Фадеев Тимофей Павлович

Материал из Wikipedia
Перейти к навигации Перейти к поиску

Фадеев Тимофей Павлович (19371992) — перым коми гижысь.

Олан туй[веськӧдны | править код]

Тимофей Фадеев чужӧма 1937 вося урасьӧм тӧлысь 11-ӧд лунӧ Перым Коми кытшын Кӧс районса Новожилов грездын. Тані жӧ помалӧма начальнӧй школа, а орчча Чурак сиктын — сизим класс. Кӧс леспромхозын уджалыштӧм бӧрын ветлӧма армияӧ. Сэсся уджалӧма комсомол райкомын инструкторӧн, районса газетын корреспондентӧн, веськӧдлӧма клубӧн, вӧлӧма столярӧн, горнорабочӧйӧн, трудысь велӧдысьӧн. Помалӧма шӧр школа.

Кулӧма 1992 вося ӧшым тӧлысь 9-ӧд лунӧ.

Гижан удж[веськӧдны | править код]

Йӧзӧдчыны босьтчӧма 1963 воын: медводз — ӧтувъя сборникъясын, а сэсся чужӧмаӧсь асшӧр небӧгъяс. Медводдзаыс — «Почкаэз оссьӧны» — петӧма 1970 воын Кудымкарын.

Гижӧма да йӧзӧдӧ «Гажа грива», «Адззисьлытӧдз, Марина!» да «Прошинаын тулыс» повесьтъяс. Сідзжӧ гижӧ кывбуръяс, пьесаяс, вӧр-ва йылысь висьтъяс. Сылӧн кывбуръяс вылӧ тэчӧма уна сьыланкыв да романс.

Пырӧ Россияса гижысь котырӧ.

«Олӧм лун» небӧгысь Т.П. Фадеевлы сетӧма М. Лихачёв нима литературнӧй премия.

Небӧгъяс[веськӧдны | править код]

Наградаяс[веськӧдны | править код]

  • М. Лихачёв нима литературнӧй премия

Ӧшмӧсъяс[веськӧдны | править код]

  • Фадеев Тимофей Павлович // «Войвыв кодзув». 2018. — 2 №. — Л.б. 66.
  • Коми-пермяцкие писатели: Биографический справочник для образовательных учреждений. В 2 ч. Часть I. / Авт.-сост. Н.А. Мальцева. — Кудымкар, 2006.

Ыстӧдъяс[веськӧдны | править код]