Валей Лукерия Александровна

Валей Лукерия Александровна
Чужан лун:	1953-ӧд вося ӧшым тӧлысь 20-ӧд лун(1953-12-20) (70 арӧс)
Канму:	Рочму
Мыйся уджыс:	поэтесса, писательница

Валей Лукерия Александровна (1953) — коми, роч да яран кывъяс вылын гижысь.

Олан туй

Лукерия Валей чужӧма 1953-ӧд вося ӧшым тӧлысь 20-ӧд лунӧ Ыджыдмуса тундраын Урал из дорын колва-яран семьяын. Батьыс — Валей Александр Дмитриевич (Няравэй), мамыс — Мария Симоновна (Тайбарей). Быдмӧма Яран асвеськӧдлан кытш Каравом посёлокын, велӧдчӧма Каравомын да Амдермаса шӧр школаын.

Помалӧма И. П. Выучейский нима Наръян-Марса педагогика училишӧ, А. И. Герцен нима Ленинградса педагогика институт, М. Горький нима литературной институт Москваын да Сыктывкарса канму университетса филология факультетысь коми юкӧн. Уджавлӧма Яран кытшса «Заполярье» телерадиовещательнӧй компанияын корреспондентӧн, кӧні дасьтӧма яран да роч кывъяс вылын уджтасъяс, редакторалӧма «Чужан му вылын» коми кывъя уджтасын. Методисталӧ Яран асьвеськӧдлан кытшса Этнокультурнӧй шӧринлӧн литература юкӧнын.

Гижан удж

Гижӧ коми, роч да яран кывъяс вылын. Комиӧн кывбуръясыс да всиьтъясыс петавлісны «Войвыв кодзув» журналын.

Медводдза кывбуръясыс петӧмаӧсь «Дружба народов» журналын 1977-ӧд воын (3 №).

Йӧзӧдлӧма гижӧдъяссӧ «Дружба народов», «Север», «Литературная учёба» да «Полярная звезда» журналъясын, «Заполярье» литература альманахын (4-9 №), челядьлы «Пунушка» журналын, «Здесь добром земля согрета» (2008) да «Литературная карта НАО» (2009) чукӧръясын. Редактируйтӧма челядьлы да томуловлы «Молодые голоса тундры» да мукӧд небӧг.

Сылӧн петавлӧмаӧсь «Золотое солнце» (2002), «Голос кочевий» (2003), «Улыбка белолицей ночи» (2005), «Большое кочевье» (2006), «На ладонях тундровых просторов» (2007) да «Прочен остов чума» (2012) небӧгъяс.

2002-ӧд восянь веськӧдлӧ челядьлы «Суюкоця» (Кӧрпи) литература котырӧн. Дасьтӧма литератураысь «Суюкоця» методическӧй вӧзйӧмъяс (2004).

Небӧгъяс

• Золотое солнце (2002)
• Голос кочевий (2003)
• Улыбка белолицей ночи (2005)
• Большое кочевье (2006)
• На ладонях тундровых просторов (2007)
• Прочен остов чума: поэзия, проза. — Нарьян-Мар: Этнокультурный центр НАО, 2012. — 200 с.

Ӧшмӧсъяс

• Этнокультурнӧй шӧрин сайтын Л. А. Валей йылысь
• Валей Лукерья Александровна // Огрызко В. В. Ненецкая литература. — М., 2003. — С. 311.