Козлов Евгений Валерианович: версиякостса торъялӧм
Вежӧмсӧ гӧгӧрвоӧдӧмыс абу |
Frhdkazan (сёрнитанін | чӧжӧс) {{Персоналия}} |
||
| Визь 1: | Визь 1: | ||
{{Персоналия}} |
|||
'''Козлов Евгений Валерианович''' (сайнимъяс — '''Е.Валериан, Емеля Пилич''', [[1960]]) — [[коми кыв|коми]] [[Коми гижысьяс анбур серти|гижысь, вуджӧдчысь]]. |
'''Козлов Евгений Валерианович''' (сайнимъяс — '''Е.Валериан, Емеля Пилич''', [[1960]]) — [[коми кыв|коми]] [[Коми гижысьяс анбур серти|гижысь, вуджӧдчысь]]. |
||
06:19, 18 ӧшым тӧлысь 2017-ся версия
| Козлов Евгений Валерианович | |
| Чужан лун: |
1960-ӧд вося ода-кора тӧлысь 18-ӧд лун (63 арӧс) |
|---|---|
| Чужанін: | |
| Канму: | |
| Мыйся уджыс: | |
Козлов Евгений Валерианович (сайнимъяс — Е.Валериан, Емеля Пилич, 1960) — коми гижысь, вуджӧдчысь.
Олан туй
Евгений Козлов чужис 1960 вося ода-кора тӧлысь 18 лунӧ Коми АССР-ын Емдiн районса Кӧжмудор сикт улӧ пырысь Эжолты грездын. Школа помалӧм бӧрын уджаліс совхозын, служитіс армияын. Помаліс Сыктывкарса канму университет. 1986 восянь уджаліс Коми небӧг лэдзанінын, вӧлі Коми АССР-са гижысь котырын литературнӧй консультантӧн. Почтальоналіс.
2008 восянь «Войвыв кодзув» журналын уджалысь, шӧр редакторӧс вежысь, 2010 восянь уджалӧ «Чушканзі» журналын.
Гижан удж
Евгений Козлов ёнджыкасӧ тӧдса кыдзи поэт. Кывбуръясыслы лӧсялӧ лиричносьт, пыді сьӧлӧм кылӧмъяс петкӧдлӧм. Сылӧн петавліс кывбуръяса куим чукӧр: «Водзкыв пыдди» (1989), «Узьтӧм войяс» (1994), «Кык книга» (2005).
Эмӧсь Е.Козлов творчествоын и прозаа гижӧдъяс. Ичӧтик гижӧдъяс петавлісны «Парма гор», «Миян грездса челядь», «Восьса ӧшинь дорын» да «Дзиръя ӧшинь дорын» ӧтувъя сборникъясын. Гижӧдъяссӧ пыртӧма коми кыв да литератураысь велӧдчан небӧгъясӧ.
Вуджӧдӧ фин-йӧгра да роч гижысьясӧс. Комиӧдіс Варлаам Шаламовӧс, Игорь Шкляревскийӧс, Василий Климовӧс, Ар Сергиӧс, Альбертина Ивановаӧс, Елена Габоваӧс, Тамара Ломбинаӧс, Дмитрий Фроловӧс, Надежда Мирошниченкоӧс, Александр Суворовӧс, Андрей Поповӧс. 1993 воын Евгений Козлов Ставроссияса культура фондлӧн Мурманск юкӧнкӧд ӧтвыв уджаліс медводдза саам гижысь Октябрина Вороновалысь «Ялла» (Олӧм, 1991) небӧг вылын, мый петіс саами, коми да роч кывъяс вылын. Комиӧдіс роч гижысь Юрий Николаевич Могутинлысь сідз шусяна «духовнӧй кывбуръяс» да йӧзӧдіс «Берба-бальысь югзьӧ лов» небӧг (2012).
Коми гижысь котырын 2012 восянь.
Евгений топыда уджалӧ республикаса театръяскӧд. Комиӧдіс налӧн корӧм серти Федерико Гарсиа Лорка, Лопе де Вега, Нина Мазур, Миклош Дярфаш, Николай Островскийлысь пьесаяссӧ. На серти сьпектакльяс пуктісны Сыктывкарса театръясын.
Евгений Козловлӧн кывбуръяс вылӧ гижӧма уна сьыланкыв, найӧ пырисны «Ӧтчыд арын», «Jенэжва» (2006) да «Республика моя» (2008) дискъясӧ. Сьыланкывъяссӧ сьылӧны уна нималана коми сьылысь.
Небӧгъяс
- Водзкыв пыдди. — Сыктывкар: Коми кн.изд-во, 1988.
- Узьтӧм войяс. Кывбуръяс / Ред. А.В. Тентюков. — Сыктывкар: Коми книжное издательство, 1994. — 128 л.б.
- Кык книга. — Сыктывкар: «Кола», 2005.
Вуджӧдӧмъяс
- Могутин Ю.Н. Пахнет вербой каждый храм. Духовные стихи. Берба-бальысь югзьӧ лов. Духовнӧй кывбуръяс / Перевод Е.В. Козлова; Ред. Г.В. Бутырева, Худ. Е.П. Григорян. — Сыктывкар: ООО «Издательство «Кола», 2012. — 56 с. (рочӧн и комиӧн; тираж 1000 экз.)
Наградаяс
- Журналистика юкӧнын Коми Республикаса Веськӧдлан котырлысь премия кыкысь босьтысь.
- А.Е. Ванеев нима литературнӧй премия босьтысь.
Ӧшмӧсъяс
- Коми Республикаса Национальнӧй библиотека
- Ельцова Е.В. Козлов Евгений Валерианович // Литература Коми: словарь школьника / Сост. В.Н. Головина, В.А. Лимерова. — Сыктывкар, 2005. — С. 80-87.
- Семяшкин А. Образ зимы в лирике Е.Козлова // Музеи и краеведение: труды Национального музея Республики Коми. — Сыктывкар, 2003. — Вып. 4. — С. 268-274.
- Уляшев И.И. «Ставыс лӧньӧм тыӧ сунӧма ...» (Некымын мӧвп Е. Козлов лирика йылысь) // Уляшев И.И. Кад-образ-стиль: статьи о коми литературе. — Сыктывкар, 2003. — С. 14-20.
- Коми гижысь котыр сайтын Е.В. Козлов йылысь