Чувьюров Василий Николаевич

Чувьюров Василий Николаевич
Чужан лун:	1938-ӧд вося тӧвшӧр тӧлысь 7-ӧд лун(1938-01-07) (86 арӧс)
Чужанін:	Дереваннӧй, Кулӧмдін район, Коми Республика, РСФСР[d], Сӧветскӧй Социалистическӧй Республикаяслӧн Союз Коми Автономнӧй Сӧветскӧй Социалистическӧй Республика, РСФСР[d], Сӧветскӧй Социалистическӧй Республикаяслӧн Союз
Канму:	Сӧветскӧй Социалистическӧй Республикаяслӧн Союз  Рочму
Мыйся уджыс:	шылад тэчысь

Чувьюров Василий Николаевич (Кузнец Вась; 1938—2019) — коми шылад тэчысь. Чойыс, Чувьюрова Лидия Даниловна, сідзжӧ тӧдса кыдзи шылад тэчысь.

Олан туй

Чужӧма 1938-ӧд вося тӧвшӧр тӧлысь 7-ӧд лунӧ Коми АССР-ысь Кулӧмдін районса Дереваннӧй сиктын. Батьыс вӧлӧма дорччысьӧн (кузьнечӧн), та вӧсна сійӧс кутісны шуны Кузнеч Васьӧн. Мамыс вӧлӧма мӧс лысьтысьӧн, семьяас быдмӧма 4 кага: 2 вок да 2 чой.

7 класс помалӧм бӧрын, кор сылы вӧлӧма 15 арӧс, сійӧс муртса абу лыйлӧмаӧсь сыысь, мый гижӧма И.В. Сталинлы письмӧ да дорйӧма ассьыс ёртсӧ, кодӧс лыйлӧмаӧсь. Отсалӧма сійӧ, мый мӧдӧдчӧма велӧдчыны ФЗУ-ӧ (Фабрика-завод училишӧ). Кочегаритӧма. Ленинградса экспедиция котыркӧд вуджӧма Урал гӧраяс, велӧдчӧма Ташкентын.

Армия бӧрын комсомол путёвка серти уджалӧма Казахстанын: кыпӧдӧма эжа му, нёль во комбайнёралӧма Казахстанын Кустанай обласьтса Карабалык районын. Уджавлӧма Челябинскын механическӧй заводын дорччысьӧн.

Сыктывкарӧ воӧм бӧрын пырӧма велӧдчыны Культпросветучилишӧ (ӧні — В.Т. Чисталёв нима Коми Республикаса культура колледж), кытысь во велӧдчӧм бӧрын вӧтлӧмаӧсь со татшӧм кывъясӧн: «низкий идейный уровень творчества и идеологически вредные песни». Ас пыдди велӧдчыны вайӧма Лидия чойсӧ.

Чужанінас, Кулӧмдін районса Дереваннӧй сиктӧ, воӧм бӧрын уджалӧма совхозын бригадирӧн: кыпӧдӧма картаяс.

Кулӧма 2019-ӧд вося кӧч тӧлысь 26-ӧд лунӧ.

Шылад тэчӧм

Аслас олӧмын гижӧма 400 сайӧ сьыланкыв, на лыдын ветымыныс рочӧн. Паськыда нималӧны татшӧм сьыланкывъяс, кыдзи «Август тӧлысь» (кывъясыс А.П. Мишариналӧн), «Эжваса вальс» (кывъясыс С.А. Поповлӧн), «Козин» (кывъясыс В.Л. Бабинлӧн), и с.в.

Ачыс гижӧ жӧ кывбуръяс да на дорӧ сьыланкывъяс: «Эжва вылын», «Вӧрын ветлӧ ош», «Коми танго» и с.в.

Василий Чувьюров вӧлі «Василей» республикаса гаж котыртысьяс лыдын.

Уна во чужан сиктас веськӧдлӧ «Коми аньяс» сьылан котырӧн, коді босьтлӧма унасикас награда.

Наградаяс

• Коми Республикаса культураын нимӧдана уджалысь
• Коми Республикаса Веськӧдлан котырлысь премия босьтысь
• «Коми Республикалы бур нога службаысь» торъялана пас

Ӧшмӧсъяс

• Календарь знаменательных и памятных дат Республики Коми на 2013 год / Сост. В.Н. Казаринова; Национальная библиотека РК. — Сыктывкар, 2012. — 147 с.
• Демидов, В. Семь нот в деревенской тишине // Красное знамя, 2007, 15 мая.
• Чувьюров В.Н. Сьыланкывлӧн мелі шы ... / В. Каракчиевкӧд сёрни // Коми му, 2002, йирым 3 лун.
• Чувьюров В.Н. Мыйысь долыд композиторлы / И. Белыхкӧд сёрни // Йӧлӧга, 2001, 46 №.
• Лодыгин В.Г. «Сьӧлӧмӧй бара на вӧрзис» // Коми му, 1995, тӧвшӧр 12 лун.