Роч-Украина война
Роч-Украина война - Россия (а сы бӧрын аннексируйтӧм ДЙР да ЛЙР) да Украина костын юӧртӧм война. Сійӧ заводитчис Евромайданын вермӧм бӧрын да Украинаса президент Виктор Януковичлӧн 2014 вося февральын пышйӧм бӧрын февраль 27 лунӧ россияса спецназӧн Крымса парламент босьтӧмӧн, Россияӧн Крым босьтӧмӧн да аннексияӧн (Украинаса регионъяс — Сестопова да Крым) . . Донецк да Луганск обласьтъясын Украинаса выль правительстволы паныд пророссийскӧй протестъяс, кодъясӧс шуӧмаӧсь «Россияса тулысӧн», ёна ёнмисны тышъясӧн 2014 вося апрель 12 лунӧ, кор россиясаяслӧн вооружённӧй отряд, кодӧс веськӧдліс ФСБ-са экс-офицер Игорь Гиркин-Стрельков босьтіс Донецк обласьтса Славянск кар. Россия отсаліс да контролируйтіс асшӧр ДЙР да ЛЙР, сы лыдын веськыд военнӧй вмешательство пыр. 2022 вося февраль 24 лунӧ тырвыйӧ тышкасьӧмӧдз военнӧй уджтасъяс локализуйтчисны ёнджыкасӧ Донбассын.