Шахов Пётр Федотович

Шахов Пётр Федотович
	Шахов Пётр Федотович
Чужан лун:	1931-ӧд вося тӧвшӧр тӧлысь 22-ӧд лун
Чужанін:	Кекур, Пожӧг сикт овмӧдчӧмин, Кулӧмдін район, Коми Республика, РСФСР[d], Сӧветскӧй Социалистическӧй Республикаяслӧн Союз; Коми (Зыряна) асвеськӧдлан обласьт, Северный край[d], РСФСР[d], Сӧветскӧй Социалистическӧй Республикаяслӧн Союз;
Кулан кад:	2006-ӧд вося лӧддза-номъя тӧлысь 9-ӧд лун (75 арӧс)
Куланін:	Сыктывкар, Рочму;
Канму:	Сӧветскӧй Социалистическӧй Республикаяслӧн Союз; Рочму;
Мыйся уджыс:	коми гижысь

Шаблон:Серпасыс абу

Шахов Пётр Федотович (комиӧн — Педот Петыр) (1931–2006) — коми гижысь. Коми гижысь Шахов Борис Федотовичлӧн вок.

Олан туй

Педот Петыр чужӧма 1931-ӧд вося тӧвшӧр тӧлысь 22-ӧд лунӧ Кулӧмдiн районысь Пожӧг сикт овмӧдчӧмин улӧ пырысь Кекур грездын. 1946–1952-ӧд воясын уджалӧма детдомын воспитательӧн, а сэсся директорӧн. Уджалігас помалӧма Сыктывкарса педучилище. 1952–1954-ӧд воясын служитӧма армияын.

1954-ӧд воын демобилизация бӧрын уджалӧма начальнӧй школаын, сійӧс бӧрйӧмаӧсь комсомолъяслӧн Помӧсдінса районнӧй комитетӧ секретарӧн. 1964-ӧд воын уджысь орӧдчытӧг помалӧма Ленинградын вылыс партийнӧй школа. Уджавлӧма радиоын, газетъясын («Югыд туй»), Коми небöг лэдзанiнын. Дас кык во вӧлӧма «Войвыв кодзув» журналса медшӧр редакторӧн. Веськӧдлӧма Коми АССР-са Гижысь котырӧн. Пенсия вылӧ петӧма Коми гижысь котырын веськӧдлысьӧс вежысь должносьтсянь.

Кулӧма 2006-ӧд вося лӧддза-номъя тӧлысь 9-ӧд лунӧ Сыктывкарын.

Гижан удж

Пётр Шахов тӧдса кыдзи прозаик. Гижӧма очеркъяс, висьтъяс да повесьтъяс. Сылысь «Олӧмыс сӧмын заводитчӧ» медводдза повесьтсӧ вӧлі йӧзӧдӧма 1960-ӧд воын «Войвыв кодзув» журналын. Сёрӧнджык петісны «Вежон кежлӧ том кадӧ», «Мыйла олам, мыйла колам», «Лӧз патефон», «Ӧксинь тьӧт».

Коми республикаса драмаа театрын мунiсны «Бур асыв» да «Рытъя аддзысьлӧмъяс» пьесаяс серти спектакльяс.

Висьтъяс пиысь тӧдсаӧсь: «Тӧлыс бара вӧлі кӧдзыд», «Уна и колӧ».

Асьсӧ пасйывліс тадзи: Пер Педот Митрей Вась Иван Педот Петыр Шахов.

Небӧгъяс

Олӧмыс сӧмын заводитчӧ: повесть. — Сыктывкар: Коми кн. изд-во, 1964. — 104 л.б.
Йӧз пӧвстын : повесть да висьтъяс. — Сыктывкар: Коми кн. изд-во, 1968. — 146 л.б.
Вежон кежлӧ том кадӧ кык висьт да повесть. — Сыктывкар: Коми кн. изд-во, 1972. — 232 л.б.
Повестьяс. — Сыктывкар: Коми кн. изд-во, 1977. — 278 л.б.
Мыйла олам: очерк, повестьяс, пьеса, висьтъяс. — Сыктывкар: Коми кн. изд-во, 1985. — 368 лб.
Лӧз патефон: висьт, повестьяс, очерк. — Сыктывкар: Коми кн. изд-во, 1988. — 256 лб.
Бур асыв: пьесаяс. — Сыктывкар: Коми кн. изд-во, 1991. — 223 л.б.

Наградаяс да премияяс

1976, 1977 — И.А. Куратов нима Коми АССР-са канму премия босьтысь
Коми АССР-са культураын нимӧдана уджалысь

Ӧшмӧсъяс