны ... // «Коми му», 2013, вӧльгым тӧлысь 14-ӧд лун, 45 №.
- 80 лет (1933 г., 28 мая — 1999 г., 17 августа) со дня рождения Игнатова Михаила Ивановича, писателя: [список литературы] // Календарь знаменательных и памятных дат Респуб лики Коми на 2013 год. — Сыктывкар, — 2012. — С. 44.
- Путятова Н.Н. Коми-зырянская повесть 1960-х гг. (художественное своеобразие повести М. Игнатова «Ручьи текут в реку») // Молодёжный вестник (СГУ). 2004. — Вып. 2. — С. 100—107.
- Холопова Д. «Гижӧдсӧ весиг вӧтала ...» // «Коми му», 2003, ода-кора тӧлысь 31-ӧд лун.
- Мартынов В. Игнатов Михаил Иванович // Литераторы земли Коми: словарь-справочник. — Сыктывкар, 2000. — С. 55—56.