Старовский Владимир Никонович

Босьтӧма Wikipediaысь
Старовский Владимир Никонович
Чужан лун:

20 косму (3 ода-кора) 1905

Чужанін:
Кулан кад:

1975-ӧд вося йирым тӧлысь 20-ӧд лун(1975-10-20)[1] (70 арӧс)

Куланін:
Канму:
Мыйся уджыс:

экономист, политик

Ошканпасъяс да премияяс:
Ленин орден Социалистическӧй Уджвывса Герой Октябрса революциа орден Уджвывса Гӧрд Дӧрапас орден Почёт орден

Шаблон:Серпасыс абу

Старовский Владимир Никонович (19051975) — Cӧвет кадся тӧдчана уджалысь, профессор (1934), экономикаысь доктор (1940), СССР-са наукаяс академияысь член-корреспондент (1958), Социалистическӧй уджвывса герой (1975).

Олан туй[вежны | Вежны кодировкаын]

Владимир Старовский чужис Вӧлӧгда губерняысь Усть-Сысольск уездса Помӧсдін сиктын (Ӧні — Коми Республикаса Кулӧмдін район) 1905 вося ода-кора тӧлысьлӧн 3 лунӧ (важ стиль серти — косму тӧлысь 20-ӧд лунӧ велӧдысьяслӧн семьяын.

Начальнӧй школа помаліс Помӧсдінын. 19191923 воясӧ уджаліс Усть-Сысольск уездса статбюроын делопроизводитель-статистӧн да веськӧдлысьӧс вежысьӧн. 1923 воын жӧ помаліс карын рытъя школа. 1926 воын помаліс Москваса канму университетысь сӧветскӧй право факультет.

19261930 воясӧ — Экономика институтын аспирант (РАНИОН — Российская Ассоциация научно-исследовательских институтов общественных наук). 1940 воын лоис экономика наукаясса докторӧн, 1958 воын — СССР-са наукаяс академияын член-корреспондентӧн.

Университетын велӧдчигӧн на, 1925 восянь, 1930 воӧдз уджаліс СССР-са Шӧр статистика управлениелӧн аппаратын статистикӧн. 19311937 воясӧ уджаліс СССР-са Госпланлӧн народно-хозяйственнӧй учёт Шӧр управлениын (ЦУНХУ) (научнӧй сотрудник, методическӧй юкӧн серти кадръяс отделын веськодлысьӧс вежысь). 19371939 воясӧ вӧлі ЦУНХУ-ысь Ставсоюзса йӧзӧс гижалӧмын бюроса веськӧдлысьӧс вежысьӧн; 19401941 — СССР-са Госплан-лӧн ЦУНХУ-ын начальник; 19411948 — СССР-са Госпланлӧн Шӧр статистика управлениеын управляюшӧй — СССР-са Госпланын Председательӧс вежысьӧн. 19481961 воясӧ — СССР-са Шӧр статистика управлениеын управляюшӧй, 1957 восянь СССР-са министр рангын. 19611975 воясӧ вӧлі КПСС-лӧн Шӧр ревизионнӧй комиссияӧ пырысьӧн.

Уджалӧм кындзи вӧлі нуӧдӧ туялан да велӧдан удж.

1975 вося моз тӧлысьӧ петіс пенсиа вылӧ. Куліс 1975 вося йирым тӧлысь 20-ӧд лунӧ Москваын.

Партия да общественнӧй удж[вежны | Вежны кодировкаын]

  • 1939 воӧ пырис ВКП(б)-ӧ.
  • Вӧлі КПСС XXII, XXIII да XXIV съездъяслӧн делегатӧн.
  • 1961 вося йирым тӧлысьсянь — КПСС-лӧн Шӧр комитетӧ пырысь.
  • Куимысь бӧрйылісны СССР-са Вылыс Сӧветӧ депутатӧн (1962, 1966, 1970).

Туялан уджъяс[вежны | Вежны кодировкаын]

  • Теория математической статистики
  • Общая теория статистики
  • Азбука статистики
  • Экономическая статистика
  • О методике прогноза роста численности населения Советского Союза
  • Производительность общественного труда и проблемы народонаселения
  • Теория и практика советской государственной статистики

Наградаяс[вежны | Вежны кодировкаын]

Паметь[вежны | Вежны кодировкаын]

  • Сыктывкарын эм В.Н. Старовский нима улича.

Ӧшмӧсъяс[вежны | Вежны кодировкаын]

Ыстӧдъяс[вежны | Вежны кодировкаын]

  1. 1,0 1,1 1,2 Старовский Владимир Никонович // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.