Гожся Олимпиада ворсӧмъяс (2016)

Материал из Wikipedia
Перейти к навигации Перейти к поиску

Гожся Олимпиада ворсӧмъяс (анг. 2016 Summer Olympics, фр. Jeux Olympiques d'été de 2016, порт. Jogos Olímpicos de Verão de 2016, роч. Летние Олимпийские игры 2016, официальнӧ XXXI Олимпиадалӧн ворсӧмъяс) – XXXI-ӧд Олимпиадаса ворсӧмъяс, кодъяс мунiсны Рио-де-Жанейроын (Бразилия) моз тӧлысь 5—21 лунъясӧ. Олимпиадаӧ пырӧдчис 206 канму, на лыдын медводдзаысь Косово да Лунвыв Судан; вермасисны 306 зарни медаль вӧсна, мый лоӧ аслыспӧлӧс рекордӧн.

История[веськӧдны | править код]

Медуна спортсмен воӧма АӦШ-ысь — 555 морт. Медуна спорт сикасын — 29-ын — петкӧдчӧ Китай. Рочму командаын 270 ворсысь.

Талисман[веськӧдны | править код]

Олимпиадалӧн талисман — Виниус — кань кодь нюмъялысь кольквиж рӧма пемӧс. Сійӧ петкӧдлӧ Бразилиялысь озыр фаунасӧ. Паралимпиадаса талисман — Том — турунвиж быдмӧг. Налы нимсӧ сетӧмаӧсь паськыда тӧдса шылад тэчысьяс Виниус ди Морайсалысь да Том Жобималысь.

Олимпиада би[веськӧдны | править код]

Факел вӧчӧмаӧсь леменьысь да камедьысь: сьӧктаыс — 1,5 килограмм, судтаыс — матӧ 64 сантиметра. Ставсӧ вӧчӧма 12 000 факел.

Медальяс[веськӧдны | править код]

Медальяс медводдзаысь петкӧдлӧмаӧсь 2016-ӧд вося лӧддза-номъя тӧлысь 14-ӧд лунӧ. Ӧтарладорас серпасалӧма Ника — вермӧмлӧн ен, мӧдарас — лавр коръяс пиын 2016-ӧд вося ворсӧмлӧн пас. Тайӧ серпасыс петкӧдлӧ вӧр-валысь да спортын винёвлунлысь йитчӧмсӧ. Быд медальӧ лазерӧн пасйӧны вермысьлысь нимсӧ. Медаль видзан кудсӧ вӧчӧмаӧсь сӧмын Лунвыв Америкаын быдмысь Кордия Гоэлда пуысь.

Медальяс юклӧм[веськӧдны | править код]

Медальяс юксисны татшӧм ногӧн[1]:

Страна Зарни Эзысь Ыргӧн Ставнас
АӦШ 46 36 49 121
Ыджыд Британия 27 23 17 67
Китай 26 18 26 70
Россия 19 18 19 56
Германия 17 10 15 42
Япония 12 8 21 41
Франция 10 18 14 42
Лунвыв Корея 9 3 9 21
Италия 8 12 8 28
Австралия 8 11 10 29
Голландия 8 7 4 19
Венгрия 8 3 4 15
Бразилия 7 6 6 19
Испания 7 4 6 17
Кения 6 6 1 13
Ямайка 6 3 2 11
Хорватия 5 3 2 10
Куба 5 2 4 11
Выль Зеландия 4 9 5 18
Канада 4 3 15 22
СТАВНАС 307 307 360 974

Россияса медалистъяс[веськӧдны | править код]

Зарни медаль:[веськӧдны | править код]

Эзысь медаль[веськӧдны | править код]

Ыргӧн медаль[веськӧдны | править код]

Олимпиадаын Комиысь спортсменъяс[веськӧдны | править код]

Комиысь Олимпиадаын петкӧдчисны кык спортсмен — Уква карысь варччысь Александр Сухоруков да Вылыс Максаковкаын чужлӧм боксёр Владимир Никитин, коді шедӧдіс ыргӧн медаль.

Моз тӧлысь 7-ӧд лунӧ А.Сухоруков вермасис эстафетаын (4х100 метра, вольнӧй стиль) да ассьыс 100 метрасӧ варччис 47,6 секундаӧн. Россияса котырын вӧліны сідзжӧ Андрей Гречин, Александр Попкоа да Данила Изотов. Эстафетаын Рочму лои медводдзаӧн да петіс финалӧ (кадыс – 3.12,04).[2] Но мӧд лунас россияса команда 3 минут 11,64 секунд кадӧн эз вермы шедӧдны медальяс.[3]

Владимир Никитин гожся Олимпиадаясын петкӧдчис медводдзаысь. Ордйысис медся кокни весӧвӧй категорияын — 56 килограммӧдз. Моз тӧлысь 11-ӧд лунӧ 1/16 финалын сійӧ вермис Вануатаысь Боа Вараварӧс 3-0 тшӧтӧн.[4]

Моз тӧлысь 14-ӧд лунӧ Владимир 1/8 финалын вермис Таиландысь Чатчай Батдиӧс 2-1 тшӧтӧн.[5] 1/4 финалын 3:0 тшӧтӧн (29:28, 29:28, 29:28) В. Никитин сяммис ордйыны ён спортсмен, Ирландияысь Майкл Конланӧс.[6] Доймалӧмъяс вӧсна эз вермы тышкасьны финалын зарни медаль вӧсна, но коли коймӧд местаын. Кыдзи Олимпиадаса вермысьлы, В.Никитинлы сетӧма «Айму водзын бур уджысь» орденлӧн II тшупӧда медаль), BMW машина да сьӧм (призӧвӧй 1,7 миллион шайт).[7]

Ӧшмӧсъяс[веськӧдны | править код]

Ыстӧдъяс[веськӧдны | править код]

  1. http://www.sport-express.ru/olympics/rio2016/medals/
  2. Ухтинец Александр Сухоруков стал первым на дистанции 4×100 вольным стилем в Рио // «Комиинформ» юӧр сетан агентство (2016.08.07; рочӧн)
  3. Александр Сухоруков проплыл мимо медали // «Комиинформ» юӧр сетан агентство (2016.08.08; рочӧн)
  4. Уроженец Верхней Максаковки Владимир Никитин вышел в одну восьмую финала по боксу на Олимпиаде в Рио // «Комиинформ» юӧр сетан агентство (2016.08.11 лун; рочӧн)
  5. Уроженец Верхней Максаковки выиграл второй бой на Олимпиаде в Рио // «Комиинформ» юӧр сетан агентство (2016.08.14 лун; рочӧн)
  6. Владимир Никитин продолжает триумфальное «шествие» на Олимпиаде в Рио // «Комиинформ» юӧр сетан агентство (2016.08.16 лун; рочӧн)
  7. Уроженец Сыктывкара боксер Владимир Никитин награжден медалью ордена «За заслуги перед отечеством» II степени // «Комиинформ» юӧр сетан агентство (2016.08.26 лун; рочӧн)