Торлопов Владимир Александрович

Торлопов Владимир Александрович
	Торлопов Владимир Александрович
	Торлопов Ольоксан Володь
Чужан лун:	1949-ӧд вося вӧльгым тӧлысь 14-ӧд лун (74 арӧс)
Чужанін:	Сыктывкар, Коми Автономнӧй Сӧветскӧй Социалистическӧй Республика, РСФСР[d], Сӧветскӧй Социалистическӧй Республикаяслӧн Союз;
Канму:	Рочму;
Мыйся уджыс:	политик, государственный деятель
Ошканпасъяс да премияяс:
	Торлопов Владимир Александрович на Викискладе

(Торлопов Ӧльӧксан Володь (1949) — Коми Республикаса Юралысь (2002—2010)

Торлопов Ӧльӧксан Володь (рочӧн Владимир Александрович Торлопов) — Коми Республикаса Юралысь (2002—2010), Россия Федерацияысь Федеральнӧй Собраниеса Федерация Советӧ пырысь (2010 во), социология наукаясса доктор (1999).

Олан туй

1949, вӧльгым тӧлысь 14 лун — чужис Сыктывкарын. Сылöн батьыс Александр Полиектович — коми, вöлi сплавконтораса уджалысьяслöн профсоюзса нырщик, мамыс Мария Петровна — роч — репрессированнöй семьяысь, вöлi быдтöма интернатын, уджалöма подув классъясын велöдысьöн.
1970 — помалic Коми канму педагогика институт.
1971 – Вылыс Максаковкаса шӧр школаын физика велӧдысь.
1972–1973 – армияын служба.
1974 – профсоюзса уджалысьяслӧн Коми обкомын инструктор, юкӧдӧн юрнуӧдысь, веськӧдлысь.
1988 – Ленинградса Вылыс партия школа.
1990 – бӧрйӧма профсоюзъяссянь 150-ӧд номера Межадорса бӧрйысян кытшсянь (Сыктыв район) Коми АССР-са Верховнӧй Сӧветӧ депутатӧн.
1993 – Коми Республикаса Министръяслӧн Сӧветысь веськӧдлысьӧс медводдза вежысь (социальнӧй юалӧмъяс серти).
1993 – Пиво радейтысьяслӧн ютырӧ пырысь.
1995 да 1999 – бӧрйӧма Коми Республикаса Каналан Сӧветса депутатӧн 1-ӧд номера Лесозаводса бӧрйысян кытшсянь (Сыктывкар), Каналан Сӧветса веськӧдлысь.
1996 – Россия Федерацияысь Федеральнӧй Собраниеса Федерация Советӧ пырысь, веськӧдлӧ социальнӧй политика юалӧмъяс серти комитетӧн.
2001, ӧшым тӧлысь 16 лун – бӧрйӧма Коми Республикаса Юралысьӧн. В.А. Торлопов (сылöн 40 % гöлöс) ордйис сэк кадся Коми Республикаса Юралысь Спиридонов Юрий Алексеевичӧс (сылӧн 34,9 % гöлöс).
2002, тӧвшӧр тӧлысь 15 лун – вынсьӧдісны Коми Республикаса Юралысь должносьтын.
2005, ӧшым тӧлысь 7 лун – Россия Федерацияса Президент Путин Владимир Владимирович вӧзйис, а Коми Республикаса Каналан Сӧвет вынсьӧдіс В.А. Торлоповӧс Коми Республикаса Юралысь должносьтын.
2010, тӧвшӧр тӧлысь 14 лун – В.А. Торлоповлӧн кыдзи Коми Республикаса Юралысьлӧн, помасисны полномочиеясыс.
2010, рака тӧлысь 3 лун – Коми Республикаса правительствосянь пырӧ Россия Федерацияысь Федеральнӧй Собраниеса Федерация Советӧ.

Туясян удж

1999 – Санкт-Петербургын дорйис «Политическая социология» специальносьт серти социология наукаясса доктор ним вылӧ диссертация.
Герцен нима Санкт-Петербургса Государственнӧй педагогика университетысь Туялысьяслӧн Сӧветӧ пырысь.

Наградаяс

Коми Республикаса нимӧдана уджалысь
Почёт орден – сетӧма 1999 вося вӧльгым тӧлысь 14-ӧд лунся Россия Федерацияса Президентлӧн указӧн
Россия Федерацияса Президентлӧн аттьӧалӧм (2005, моз тӧлысь 25 лун)
IV тшупöда «Айму водзын уджысь» орден – Коми Республикалöн социально-экономическöй сöвмöмö пай пуктöмысь да уна вося бур уджысь (2006, вӧльгым тӧлысь 13 лун)
II тшупӧда Преподобнöй Сергий Радонежскöй нима орден (2001)
Святослав Фёдоров нима премиаын «Федерация» нимпасын лауреат (2004)
«Мывкыд мӧвпъясысь да бур уджысь» (рочӧн За благородные помыслы и достойные деяния) казьтылана медаль (2004)
«Айму вӧсна Ыджыд тышын 60-ӧд вося Вермӧмысь» казьтылана медаль (2005)

Ӧшмӧсъяс