Попов Геннадий Иванович

Попов Геннадий Иванович
Чужан лун:	1952-ӧд вося косму тӧлысь 10-ӧд лун(1952-04-10) (72 арӧс)
Чужанін:	Джиян, Ыджыдвидз сикт овмӧдчӧмин[d], Кöрткерöс район, Коми Республика, РСФСР[d], Сӧветскӧй Социалистическӧй Республикаяслӧн Союз
Канму:	Сӧветскӧй Социалистическӧй Республикаяслӧн Союз  Рочму
Мыйся уджыс:	гижысь

Файл:Попов Г.И.jpg

Попов Геннадий Иванович (1952)

Попов Геннадий Иванович (Висер вожса Öнись дядь; 1952) — челядьлы коми гижысь да шылад тэчысь.

Олан туй

Геннадий Попов чужӧма 1952-ӧд вося косму тӧлысь 10-ӧд лунӧ Коми Республикаса Кöрткерöс районысь Ыджыдвидз сикт овмӧдчӧмин улö пырысь Джиян грездын. Ас кадö пастукавлöма, бульдозер вылын уджалöма, веськöдлöма гаражöн да механизаторавлöма. Вöлöма сельсоветöн веськöдлысьöн. 1978-ӧд восянь олö да уджалö Одыбын. 1993-ӧд вося уджалöма челядь садйын шылад велöдысьöн. 1999-ӧд восянь уджалöма Одыбын «Нюмсер» челядьлы содтöд тöдöмлунъяс сетан шöринын, велöдöма ныв-зонмöс гудöкасьны да мыла коми сьыланкывъяс ливкйöдлыны. Веськöдлöма «Гармошечка» да «Чуманок» кружокъясöн. Нуöдöма садйын кружокъяс. 2001-ӧд воын помалӧма Сыктывкарын 2 №-а педагогика колледж.

Гижан удж

Геннадий Поповлöн кывбуръяс заводитöмаöсь артмыны армияас служитігöн на. Гижöма и рочöн, и комиöн.

Посни челядькöд уджалігöн кутöма чужны сьыланкывъяс. Шыладысь öтдор дасьтöма и гаж нуöдан сценарийяс, талун кежлö 100 сайö нин чукöрмöма.

Лöсьöдӧма да веськöдлöма челядьлы «Ловъя ва» фольклор ансамбльöн.

Лöсьöдӧма коми йöзкостса сьыланкывлысь «Сипертас» народнöй ансамбль.

«Коми гор» телекомпаниякöд дасьтö челядьлы «Дзолюк» радиоуджтас да «Кекӧнач» телеуджтас.

Попов Г.И. кыдзи йöзкостса мастер вöчалö пуысь да сюмöдысь коми йöзкостса шылада инструментъяс: буксан, зиль–зёль, шур–шар, тотшкöдчан, чипсан, пöлян. Челядькöд вöчалö туис, нянь доз, кöті, сикöтш, юркытш и с.в.

Геннадий Попов водзмöстчöмöн Кöрткерöс районын мунö «Играй, гармонь» конкурс.

Небöгъяс

Г.И. Поповлöн петöма нин сьыланкыв-кывбура 7 чукöр:

• Сьыланкывъяс чукöр (1996)
• Кыдзи чужö сьыланкыв (1999)
• Миян гажа сьыланкыв (2006)
• Малямуш (2006)
• Коми детсадйын ворсöм-гажöдчöмъяс (2006)
• Видза олан, гажа лун (2012)
• Мича гудӧк: дзолюкъяслы сьыланкывъяс. — Сыктывкар, 2017

Ошканпасъяс

• Коми Республикаса нимӧдана уджалысь (2022)

Öшмöсъяс

• Макарова Г. Дзолюкъяскöд уджын – сöмын шуда лунъяс // Йӧлӧга. 2012 во, косму тӧлысь 6-ӧд лун, 14 №.
• Коми Республикаса национальнöй библиотека
• Лысаковская М. Геннадий Попов оставил трактор ради детей // Республика, 2009. 18 декабря. № 235
• Макарова Е. Коми Страдивари (В его руках «звучит» даже полено) // Трибуна, 2011, 15 апреля.