Сенюков Василий Михайлович

Сенюков Василий Михайлович (1907—1975) — коми геолог, минералогия наукаясса доктор, профессор, СССР-са канму премия босьтысь.

Олан туй

Василий Сенюков чужӧма 1907-ӧд вося тӧвшӧр тӧлысь 7-ӧд лунӧ (важ стиль серти 1906-ӧд вося ӧшым тӧлысь 25-ӧд лунӧ Вӧлӧгда губерняса Туръяыбын (ӧні Княжпогост районса Сьӧська сикт овмӧдчӧмин улӧ пырысь Туръяыб грезд).

Помалӧма Удора районса Слӧбӧдаын мӧд тшупӧда школа (экстернӧн, 1925—1928), Усть-Сысольскын педагогическӧй техникум да сӧветскӧӥ партийнӧй школа (1930), И.М. Губкин нима мусир да биарулысь Россияса канму университет (1935). Академик И. М. Губкин вӧзйӧм серти пырӧма велӧдчыны аспирантураӧ.

1935—1937-ӧд воясӧ Якутияын геологическӧй экспедицияын уджалысь. 1937—1942-ӧд воясӧ — начальникӧс вежысь, а 1939-ӧд восянь — СССР-са топливнӧй промышленносьт наркоматса Главнӧй геологическӧй управлениеын начальник.

Кулӧма 1975-ӧд вося моз тӧлысь 22-ӧд лунӧ.

Удж

Василий Сенюков — СССР-ын медводдза геолого-минералогическӧй наукаясса доктор (1938), кодлы сетісны туясян степень диссертация дорйытӧг Асыввыв Сибирын улыс кремнийса мусир куйланін восьтӧмысь. Айму вӧсна Ыджыд тыш кадӧ аддзӧма Саратовса биару куйланін.

Ошканпасъяс

• I тшупӧда Сталин премия (1941) — «Река Толба и нефтеносность северного склона Алданского массива» туясян уджысь (1938)
• I тшупӧда Сталин премия (1946) — Саратов дорысь Елшан-Курдюм биару куйланін восьтӧмысь да туялӧмысь
• Ленин орден
• Уджвывса Гӧрд Дӧрапас орден
• Гӧрд Кодзувлӧн орден
• «Почёт пас» орден (кыкысь)
• медальяс
• СССР-са канму премия — Узбекистанын уран куйланін восьтӧмысь (юӧрыс абу стӧчмӧдӧма)
• Коми АССР-са наука да техникаын нимӧдана уджалысь
• Якутск АССР-са наука да техникаын нимӧдана уджалысь (1967)

Память

• Сенюков нимӧн шуӧмаӧсь Емва да Укта каръясын уличаяс (Коми Республика)

Ӧшмӧсъяс

• Калинин Е. П. Сенюков Василий Михайлович // Историко-культурный атлас Республики Коми. — М., 1997. — С. 303.