Нутрихин Андрей Владимирович

Нутрихин Андрей Владимирович
Чужан лун:	1973-ӧд вося моз тӧлысь 20-ӧд лун(1973-08-20) (51 ар)
Чужанін:	Вӧркута, Коми Автономнӧй Сӧветскӧй Социалистическӧй Республика, РСФСР[d], Сӧветскӧй Социалистическӧй Республикаяслӧн Союз
Канму:	Сӧветскӧй Социалистическӧй Республикаяслӧн Союз  Рочму
Мыйся уджыс:	лыжный гонщик

Нутрихин Андрей Владимирович — войтыркост класса спорт мастер, лызьӧн котралӧмысь Россияса чемпион.

Олан туй

Чужӧма 1973 вося моз тӧлысь 20 лунӧ Вӧркутаын. Помалӧма Вӧркутаса 23-ӧд №-а школа, 12-ӧд №-а СПТУ, Сыктывкарса университетысь физическӧй культура да спорт факультет.

8 арӧссянь 14 арӧсӧдз Андрей ветлӧдлӧма быдсяма спорт секцияӧ (бокс, сьӧкыд атлетика, волейбол, греко-римскӧй ляскасьӧм, варччӧм, шахмат). Сы бӧрын локтӧма лызь спорт секцияӧ тренер Сергей Анатольевич Крючков дорӧ.

2007 восянь уджалӧ тренерӧн Сыктывкарын.

Вермӧмъяс

Спортын медводдза вермӧмсӧ шедӧдӧма 1990 воын 10 километра дистанцияын «Трудовӧй резервъяс» спорт котырлӧн ордйысьӧмын (Сыктывкар).

Андрей Нутрихин некымынысь вӧлӧма Россияса чемпионӧн 4х10 км эстафетаын (1996—2002) да 70 км марафонын (2000).

Вермасьӧма ставмирса чемпионатъясын: нёльӧд места 50 километра вылын коньковӧй ходӧн (Лахти, Финляндия, 2001); 18-ӧд 30 километра вылын коньковӧй ходӧн (Трондхейм, Норвегия, 1997); Валь-Де-Фиемми, Италия, 2003 да с.в.

Ветлӧма Россияса команда пытшкын 1998 воын ХVI тӧвся Олимпиада ворсӧмъяс вылӧ (Ногано, Япония): 50 км вылын коньковӧй ходӧн вӧлӧма 15-ӧн.

Ӧшмӧсъяс

«ПРО спорт 11» сайт