Кузьбожева Мария Вячеславовна
| Кузьбожева Мария Вячеславовна | |
| Чужан лун: |
1953-ӧд вося сора тӧлысь 13-ӧд лун (71 ар) |
|---|---|
| Чужанін: | |
| Мыйся уджыс: |
учитель средней школы, гимназии, директор, общественная деятельница, министр |
Кузьбожева Мария Вячеславовна (1953) — коми велӧдысь, общественнӧй удж вӧчысь.
Олан туй
[вежны | Вежны кодировкаын]Мария Вячеславовна чужӧма Коми АССР-ын Кулӧмдін районса Куж сиктын 1953-ӧд вося сора тӧлысь 13-ӧд лунӧ. Водз кольӧма бать-мамтӧгыс. Сійӧс быдтӧма пӧчыс, Логинова Елена Федотовна.
1968-ӧд воын помалӧма Кужса кӧкъямыс класса школа, 1970-ӧд воын — Кебанъёльса шӧр школа, 1974-ӧд воын — Коми канмуса педагогика институтысь физика-математика факультет, лоӧма физика велӧдысьӧн.
1974—1980-ӧд воясын — Яснӧгса шӧр школаын быдтысян удж нуӧдысь.
1980—1982-ӧд воясын директоралӧма Лӧзымса шӧр школаын, 1982—1990-ӧд воясын — Паджгса шӧр школаын. 1990—1991 воясӧ вӧлӧма Паджгаса шӧр школаын внекласснӧй удж котыртысьӧн.
Та бӧрын вуджӧма уджавны Сыктывкарӧ. 1991—1992-ӧд восын вӧлӧма Велӧдысьяслысь тӧдӧмлун кыпӧдан институтын быдтысян удж кабинетын методистӧн. 1992—1994 — Коми Республикаса Велӧдан министерстволӧн внешкольнӧй велӧдӧмлӧн республикаса шӧринын йӧзкостса педагогикаысь методист.
1994-ӧд воын уджалӧма Коми Республикаса Велӧдан министерствоын шӧр да содтӧд тӧдӧмлун сӧвмӧдан юкӧдын главнӧй специалистӧн, 1994—1995 — министрӧс медводдза вежысьӧн. 1995—2003-ӧд воясын директоралӧма Коми Республикаса Юралысь бердын искусствояс гимназияын. 2003—2005-ӧд воясын — Коми Республикаса культура да войтырсикас политика министр. 2013-ӧд восянь — Коми Республикаса Юралысь бердын искусствояс гимназияын директор.
Общественнӧй удж
[вежны | Вежны кодировкаын]1999—2003 воясӧ — Коми Республикаса каналан сӧветын II созывса депутат. 2005-ӧд восянь пырӧ «Мирлӧн Россияса фонд» Коми Республикаса юкӧнлӧн веськӧдланінӧ, Коми войтыр ӧтмунӧмлӧн Президиумӧ, Коми Республикаса нывбабаяслӧн Котырса Президиумӧ, «Россияса челядь фонд» республикаса юкӧнлӧн веськӧдланінӧ.
Та кындзи, Мария Кузьбожева вӧлӧма Коми войтыр ӧтмунӧмлӧн Сыктывкарса юкӧнын веськӧдлысьӧн (2007—2011), «Коми Республикаса вужвойтыр аньяс» регионъяскостса ӧтмунӧмын веськӧдлысьӧс вежысьӧн.
2011-ӧд восянь — Сыктывдін районса Сӧветын депутат («Справедливӧй Россия» ютырсянь).
Наградаяс
[вежны | Вежны кодировкаын]- Россияса просвещениеын отличник
- Коми АССР-са школаясын нимӧдана велӧдысь
- «Коми Республикалы 100 во» медаль (2021)