Прокопей лун

Материал из Wikipedia
Перейти к навигации Перейти к поиску

Прокопей лун (рочӧн Прокопьев день) — православнöй вичкоса ыджыд гаж, пасйöны сора тӧлысь 21 лунö

Сура празьник[веськӧдны | править код]

Прокопей лунсура праздник Кöрткерöс районса Пезмöгын, Позтыкерöсын, Ыджыдвиддзын да Выльыбын, Кулӧмдiн районса Мöдлапöлын да Пожӧгдінын, Емдiн районса Эжолтыын да Тыдорын (Аквад), Луздор районса Абъячой сикт улö пырысь Загаръяын да Шишкинпомын.

Позтыкерöсын асывнас вичкоын сьылöм бöрын кытшлалöны енъясöн сикт гöгöр, крестъяс дорын сьылöны. Вичкоö бöр локтöм бöрын сеталöны пуöм кукань яй. Куканьсö кöсйысьö сетны сиктсаяс пиысь öти морт, кодлöн коркö лёктор вöлi скöтыскöд (мöссö ош косялöма, вöйöма, вошöма).

Öбетнöй праздник[веськӧдны | править код]

Тайö лунсö Мылдiн районса Покчаын вöдитöны öбетнöй празьник пыдди. Пондiсны празьничайтны сы бöрын, кыдзи Прокопей енлы кевмысьöм бöрын удайчис кусöдны ыпъялысь би. Олысьяс кöсйысьöмаöсь куим лун не уджавны да праздничайтны. Кöсйысьöмсӧ вунöдöм бӧрын муяс вылысь сотчöма став няньыс. Ен öбразöн вермöмаöсь бисö кусöдны да босьтчисны бара вöдитны Прокопей лун.

Шойнавывса крест дорын нуöдöны молебен. Гортас пызан сайын гöсьтъясöс вердöны некымын сикас рокöн, кисельöн, чужваöн. Ырöш кисьтöны ыджыд дозмукö, быдöн сыысь юышталö.

Эскöмъяс[веськӧдны | править код]

Прокопей лунö турун оз ытшкыны, зорöд оз чöвтны — мыждöм пыдди Енмыс пö вермас чардбиöн лыйны зорöдас.

Медводдзаысь видлöны картупель, пöжалöны сыысь шаньга, заводитöны вотны оз.

Öшмöс[веськӧдны | править код]

  • Коми календар. 2009 во / Лöсьöдiс Öльöш Рассыхаев. — Сыктывкар, 2008.