Ануфриева Татьяна Владимировна
| Ануфриева Татьяна Владимировна | |
| Чужан лун: |
1990-ӧд вося сора тӧлысь 10-ӧд лун |
|---|---|
| Чужанін: | |
| Кулан кад: |
2017-ӧд вося урасьӧм тӧлысь 24-ӧд лун (26 арӧс) |
| Куланін: | |
| Канму: | |
| Мыйся уджыс: | |
Ануфриева Татьяна Владимировна (1990-2017) — том коми гижысь. Нывдырся овыс — Кирпиченко.
Олан туй
[вежны | Вежны кодировкаын]Татьяна Кирпиченко чужӧма Новосибирск карын 1990-ӧд вося сора тӧлысь 10-ӧд лунӧ. 1991-ӧд воын сылӧн семьяыс локтӧма овны Коми Республикаӧ. Олӧма Уква карын, Уква районса Борӧвӧй сиктын, Изьва районса Діюр грездын.
2006-ӧд воын помалӧма Діюр грездса 9 класса школа, 2008-ӧд воын — Краснобор сиктса шӧр школа. 2013-ӧд воын Сыктывкарса канму университетлысь филология факультет помалӧм бӧрын уджалӧма Діюр грездса да Кельчиюр сиктса школаясын серпасасьӧм, роч кыв да литература велӧдысьӧн.
2016 вося гожӧмын висьмӧма лейкозӧн. Кулӧма 2017 вося урасьӧм тӧлысь 24 лунӧ Сыктывкарса онкодиспансерын. Сылӧн кольӧмаӧсь пи да верӧс.[1] Гуалӧма рака тӧлысь 1-ӧд лунӧ Изьва районса Діюрын.[2]
Гижан удж
[вежны | Вежны кодировкаын]Татьяна Кирпиченко кывбуръяс гижны заводитӧма роч кывйӧн квайт арӧссянь, комиӧн — дас куим арӧссянь. Проза гижӧма дас квайт арӧссянь. Сыктывкарса университетлӧн мӧд курссянь гижӧ челядьлы висьтъяс да мойдъяс.
Татьяна Кирпиченколысь гижӧдъяссӧ йӧзӧдлӧмаӧсь Изьва районса «Новый север» газетын, республикаса «Радуга», «Йӧлӧга» да «Коми му» газетъясын, республикаса «Войвыв кодзув», «Арт», «Би кинь» журналъясын. 2012-ӧд воын сылӧн гижӧдъясыс пырӧмаӧсь «Ижемский характер», «Стихия — 2», «Сьӧлэм гаже — изьва кыы» небӧгъясӧ.
2015 воын петавлӧма «И воас лун» кывбура асшӧр небӧг. 2016 воын Т. Кирпиченколы сетӧма А.Лужиков нима премиа.
Небӧгъяс
[вежны | Вежны кодировкаын]- Кирпиченко Т. И воас лун ... Кывбуръяс / Ред. Е.В. Козлов. — Сыктывкар: Коми Республикаса гижысь котыр, 2015. — 32 л.б. (Тир. 850 экз.)
- Кирпиченко Т. Ботландиясянь чолӧм! Привет из Ботландии! — Сыктывкар, 2017. (Тир. 300 экз.)[3]
- Кирпиченко Т. Мӧдлапӧлын. На другой стороне. — Сыктывкар, 2017. (Тир. 500 экз.)[4]
Ӧшмӧсъяс
[вежны | Вежны кодировкаын]Ыстӧдъяс
[вежны | Вежны кодировкаын]- ↑ Пархачева Я. Ижемская поэтесса Татьяна Кирпиченко, боровшаяся с острым лейкозом, умерла // «Комиинформ» юӧр сетан агентство (2017.02.24; рочӧн)
- ↑ Баканов И. В Сыктывкаре простились с поэтессой Татьяной Кирпиченко // «Комиинформ» юӧр сетан агентство (2017.02.27; рочӧн)
- ↑ Полина О. Через неделю после смерти Татьяны Кирпиченко вышла в свет ее книга // «Комиинформ» юӧр сетан агентство (2017.03.04 лун; рочӧн)
- ↑ Пархачёва Я. Книга ижемки Татьяны Кирпиченко увидела свет спустя полгода после ее трагического ухода из жизни // «Комиинформ» юӧр сетан агентство (2017.12.02 лун; рочӧн)