Парначёв Александр Николаевич

Парначёв Александр Николаевич (1947—2009) — коми гижысь.

Олан туй

Александр Парначёв чужӧма 1947-ӧд вося лӧддза-номъя тӧлысь 24-ӧд лунӧ Коми АССРын Сыктывдін районса Ыб сиктын.

Уджалӧма звукооператорӧн телевидение студияын. 1963-ӧд вося йирым тӧлысьӧ комсомол путёвка серти вуджӧма Сыктывкарса милиция отделӧ уголовнӧй розыскса оперативнӧй котырӧ, кодъяс кыялӧмаӧсь «зептысь гусясьысьясӧс».

1966-ӧд воын помалӧма уджалысь том йӧзлысь 6-ӧд номера сыктывкарса школа. Служитӧма армияын. 1969—1974-ӧд воясӧ велӧдчӧма Харьковса юридическӧй институтын. 1971—1976-ӧд воясын уджалӧма Коми АССР-ын уголовнӧй розыскын. 1978-ӧд восянь вӧлӧма Изьва районса милицияын начальникӧс вежысьӧн. 1978—1980-ӧд воясӧ велӧдчӧма СССР-са МВД академияын. Помалӧм бӧрас веськӧдлӧма Сыктыв районса ОВД-ӧн, сэсся уджалӧма Коми Республикаса пытшкӧсса делӧяс министр бердын торъя тшӧктӧмъяс серти старшӧй инспекторӧн.

Пенсия вылӧ петӧма 1991-ӧд вося моз тӧлысьын подполковник званиеӧн.

Кулӧма 2009-ӧд вося моз тӧлысь 12-ӧд лунӧ, гуалӧма Кӧрткерӧс районса Додз сиктын.

Гижан удж

Гижны босьтӧма 1976-ӧд восянь. Пенсия вылӧ петӧм бӧрын кутӧма гижны зільджыка. Уджалӧма милицейскӧй детектив да приключениеса повесьт жанръясын. Гижӧма татшӧм детектив повесьтъяс, кыдзи «При очевидных обстоятельствах», «Поиски Яг-Морта», «Кык керка костын», «Наян», «Только Лымва знает» да мукӧд. 2007-ӧд воын йӧзӧдӧма «Клад Аввакума» роман.

Ӧшмӧсъяс

• Мартынов В. И. Парначев Александр Николаевич // Литераторы земли Коми: биобиблиографический словарь. — Сыктывкар, 2000. — С. 130—131.
• Коми тӧданінын А.Н. Парначёв гижӧдъяс
• Александр Парначев [редактор кыв] // «Войвыв кодзув». 1996. — 4 №. — Л.б. 28.
• Александр Николаевич Парначев [редактор кыв] // «Войвыв кодзув». 2012. — 7 №. — Л.б. 22.