Нилогов Леонид Егорович

Нилогов Леонид Егорович (1924—1996) — перым коми гижысь.

Олан туй

Леонид Нилогов чужӧма 1924 вося урасьӧм тӧлысь 17-ӧд лунӧ Перым Коми кытшын Кӧс районса Гортлуд грездын. 1938 воын пырӧма велӧдчыны Кудымкарса педагогика училишӧӧ. 1940 восянь студенталӧма Перымса педагогика институтын. 1942 вося сора тӧлысьын мунӧ Перымса пулемётно-миномётнӧй училишӧӧ да во джын мысти нин веськалӧ фронт вылӧ. Тышкасьӧма Рытыввыв да Рытыв-Лунвыв фронтъясын, ранитчылӧма, контузитчылӧма. 1945 вося тулыснас вӧлӧма нин капитанӧн. Тышъясын бура петкӧдчӧмысь сылы сетлӧмаӧсь Айму вӧсна тышса I тшупӧда орден, «Отвагаысь» медаль да мукӧд награда.

Война бӧрын велӧдӧма, а сэсся веськӧдлӧма школаӧн. Директоралӧма Кудымкарса педагогика училишӧын. Вӧлӧма Велӧдысьясӧс сӧвмӧдан округса институтын веськӧдлысьӧс вежысьӧн, Перым Коми кытшса исполкомын веськӧдлысьӧс вежысьӧн.

Кулӧма 1996 воын.

Гижан удж

Леонид Нилогов серпасасьӧма, гижӧма проза. Йӧзӧдчылӧма округса газет-журналъясын. 1993 воын сылӧн петавлӧма «Быд кадлӧн аслас чужӧм» висьт чукӧр.

Небӧгъяс

• Пывсян [висьт] // «Войвыв кодзув». 2018. — 2 №. — Л.б. 70—73.

Ӧшмӧсъяс

• Нилогов Леонид Егорович // «Войвыв кодзув». 2018. — 2 №. — Л.б. 70.
• «Менам радейтана библиотека» сайт