Безносиков Владимир Иванович

Безносиков Владимир Иванович
	Безносиков Владимир Иванович
Чужан лун:	1927-ӧд вося ӧшым тӧлысь 26-ӧд лун
Чужанін:	Ыб, Сыктывдін район, Коми Республика, РСФСР[d], Сӧветскӧй Социалистическӧй Республикаяслӧн Союз;
Кулан кад:	2008-ӧд вося урасьӧм тӧлысь 18-ӧд лун (80 арӧс)
Куланін:	Ыб, Сыктывдін район, Коми Республика, Рочму;
Мыйся уджыс:	гижысь, поэт

Шаблон:Серпасыс абу

Файл:Безносиков В.И.jpg

Коми гижысь В.И. Безносиков (1927-2008)

Безносиков Владимир Иванович (1927—2008) — коми гижысь.

Олан туй

Владимир Безносиков чужӧма 1927-ӧд вося ӧшым тӧлысь 26-ӧд лунӧ Коми (Зыряна) асвеськӧдлан обласьтысь Сыктывдін районса Ыб сиктын. Сизим класс помалӧм бӧрын уджалӧма колхозын. 1944—1950-ӧд воясӧ служитӧма Сӧветскӧй армияын: медводз вӧлӧма кӧрт туй видзысьӧн, сэсся нёль во — пограничникӧн Карелияын Заполярьеын. Армияысь локтӧм бӧрын сизим во директоралӧма сиктса клубын. Сэсся вӧлӧма собкорӧн коми радиоын, режиссёрӧн, библиотекарӧн, велӧдӧма военнӧй делӧ Ыбса школаын. Кулӧма 2008-ӧд вося урасьӧм тӧлысь 18-ӧд лунӧ Ыбын.

Гижан удж

Владимир Безносиков медводдза висьтсӧ йӧзӧдӧма 1953-ӧд вося моз тӧлысьӧ «Войвыв кодзув» журналын. Чужан сиктса йӧз йылысь да лоӧмторъяс подув вылын гижӧма уна висьт да повесьт.

Медтӧдчана гижӧдъясыс: «Жар гожӧм» (1964), «Свӧякъяс» (1973), «Вильыш Вӧръю» (1977) да «Кыасянь кыаӧдз» (1985) повесьтъяс. Сборникъясын вӧлі йӧзӧдӧма шмонитана кывбуръяс, фельетонъяс, частушкаяс, ӧти юкӧна пьесаяс.

Республикаса Драма театрын пуктылісны сылӧн гижӧдъяс подув вылын спектакльяс: «Пож тыр дивӧ» , «Кӧч гӧсьнеч», «Марфалӧн нимлун».

Гижысьлысь висьтъяссӧ роч кыв вылӧ вуджӧдліс Пётр Столповский.

Россияса Гижысь котырӧ пырӧ 1991 восянь.

Общественнӧй удж

В.И. Безносиковӧс сизимысь бӧрйылісны сикт сӧветса депутатӧн, и век пуктывлісны веськӧдлысьӧс вежысьӧн.

Небӧгъяс

Дружба йылысь висьтъяс. — Сыктывкар: Коми книжнӧй изд-во, 1961. — 51 л.б.
Жар гожӧм: [повесьт]. — Сыктывкар: Коми книжнӧй изд-во, 1964. — 144 л.б.
Свӧякъяс: повесть, висьтъяс / Ред. С. Морозов. — Сыктывкар: Коми книжнӧй изд-во, 1973. — 139 л.б.
Вильыш Вӧръю: повесть да висьтъяс. — Сыктывкар: Коми книжнӧй изд-во, 1977. — 160 л.б.
Кӧні менам шудӧй: повесть, висьтъяс. — Сыктывкар: Коми книжнӧй изд-во, 1985. — 238 л.б.
Чужан сиктын олам-вылам: висьтъяс, повесть. — Сыктывкар: Коми книжнӧй изд-во, 1995. — 166 л.б.
Ок, и мортлӧн олӧм: повесть, висьтъяс. — Сыктывкар: Коми книжнӧй изд-во, 2001. — 366 л.б.
Менам шудыс-гажыс Ыб сиктын: кывбуръяс. — Ыб, 2008. — 26 л.б.
Ва моз визувтісны вояс... — Ыб, 2010. — 43 л.б.

Наградаяс

Коми Республикаса культураын нимӧдана уджалысь

Ӧшмӧсъяс

Коми Республикаса Вужвойтырлӧн небӧгаин
Финн-йӧгра портал
Мартынов В. И. Безносиков Владимир Иванович // Литераторы земли Коми: биобиблиографический словарь. — Сыктывкар, 2000. — С. 17—18.
Коми тӧдаінын В. И. Безносиковлӧн йӧзӧдӧмъяс йылысь
Беляев Г. Тайӧ миян висьтыс: «Кӧні менам шудӧй» висьт йылысь // Войвыв кодзув. 1981. — 11 №. — Л.б. 62—63.
Микушев А. Владимир Безносиковлӧн проза // Войвыв кодзув. 1984. — 3 №. — Л.б. 39—44.
Владимир Безносиков // Войвыв кодзув. 1995. — 4 №. — Л.б. 27.
Кузнецова Т. Сиктса олӧм нимӧдысь...: В. Безносиков гижӧдъяс йылысь // Войвыв кодзув. 1997. — 4 №. — Л.б. 67—70.
Владимир Иванович Безносиковлы — 75 // Войвыв кодзув. 2002. 12 №. — Л.б. 54.
В. И. Безносиковлы — 80 // Войвыв кодзув. 2007. — 12 №. — Л.б. 8.

Ыстӧдъяс