Пузла (Кулӧмдін район)

Пузла Пузла
Му:	Рочму
Статус:	посёлок
республика:	Коми республика
район:	Кулӧмдін район
Медводдза казьтыштӧм:	1888
Инлыдпасъяс:	0°00′ в. п. 0°00′ а. к.0° в. п. 0° а. к. 0, 0
Официал кыв	коми, роч
Олысьяс	325 морт (2007)
Час кытш:	UTC+3+3
Телефон код:	+7 8 2137
Пошта индӧс:	168092
Автомобиль код:	11, 111

Пузла (рочӧн Пузла) — Коми Республикаын Кулӧмдін районысь Вӧльдін сикт овмӧдчӧминса посёлок.

Файл:Derevnya Puzla.jpg

Пузла грезд

Ним артмӧм

Сиктлы нимсӧ сетӧмаӧсь лыаа, нюйт ва понда, мый вӧлі пузувтӧ шорын визувтысь васӧ (татшӧм васӧ шуӧны «пузла»).

Фольклор

Пузлаын эм «Зарни сьылан» сьылан котыр.

География

Пузла пуксьӧма Эжва юлӧн шуйга бокас, Пузла ю вомсянь улынджык. Пукалӧ Кулӧмдін да Ухта районъяс костын. Сикт лоӧ медводдзаӧн Эжва йылын.

Орчча грездъяс Медматын Пузлалы Ягкӧдж| сикт, сулалӧ 48 км ылнаын.

История

• Сикт чужис 1888 воын. Медводдза олысьясӧн вӧліны Уляшевъяслӧн куим вок — Петӧ, Терентий и Филипп Васильевичьяс да Епим Прокӧ Уляшев — Вӧльдін сиктысь петӧм йӧз. Найӧ кӧсйӧны вӧлі лӧсьӧдны выль сикт Мылдінса важ вӧла туй бокӧ (тракт). Дыр корсисны местасӧ и сувтісны Пузла ю дорӧ, кӧть эськӧ вӧла туйыс вӧлі ылынкодь сиктсяньыс.
• 1930 воын лӧсьӧдӧма «Кыа» колхоз. Колхозын уджалысьяс кӧдзисны сю, ид, зӧр, анькытш, кӧчан, сёркни, заптісны турун, силос, вӧр, видзісны скӧт (вӧв, мӧс, ыж, порсь).
• Айму вӧсна Ыджыд тыш кадӧ Пузла сиктысь усисны кызь морт.
• 1957 воын Пузла сикткӧд орччӧн вӧлі восьтӧма Помӧсдін леспромхозлӧн вӧр заптан участок, кӧні сэсся кыпаліс Пузла посёлок. Дас во мысти сиктса колхоз лоис вӧр заптан хозяйстволӧн подсобнӧй овмӧсӧн. 1976 вося моз тӧлысьӧ Пузла сикт ӧтлаӧдісны Пузла посёлоккӧд.

Медводдза овъяс

• 1888 — Уляшов

Культура

Сиктын эм Культура керка.

Велӧдӧм

Сиктын эм «Ичӧт школа—челядь сад" (ӧнія веськӧдлысьыс Игнатова Елена Михайловна). Велӧдчысь лыдыс 15 морт гӧгӧр. Велӧдан предметъяс лыдын коми кыв.

Тӧдчана йӧз

А. С. Игнатов – предприниматель, «Комилесбизнеслӧн» веськӧдлысь, районса депутат.

Тӧдчана эмторъяс

Файл:Puzla pametnik.jpeg

Ыджыд тышын усьӧмъяслы паметник

• Октябрса революция кадӧ сикт бокын «еджыдъяс» лыйлісны Керчомъя сиктысь Даръя Михайловна Кочановаӧс да Гаврил Фёдорович Тимушевӧс.
• Айму вӧсна Ыджыд тышын усьӧмаяслы паметник.

Ӧтуввез

Пузлаын эм мобильнӧй связь (МТС операторлӧн). 2013 воӧн МТС компания сувтӧдіс сиктын вышка.

Ӧшмӧсъяс

• Атлас Республики Коми. – Москва, 2000.
• Жеребцов И.Л. Где ты живешь: Населенные пункты Республики Коми. Историко-демографический справочник. – Сыктывкар, 2000.
• Игнатов М.К. Взгляд сквозь годы. – Сыктывкар: Коми небӧг лэдзанін, 1998. – 224 с.
• Игнатов М.К. Усть-Куломский район: помни прошлое, зная настоящее, делай будущее (1620–2008). – Сыктывкар, 2009. – 366 с.
• История Коми с древнейших времен до конца XX века: В 2-х т. / По общей редакцией А.Ф. Сметанина. – Сыктывкар, 2004.
• Республика Коми: Энциклопедия. – Сыктывкар, 1997-2000. – Т. 1-3.
• https://web.archive.org/web/20130702063003/http://silvertaiga.ru/page/195/
• Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.

Ыстӧдъяс

Вӧльдін сиктувса оланінъяс
Ӧнія оланінъяс: Вӧльдін • Пузла • Ягкӧдж •