Сигудӧк (ансамбль)

Материал из Wikipedia
Перейти к навигации Перейти к поиску

СигудӧкКоми Республикаын сьыланкыв да йӧктӧмлӧн образцовӧй челядь ансамбль, коді уджалӧ содтӧд тӧдӧмлун сетан республикаса шӧрин бердын. Лӧсьӧдӧма 1966 воын.

История[веськӧдны | править код]

Сыктывкарса том йӧзлысь «Сигудӧк» ансамбль лӧсьӧдӧм йылысь шуӧмсӧ вӧлі вынсьӧдӧма 1966 вося кӧч тӧлысь 14-ӧд лунӧ Коми АССР-са профессионально-техническӧй велӧдӧмлӧн управлениеса коллегия дырйи.

Концертъясӧн ансамбль вӧлі Коми Республикаса быд районын да карын, Россияса уна карын (Воронеж, Псков, Рязань, Владимир, Пермь, Киров, Москва, Кисловодск, Жуковский и с.в.), суйӧр сайын (Польша, Болгария, Югославия, Англия, Молдова, Франция, Финляндия, Германия, Америка, Индия, Непал). Уна сюрс видзӧдысь вермис тӧдмасьны коми войтырлӧн аслыспӧлӧ искусствоӧн – сьылӧмӧн, йӧктӧмӧн да шыладӧн.

1993 воын «Сигудӧк» ӧтувтісны Школабӧрса быдтӧмлӧн республикаса шӧринкӧд (ӧні — «Содтӧд тӧдӧмлун сетан республикаса шӧрин»).

2004 воын вылыс художественнӧй тшупӧдысь да сьылан сямысь, челядькӧд да томуловкӧд ыджыд удж нуӧдӧмысь сьыланкыв да йӧктӧмлӧн «Сигудӧк» ансамбльлы, коді уджалӧ содтӧд тӧдӧмлун сетан республикаса шӧрин бердын, вӧлі сетӧма «Образцовый детский коллектив» ним.

2012 вося косму тӧлысь 28-ӧд лунӧ Сыктывкарын Искусствояс гимназиаын вӧлі концерт, мый сиисны сьыланкыв да йӧктӧмлӧн «Сигудӧк» образцӧвӧй ансамбльлӧн 45 вося юбилейлы. Таӧдз вит во чӧж ансамбль эз кыв некӧн.

Ансамбльлӧн репертуарын — коми шылад тэчысьяслӧн сьыланкывъяс, коми фольклор подув вылын тэчӧм сьыланъяс, комий йӧзкостса йӧктӧмъяс. Медтӧдчана номерыс «Кӧр видзысьяс» йӧктӧм.

Челядь дырйи «Сигудӧкын» йӧктывлӧма сідзжӧ Коми Республикаса экономика сӧвмӧдӧм министр Антон Фридман.[1]

2012 вося йӧзкостса сьыланкывъяс асшӧра сьылысьяслӧн «Завалинка» Ставроссияса фестивальын «Сигудӧк» ансамбль босьтіс 3-ӧд места «Стилизованнӧй йӧзкостса сьыланкывъяс сьылӧмысь» нимпасын.[2]

Веськӧдлысьяс[веськӧдны | править код]

  • 1966 воын том йӧзлысь самодеятельнӧй коллективӧн кутіс веськӧдлыны Петр Авраамович Шеер.
  • 1969 воын ансамбльӧн директораліс Тамара Петровна Машукова.
  • 1972 воын ансамбльӧн веськӧдлысьӧн лоис Коми АССР-са культураын нимӧдана уджалысь Николай Александрович Губин.
  • 1973 восянь ансамбльын медшӧр балетмейстер — Коми АССР-са нимйӧза артистка Тамара Николаевна Борисова, коді уджаліс коллективас 20 воысь дырджык.
  • 1982 восянь ансамбльын директор — Любовь Дмитриевна Жукова.
  • 1994 воын художественнӧй веськӧдлысьӧн, а сэсся и директорӧн лои Андрей Юрьевич Брызгалов, оркестрӧн веськӧдлысьӧн — Валерий Александрович Волохов.
  • 1997 восянь ансамбльын художественнӧй веськӧдлысь — Ирина Николаевна Поповцева.
  • 2006 воын сьыланкыв да йӧктӧмлӧн «Сигудöк» образцовӧй ансамбльын художественнӧй веськӧдлысьӧн лои Елена Рудольфовна Казакова, коді ӧні веськӧдлӧ «Сигудӧкӧн». Ансамбльын сідзжӧ уджалӧны: хормейстер Наталья Ливериевна Уляшева, оркестрын дирижёр Сергей Викторович Гусев, педагог-репетитор Екатерина Михайловна Денисова, паськӧм жырйӧн веськӧдлӧ Наталья Витальевна Савина.

Ансамбль нимӧдысьяс[веськӧдны | править код]

  • Александр Брагин — Коми Республикаса нимйӧза артист, «Асъя кыа» канму ансамбльса балетын сьылысь
  • Людмила Васильева — балса йӧктӧмъяслӧн ансамбльӧн веськӧдлысь (Улыс Одес посёлок)
  • Елена Казакова — сьыланкыв да йӧктӧмлӧн «Сигудöк» образцовӧй ансамбльын художественнӧй веськӧдлысь
  • Владимир Коснырев — «Асъя кыа» канму ансамбльса хорын сьылысь
  • Татьяна Минченко — Коми Республикаса нимӧдана артистка, Коми республикаса филармониаын концерт уджтасъяс нуӧдысь
  • Надежда Наркевичус — «Магия» ансамбльӧн веськӧдлысь (Москва)

Видзӧдӧй тшӧтш[веськӧдны | править код]

  • Сигудӧк — коми йӧзкостса шылад инструмент

Ӧшмӧсъяс[веськӧдны | править код]

Ыстӧдъяс[веськӧдны | править код]

  1. В Коми после 5-летнего перерыва возродился ансамбль «Сигудöк» // «Финугор» сайт, 2012 во, ода-кора тӧлысь 4-ӧд лун
  2. «Завалинка» фестиваль 2012 воын (рочӧн)