Куклина Раиса Ильинична
| Куклина Раиса Ильинична | |
| Чужан лун: |
1951-ӧд вося кӧч тӧлысь 16-ӧд лун[1] (72 арӧс) |
|---|---|
| Чужанін: | |
| Канму: | |
| Мыйся уджыс: | |
Куклина Раиса Ильинична (комиӧн Илля Райӧ; 1951— 2018 ) — коми кывбуралысь да литература туялысь. Гижӧма комиӧн да рочӧн.
Олан туй[вежны | Вежны кодировкаын]
Раиса Куклина чужӧма 1951-ӧд вося кӧч тӧлысь 16-ӧд лунӧ Сыктывкарын. Тані жӧ помалӧма 2-ӧд номера школа. 1970—1973-ӧд воясӧ уджалӧма телеграфистӧн. Сэсся лоӧма «Югыд туй» газет редакцияын машинисткаӧн. 1973—1978-ӧд воясӧ велӧдчӧма Коми пединститутса филология факультетын уджысь орӧдчытӧг. Институт помалӧм бӧрын 1978-ӧд воын пырӧма уджавны СССР-са наукаяс академиялӧн Коми филиалысь Кыв, литература да история институтса кыв секторӧ старшӧй лаборантӧн. 1980—1983-ӧд воясӧ велӧдчӧма СССР-са наукаяс академиялӧн Коми филиалса очнӧй аспирантураын «СССР-са войтырлӧн литература» специальносьт серти. 1987-ӧд восянь уджалӧ фольклор да литература секторын младшӧй научнӧй сотрудникӧн, 1992-ӧд восянь — литературоведение юкӧдса научнӧй сотрудник должносьтын.[2]
Кулӧма 2018-ӧд вося лӧддза-номъя тӧлысьын.
Туясян удж[вежны | Вежны кодировкаын]
Диссертация темаыс — «Комедия как ведущий жанр коми драматургии». Туялӧма коми драматургиялысь аслыспӧлӧслунсӧ, поэтикасӧ жа жанръяссӧ.
Р.И. Куклиналӧн медводдза йӧзӧдӧм уджӧн вӧлӧма В.А. Латышевалӧн «Драматургия и жизнь» небӧг вылӧ рецензия, мый петавлӧма 1986-ӧд воын «Войвыв кодзув» журналын (2 №). Сы бӧрын тшӧкыда гижлӧма коми литература, драматургия да национальнӧй театр йылысь.
Гижан удж[вежны | Вежны кодировкаын]
Р.И. Куклина гижӧ кывбуръяс комиӧн да рочӧн. Аслас гижан сям йывсьыс восьсӧн юӧртӧма 1997 воын. Кывбуръясыс петавлісны «Войвыв кодзув» журналын, «Коми му» газетын, «Сыктывкар» да «Летящей мысли светлый луч» литературнӧй альманахъясын, «Уна рӧма сикӧтш» (2002), «Ӧтувъя керка» (2001) ӧтувъя чукӧръясын.
Некымын кывбур вуджӧдӧма эст кыв вылӧ да йӧзӧдӧма «Пӧсь вой» чукӧрын (2006).
Раиса Куклиналӧн комиӧн петавлісны «Тэ менам шондіӧй» (2001) да «Ловзьысь муслун» (2012) чукӧръяс, комиа-рочӧн — «ТЫ и Я» (2005) да «Эн дивит тэ менӧ» (2007) небӧгторъяс, рочӧн — «Весенние напевы» небӧг (2008).
Небӧгъяс[вежны | Вежны кодировкаын]
- Тэ менам шондіӧй: кывбуръяс. — Сыктывкар: Коми небӧг лэдзанін, 2001. — 24 л.б. («Ӧтувъя керка» кывбур чукӧрысь)
- ТЫ и Я: кывбуръяс. — Сыктывкар: Геопринт, 2005. — 52 л.б. (рочӧн да комиӧн)
- Эн дивит тэ менӧ...: кывбуръяс. — Сыктывкар: Эскӧм, 2007. — 96 л.б. (комиӧн да рочӧн)
- Весенние напевы: [стихи] / Предисл. А.Г. Елфимовой. — Сыктывкар: КРИРОиПК, 2008. — 32 л.б. (рочӧн) (50 экз.)
- Ловзьысь муслун: [кывбуръяс]. — Сыктывкар: Коми Республикаса гижысь котыр, 2012. — 32 л.б.
Туясян уджъяс[вежны | Вежны кодировкаын]
Ӧшмӧсъяс[вежны | Вежны кодировкаын]
- "Коми тӧданін" сайтын Р.И. Куклина йылысь
- Куклина Раиса Ивановна // Ученые Института языка, литературы и истории Коми научного центра УрО РАН: Биографический справочник / Сост. И. Л. Жеребцов. – Сыктывкар, 2000. — С. 99.
Ыстӧдъяс[вежны | Вежны кодировкаын]
- ↑ http://history.syktnet.ru/05/09/1609.html
- ↑ Куклина Раиса Ивановна // Ученые Института языка, литературы и истории Коми научного центра УрО РАН: Биографический справочник / Сост. И. Л. Жеребцов. – Сыктывкар, 2000. — С. 99.