Петыр лун

Босьтӧма Wikipediaысь

Петыр лун (рочӧн Петров день, Петровки) — православнӧй вичкоса гаж, пасйӧны сора 12 лунӧ.

Петыр лун – сура празьник Кулӧмдін районса Кулӧмдінын да Скӧрӧдумын, Емдін районса Ремиын, Койгорт районса Гриваын, да Луздор районса Читаёв сикт улӧ пырысь Екшорын, и с.в.

Петыр лун вӧлі ыджыд праздникӧн. Кыдзи и мукӧд ыджыд вежа лунъясӧ, та лунӧ эз тшӧктыны уджавны, Енмыс пӧ вермас мыждыны.

Петыр лун шуӧны гожӧм шӧрӧн: кодкӧ кӧ керкасьыд ӧдзӧстӧ оз тупкы, сійӧс ӧлӧдӧны «Абу ӧд Петыр лун!»

Турун пуктӧм[вежны | Вежны кодировкаын]

Та лунӧ эновтчылӧны турун пуктӧмысь. Уджалӧны пажынӧдз, а сэсся воӧны гортас ылысса видзьясысь пывсьыны да петырлунасьны. Ӧтилаын – пажынӧдз позьӧ сӧмын куртны водзынсӧ ытшкӧм турун, но эз ытшкыны; мӧдлаын – пажун бӧрын мӧдӧдчӧны нин видзьяс вылӧ страдуйтны.

Чери кыйӧм[вежны | Вежны кодировкаын]

Чери кыйысьяс пасйӧны Петыр лунӧ ассьыныс празьник. Шыасьӧны Петыр-Павел дорӧ, корӧны чери: «Петыр-Павел, чери сет!» Кыйӧм чериысь пуӧны юква да корӧны тӧдсаяссӧ видлыны сійӧс.

Кодрасьӧм[вежны | Вежны кодировкаын]

Бӧръя кадӧ Петыр лунӧ гуяс вылын кодралӧны Троича бӧрын кувсьӧм йӧзӧс. Блин, чипан кольк кындзи лӧсьӧдӧны выль лук турунысь сёянтор.

Эскӧмъяс[вежны | Вежны кодировкаын]

Петыр лунӧ вичкоын лук турун вежӧдӧм бӧрын позьӧ сійӧс чегъявны да сёйны.

Мукӧдлаын оз тшӧктыны Петыр лунӧдз вотны оз тусь.

Примета:[вежны | Вежны кодировкаын]

Шусьӧг:[вежны | Вежны кодировкаын]

  • Томлуныд абу Петыр лун, мӧдысь оз ло.

Ӧшмӧс[вежны | Вежны кодировкаын]

  • Коми календар. 2009 во / Лӧсьӧдіс Ӧльӧш Рассыхаев. — Сыктывкар, 2008.