Попова Юстина Аверкиевна

Попова Юстина Аверкиевна
	Попова Юстина Аверкиевна
Чужан лун:	1896-ӧд вося йирым тӧлысь 12-ӧд лун
Чужанін:	Джиян, Ыджыдвидз сикт овмӧдчӧмин[d], Кöрткерöс район, Коми Республика, РСФСР[d]; Усть-Сысольск уезд, Вӧлӧгда губерния, Россияса империя[d];
Кулан кад:	1980-ӧд вося йирым тӧлысь 3-ӧд лун (83 арӧс)
Куланін:	Сыктывкар, Коми Автономнӧй Сӧветскӧй Социалистическӧй Республика, РСФСР[d], Сӧветскӧй Социалистическӧй Республикаяслӧн Союз;
Канму:	Россияса империя[d]; Сӧветскӧй Социалистическӧй Республикаяслӧн Союз;
Мыйся уджыс:	писательница, переводчица

Шаблон:Серпасыс абу

Попова Юстина Аверкиевна (1896—1980) — коми гижысь да вуджӧдчысь.

Олан туй

1896, йирым тӧлысь 12 лун — чужис Кӧрткерӧс районса Джиян грездын гӧль кресьтянин семьяын.
Помаліс Ыджыдвиддзын вичкобердса школа да Усть-Сысольскса женскӧй гимназияысь 5 класс.
Дас кык во уджаліс сиктса велӧдысьӧн. Сьӧкыда висьмӧм бӧрын сійӧ локтіс Сыктывкарӧ, уджаліс велӧдысьяслӧн профсоюзын, радиокомитетын да республикаса газетъяслӧн редакцияясын, комиӧдліс челядьлы литература.
1980, йирым тӧлысь 3 лун — кувсис Сыктывкарын.

Гижан удж

Юстина Попова гижис Войт ним улын. Кыдзи ачыс шуліс: «Гижа этша, но сьӧлӧмсянь. Сэксянь и артмӧ менам этшаникӧн, войт мындаӧн».^[4]

Юстина Поповалӧн медводдза кывбуръясыс петісны 1920—ӧд воясӧ «Коми просвещенец» да «Ордым» журналъясын. Гижны босьтчӧма 1923-ӧд воын на, кор велӧдіс Кӧрткерӧсса школаын. Сэки Юстина Попова гижӧма быдса тетрадь тыр кывбур да ыстӧма Сыктывкарӧ нималана гижысь Нёбдінса Витторлы. Виктор Савин ошкыштӧма, ӧд тайӧ вӧлі коми нывбабасянь медводдза кывбур чукӧр. Та бӧрын том нывлӧн петіс «Югыд туй» газетын «Коми аньлы» кывбур. Медводдза кывбуръясын петкӧдлӧ мича вӧр-ва серпасъяс («Тӧвся вӧрын», «Ар»), челядьлысь быдлунъя олӧм.

Водзӧ гижны кутіс челядьлы сӧмын 1950—ӧд воясӧ. Выль гижӧдъяссӧ, кыдзи и водзынсӧ, дасьтіс коми фольклор жанръяс подув вылын: мойдъяс, сьыланкывъяс, нӧдкывъяс, кывбертласъяс, лелькуйтчанкывъяс («Кекӧнач», «Рӧдтім-гӧнитім»).

Вуджӧдіс коми кыв вылӧ челядь литература: В.М. Гаршиналысь, В.Г. Короленколысь, А.П. Гайдарлысь, Л. Кассильлысь прозасӧ.

Небӧгъяс

Кекӧнач. — Сыктывкар: Коми кн. изд-во, 1962.
Менам нӧдкывъяс. — Сыктывкар: Коми кн. изд-во, 1965.
Другъяс. — Сыктывкар: Коми кн. изд-во, 1965.
Восьтам ӧшинь паськыда. — Сыктывкар: Коми кн. изд-во, 1967 (мӧдысь петавліс 1986 воын).
Мича Зоя. — Сыктывкар: Коми кн. изд-во, 1971.
Кӧчильӧй да ручильӧй. — Сыктывкар: Коми кн. изд-во, 1972.

Паметь

Ӧшмӧсъяс

Рочева С.Н. Попова Юстина Аверкиевна // Литература Коми: словарь школьника / Сост. В.Н. Головина, В.А. Лимерова. — Сыктывкар, 2007. — С. 204-206.
Югов С. Юстина Аверкиевна Попова (1896-1980) // Писатели Коми: биобиблиографический словарь: В 2-х т. — Сыктывкар, 2001. — Т. 2. — С. 167-170.
http://history-x.ru/03/15/078.htm

Ыстӧдъяс

↑ http://history.syktnet.ru/05/10/1210.html
↑ http://history.syktnet.ru/05/10/0310.html
↑ ^3,0 ^3,1 http://wiki.komikyv.org/index.php/%D0%9F%D0%BE%D0%BF%D0%BE%D0%B2%D0%B0_%D0%AE%D1%81%D1%82%D0%B8%D0%BD%D0%B0_%D0%90%D0%B2%D0%B5%D1%80%D0%BA%D0%B8%D0%B5%D0%B2%D0%BD%D0%B0
↑ Рочева С.Н. Попова Юстина Аверкиевна // Литература Коми: словарь школьника / Сост. В.Н. Головина, В.А. Лимерова. Сыктывкар, 2007. С. 206

[_43b9f08b948557b4-1] ttp://history.syktnet.ru/05/10/1210.html

[_3c247d8142738240-2] ttp://history.syktnet.ru/05/10/0310.html

[_787973e1b00dfafa-3] 3,0 ^3,1 http://wiki.komikyv.org/index.php/%D0%9F%D0%BE%D0%BF%D0%BE%D0%B2%D0%B0_%D0%AE%D1%81%D1%82%D0%B8%D0%BD%D0%B0_%D0%90%D0%B2%D0%B5%D1%80%D0%BA%D0%B8%D0%B5%D0%B2%D0%BD%D0%B0

[4] Рочева С.Н. Попова Юстина Аверкиевна // Литература Коми: словарь школьника / Сост. В.Н. Головина, В.А. Лимерова. Сыктывкар, 2007. С. 206

[1]

[3]

[2]

[4]