Панев Зосима Васильевич

Панев Зосима Васильевич
	Панев Зосима Васильевич
Чужан лун:	1914-ӧд вося кӧч тӧлысь 27-ӧд лун
Чужанін:	Семуков, Яренск уезд, Вӧлӧгда губерния, Россияса империя[d];
Кулан кад:	1994-ӧд вося вӧльгым тӧлысь 7-ӧд лун (80 арӧс)
Куланін:	Сыктывкар, Рочму;
Канму:	Россияса империя[d]; РСФСР[d]; Сӧветскӧй Социалистическӧй Республикаяслӧн Союз;
Мыйся уджыс:	политик
Ошканпасъяс да премияяс:

Шаблон:Серпасыс абу

Панев Зосима Васильевич (1914—1994) — канму тэчасын да ютырын уджалысь, Коми АССР-са Вылыс Сӧветлӧн Президиумӧн веськӧдлысь.

Олан туй

Сійӧ чужӧма 1914-ӧд вося кӧч тӧлысь 27-ӧд лунӧ Вӧлӧгда губерняын Яренск уездса Айкатыла вӧлӧсьтын (ӧні — Емдін районса Кырс грезд). 1933-ӧд воын помалӧма Емдінса педтехникум.

Велӧдӧма, директоралӧма Важкуръяса шӧр школаын, инспекторалӧма Шойнаты районса велӧдӧм юкӧнын. 1936—1937 воясӧ служитӧма Гӧрд Армияын. Армия бӧрын уджалӧма Наркомпросын заочнӧй велӧдчӧм котырса веськӧдлысьӧн, заочнӧй республикаса школаын директорӧн. 1939—1940 воясӧ бара Гӧрд армияын, тышкасьӧма СССР-Суоми тышын, кокас ранитчылӧма.

1940-ӧд восянь уджалӧ ВКП(б)-ын, 1940—1943 воясӧ — Коми АССР-са обкомын, 1943—1947-ӧд воясӧ — ВКП(б)-лӧн Сыктыв районса комитетын 1-дза секретар. 1947—1950-ӧд воясӧ велӧдчӧма ВКП(б) Шӧр комитетбердса Вылыс партийнӧй школаын.

1950-ӧд восянь — ВКП(б) Коми обкомын отделӧн веськӧдлысь. 1950-ӧд восянь 1962-ӧд вося ода-кора тӧлысьӧдз вӧлӧма Коми АССР-са министръяслӧн Сӧветӧн веськӧдлысьӧн, 1963—1972-ӧд воясӧ — Коми АССР-са министръяслӧн Сӧветӧн веськӧдлысьӧс медводдза вежысьӧн, 1972—1984-ӧд воясӧ — Коми АССР-са Вылыс Сӧветлӧн Президиумӧн веськӧдлысьӧн. 1984-ӧд восянь — СССР-са персональнӧй пенсионер.

Сійӧс куимысь бӧрйывлӧмаӧсь СССР-са Вылыс Сӧветӧ депутатӧн (1954—1966), нёльысь — РСФСР-са Вылыс Сӧветӧ (1951, 1975—1984). Уна во чӧж вӧлӧма Коми АССР-са Вылыс Сӧветса депутатӧн (1951—1963), 1971—1984).

Сылӧн нимкӧд йитчӧмаӧсь Коми АССР-са культура да экономикаын олӧмын ыджыд вежсьӧмъяс: кӧрт туй вӧчӧм, мусир перъянінъяс корсьӧм, Эжва ю бокын Сыктывкара вӧр комплекс кыпӧдӧм, республикаса шылада театр да Сыктывкарса канму университет восьтӧм, да с.в.

Кулӧма 1994-ӧд вося вӧльгым тӧлысь 7-ӧд лунӧ Сыктывкарын.

Ошканпасъяс

Республикаса экономика да культура сӧвмӧдӧмӧ пай пуктӧмысь сылы сетӧма 8 орден:

кык Ленин орден (1945, 1957)
Уджвывса Гӧрд Дӧрапаслӧн куим орден
I тшупӧда Айму Тыш орден (1944)
Коми АССР-са народнӧй овмӧсын нимӧдана уджалысь

Ӧшмӧсъяс

Королько Р. Панев Зосима Васильевич // Республика Коми: Энциклопедия: в 3-х т. — Сыктывкар: Коми книж. изд-во, 1997. — Т. 2. — 405—406.
Сугоров А. Б., Панева Н. З., Сандригайло Л. З. История хранит имена. — Сыктывкар: [б. и.], 2016. – С. 51.
Козлов Н. И. Жизнь, отданная Республике // Книга Памяти Республики Коми. Т. 8. С. 966 [1]
К 100-летию видного коми руководителя Зосимы Панева его именем назовут улицу в Сыктывкаре и проведут турнир по коми борьбе / «Финугор» сайт (2014.08.15 лун; рочӧн)

Ыстӧдъяс