Истомин Аркадий Степанович

Истомин Аркадий Степанович
Чужан лун:	1956-ӧд вося кӧч тӧлысь 25-ӧд лун(1956-09-25) (68 арӧс)
Чужанін:	Ыджыд Сидӧр[d], Белоёв сикт овмӧдчӧмин[d], Кудымкар район, Перым Коми кытш, Пермская область[d], РСФСР[d], Сӧветскӧй Социалистическӧй Республикаяслӧн Союз
Мыйся уджыс:	врач, поэт

Истомин Аркадий Степанович (1956) — перым коми гижысь.

Олан туй

Аркадий Истомин чужӧма 1956-ӧд вося кӧч тӧлысь 25-ӧд лунӧ Перым Коми кытшын Кудымкар районса Ыджыд Сидӧр грездын. Помалӧма Кува сиктса кӧкъямыс класса школа, Кудымкарса медицина училище (1975). Фельдшералӧма Соликамск районын, кысянь босьтӧмаӧсь служитны армияӧ (служитӧма ракетнӧй войскаясын Заполярьеын). Армия бӧрын во кымын фельдшераліс Куваса участкӧвӧй больничаын.

1984-ӧд воын эштӧдӧма Перымса медицина институтысь лечебнӧй факультет. Велӧдчигас стӧрӧжалӧма да грузчикалӧма, фельдшералӧма Перымын тэрыб отсӧг сетан станцияын.

Терапияысь интернатура помалӧм бӧрын кык во уджалӧма веськӧдлысьӧн Ошыбса больничаын да участкӧвӧй терапевтӧн. 1987-ӧд вося кӧч тӧлысьсянь 1992-ӧд вося урасьӧм тӧлысьӧдз уджалӧма медшӧр врачӧн Кудымкарса районнӧй бурдӧдчанінын.

1992-ӧд вося урасьӧм тӧлысьсянь 1995-ӧд вося рака тӧлысьӧдз уджалӧма Перым Коми кытшса Веськӧдланінын веськӧдлысьӧс вежысьӧн, сэсся бара вуджис бурдӧдчан юкӧнӧ. 1995-ӧд вося рака тӧлысьсянь - Перым кытшын врачебно-физкультурнӧй диспансерын медшӧр врачлысь удж вӧчысь, 1996-ӧд восянь - Перым Коми кытшса наркология диспансерын медшӧр врач.

Гижан удж

Ӧтилан гижӧма, мый медводдза гижӧдсӧ йӧзӧдӧма 1975 воын «По ленинскому пути» газетын, мӧдлаын — мый гижны босьтчӧма 1977 воын. Йӧзӧдчылӧма газетъясын, ӧтувъя небӧгъясын, журналъясын Сыктывкарын да Москваын.

Кывбуръясыс петавлісны «Звезда» кытшса газетын, «Дружба народов» газетын, «Медицинская газетаын», «Литературная газетаын» (1999), «Литературная Россия» еженедельникын. Петавлісны ӧтувъя чукӧръясын: «Иньва», «Керӧсӧ туёк», «Любимое и безответное», «Ступени надежд», «Притяжение»; перым коми поэзиялы сиӧм «Золотой свет» сборникын, «Современная литература народов России» кыфвбура антологияын (Москва, 2003).

1986 воын петӧма «Кӧр сотчӧны листтэз» кывбур чукӧр, 1992 воын — «Биланьӧ китӧ нюжӧт» чукӧр, кытчӧ пырисны коми да роч кывъяс вылын кывбуръяс. Кык кыв вылын кывбуръяссӧ сідзжӧ вӧлі йӧзӧдӧма «Иная страна» небӧгын (1997).

2002-ӧд воын сылы сетӧма «Мӧдiк страна» кывбур чукӧрысь Питю Ӧньӧ нима литературнӧй премия.

Россияса гижысь котырын 1999 восянь.

Небӧгъяс

• Истомин А.С. Кӧр сотчӧны листтэз: стиххез. — Кудымкар: Коми-перм. отд. Перм. кн. изд-ва, 1986. - 64 с.
• Истомин А.С. Биланьӧ китӧ нюжӧт: стиххез / пер. с коми-перм. яз. Н. Домовитов. — Кудымкар: Коми-пер. отд. Перм. кн. изд-ва, 1992. — 159 с. (коми да роч кывъяс вылын кывбуръяс)
• Мӧдiк страна. Иная страна. Стихи на коми-пермяцком и русском языках / Ред. Г. Кочубейник; Худ. П. Рычкова. — Кудымкар: Коми-Перм. кн. изд-во, 1997. — 216 с. (тираж — 1000; 4,7 п.л.)
• Истомин А.С. ...И йиджӧны кыввез: кывбуррез. — Кудымкар: Коми-Перм. кн. изд-во, 2005. – 360 с.

Ӧшмӧсъяс

• Истомин Аркадий Степанович // «Войвыв кодзув». 2018. — 2 №. — Л.б. 18.
• «Моя любимая библиотека» сайтын А.С. Истомин йылысь
• Гордость Пармы: Биографический справочник. — Кудымкар: Коми-Пермяцкое книжное издательство. — 2008. — С. 68.
• Коми-пермяцкие писатели: Биографический справочник для образовательных учреждений. В 2 ч. Часть I. / Авт.-сост.: Н. А. Мальцева. — Кудымкар, 2006. — С. 11—12.