Выльыб (Кӧрткерӧс район)

Выльыб Выльыб
Му:	Рочму
Статус:	грезд
республика:	Коми республика
район:	Кӧрткерӧс район
Медводдза казьтыштӧм:	1784
Инлыдпасъяс:	0°00′ в. п. 0°00′ а. к.0° в. п. 0° а. к. 0, 0
Официал кыв	роч, коми
Олысьяс	277 морт (2007)
Час кытш:	UTC+3+3
Телефон код:	+7 82136
Пошта индӧс:	168056
Автомобиль код:	11, 111

Файл:Выльыб (Кӧрткерӧс район).jpg

Выльыб – Кӧрткерӧс районса коми грезд (2011 во)

Выльыб (рочӧн Выльыб) — Коми Республикаса Кöрткерöс районысь Ыджыдвидз сикт овмӧдчӧмин улö пырысь грезд.

География

Грезд пукалӧ Висер юлӧн веськыд берегас. Выльыбсянь Ыджыдвидз шӧрсиктӧдз — 3 км, Кӧрткерӧс юрсиктӧдз — 78 км, Сыктывкар юркарӧдз — 126 км.

История

Выльыблöн историяыс йитчöма Ыджыдвидз сикт артмöмкöд. Медводдзаысь Ыджыдвидз Вишера погостыс казьтывсьö 1585 воö. Вöлöма 3 керка, олöмаöсь Висер юлöн шуйга берегас, öнiя Выльыб весьтын, а местасö шулöмаöсь Кöсьта керöсöн. Мöдар берегас вöлöма паськыд видз. XVII нэмын Висер ю писькöдöма сэтi выль ва туй.

Асму тӧдмалысь И.М. Панюков серти, XVII нэм помас ёна ойдлöм вöсна да Висер юлöн ва туй вежсьöм вöсна Кöсьта керöсын олысьяс вуджöмаöсь овны Висер юлöн веськыд берегас. Öтияс овмöдчöмаöсь вывтасiнö, выль ыбъяс вылö — тадзи артмöма Выльыб, мукöдыс — ю кузя улöджык, но дыр кад чöж став олысьсö шуöны ыджыдвидзсаöн. Медводдза вуджысьсö шулöмаöсь «шабалаöн». Веськыд берегас овны вуджöмаöсь дыр кад чöж.

Грездын вӧлӧма мельнича. Выльыбсянь катыдланьын сулавлӧма часовня либӧ крест (Прокопей лун – сура празьник).

1916 воын Выльыбын вӧлӧма 51 овмӧс, 270 олысь, 1926 воын — 70 овмӧс, 262 олысь.

Айму вӧсна Ыджыд тышӧдз Выльыбса ягын вӧлӧма зэкъяслӧн баракъяс да вышкаяс, пукалысьясыс пӧрӧдісны вӧр да кыскалісны Висер юö.

Радио кывны кутöма 1952 восянь. Би сетны кутöмаöсь 1958 восянь. Грездас вӧлӧма КБО, медпункт, начальнӧй школа. Ӧні эм челядь видзанін, кирпичысь клуб, «Исток» видз-му овмӧс, пилорама.

Олысь лыд

Вояс да олысь лыд
1892	1916	1926	1979	1989	2000	2007
252	270	262	316	279	297	277

Медводдза овъяс

• Макаров, Меников, Мишарин.

Культура

Грездын эм кирпичысь кыпӧдӧм Культура керка. Челядь видзанін бокын кыпӧдӧма челядь ворсанін.

Велöдöм

• Октябрса револяцияӧдз на Педӧр Степан Васька земскӧй правление отсӧгӧн кыпӧдӧма керка, кӧні сэсся восьтӧма школа.
• Ӧнія кадӧ грездын уджалӧ челядь видзанін, кытчӧ вайӧны челядьсӧ тшӧтш и Ыджыдвиддзысь, Джиянысь да Зулӧбысь.

Видз-му овмöс

• 1929 — Ыджыдвиддзысь, Макарсиктысь да Выльыбысь некымын овмӧс пырӧмаӧсь «Гӧрд Октябрь» колхозӧ. 1932 воын Выльыбын котыртчӧма «Фрунзе» колхоз, веськӧдлӧма И.А. Макаров.
• 1950 воын Ыджыдвидзса 4 колхоз да Зулöбса «Ударник» нима колхоз ӧтласисны «Ленин» нима колхозӧ.
• 1968 воын Ыджыдвидзса «Ленин» колхоз, Висерса «Дружба» да «Победа» колхозъяс ӧтувтчисны «СССР-лы 50 во» совхозӧ.
• 1986 артмӧма торъя Ыджыдвидзса совхоз.

Тöдчана йöз

• Осипова Зоя Николаевна — Вужвойтырлӧн шылада-драмаа театрысь артистка.

Öшмöсъяс

• Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
• Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
• Административно-территориальное и муниципальное устройство Республики Коми (на 1 августа 2006 г.) Издание шестое, официальное / ГУ «ТФИ РК». — Сыктывкар, 2006. — 278 с.
• Республика Коми: Энциклопедия. — Сыктывкар, 1997-2000. — Т. 1—3.
• Панюков И.М. Висер вож да сэтчӧс олысьяс йылысь пасйӧдъяс. — Кӧрткерӧс, 1999.

Ыстӧдъяс

Ыджыдвидз сиктувса оланінъяс
Ӧнія оланінъяс: Выльыб • Джиян • Зулӧб • Ыджыдвидз • Коркӧя оланінъяс: Макарсикт •