Попов Андрей Алексеевич
| Попов Андрей Алексеевич | |
| Чужан лун: |
30 йирым (12 вӧльгым) 1903[1][2] |
|---|---|
| Чужанін: |
|
| Кулан кад: |
моз 1939 (35 арӧс) |
| Канму: | |
| Мыйся уджыс: | |
.svg){kind=small}
Попов Андрей Алексеевич (Ӧльӧк Ӧндрей; 1903—1939) — коми гижысь, коми литература туялысь.
Олан туй
[вежны | Вежны кодировкаын]Ӧльӧк Ӧндрей чужӧма Вӧлӧгда губерняысь Усть-Сысольск уездса Немдін сиктын 1903-ӧд вося вӧльгым тӧлысь 12-ӧд лунӧ. Кыдзи зэв бура велӧдчысьлы, Нэмдінса школаысь велӧдысьяс шедӧдасны Ӧндрейлы земскӧй стипендия да мӧдӧдасны водзӧ велӧдчыны Кулӧмдінса высшӧй начальнӧй училищеӧ, кӧні велӧдчас 1915–1919-ӧд воясӧ. Училишӧ помалӧм бӧрын уджалӧма велӧдысьӧн. Сэсся уджалӧма 1930-ӧд воӧдз ВЛКСМ Кулӧмдінса райкомын да Усть-Сысольскӧй укомын, веськӧдлӧма обоноса облполитпросвет отделӧн. 1929–1930 воясӧ веськӧдлӧма ВКП(б) Войвыв крайкомлӧн нацмен подотделӧн.
1933-1936-ӧд воясӧ велӧдчӧма Гӧрд профессура Институтын. Куим воӧн вермӧма помавны «Отлично» вылӧ велӧдчӧмсӧ! Тайӧ институтас велӧдчысьяссӧ лыддисны аспирантъясӧн. Нёль морта семьянас Коми представительство общежитиеын 16 кв. метр ыджда жырйын.
Кулӧма 1939-ӧд вося моз тӧлысь помын.
Гижан удж
[вежны | Вежны кодировкаын]Ӧльӧк Ӧндрей пуктӧма ыджыд пай коми литература туялӧмӧ, торйӧн нин Иван Куратовалысь творчествосӧ видлалӧмӧ. А.А. Поповӧдз Иван Куратовӧс вӧлі шуӧны Литературнӧй энциклопедияын (1931 во, 5 том) «коми националист и народникӧн», а сылысь поэзиясӧ — «сентиментальнӧй лирикаӧн». А. Поповлӧн «Важ коми поэзияысь» статьяыс лоӧма подулӧн коми литератураын сылӧн водзӧ туясьӧмъяслы. Нималана туялысь Алексей Сидоровкӧд ӧттшӧтш сійӧ восьтӧма коми йӧзлы Ивана Куратовлысь творчествосӧ. Йӧзӧдӧма коми литературалы подув пуктысьлысь аддзӧм кывбуръяссӧ «Ударник» журналын. Коми гижысь да туялысь Илля Вась пасйӧма, мый Андрей Попов вӧлӧма медводдза туялысьӧн, коді сетӧма ыджыд коми поэтлӧн кывбуръяслы джуджыд анализ.
Андрей Попов водзмӧстчӧма и литературнӧй критикаын («Шуйгавыв» вульгаризаторстволы паныд», «Выль во вылӧ могъяс», «Паськыд эрд вылын» Геннадий Фёдоровлӧн творчество йылысь). Гижасьӧма коми гижысьяскӧд (М.П. Доронинкӧд, Тима Венькӧд да мукӧдкӧд).
Ӧшмӧсъяс
[вежны | Вежны кодировкаын]- Коми Республикаса вужвойтырлӧн небӧгаин
- Попов Андрей Алексеевич
- Холопова Д. Ӧльӧк Ӧндрей да сылӧн семья йылысь // Коми му, 2003. Вӧльгым тӧлысь 11-ӧд лун.
- Беляев Г. Куратовлы туй писькӧдысь // Войвыв кодзув, 2003. — 10 №. — Л.б. 38-48.
- Андрей Алексеевич Попов (1903-1939) // Писатели Коми: биобиблиографический словарь. — Сыктывкар, 2001. — Т. 2. — С. 115-118.