Забоев Александр Степанович

Материал из Wikipedia
Перейти к навигации Перейти к поиску
Забоев Александр Степанович
Александр Степанович Забоев
Чужан лун:

1904-ӧд вося рака 7-ӧд лун(1904-03-07)

Чужанін:
Кулан кад:

1980-ӧд вося лӧддза-номъя 23-ӧд лун(1980-06-23) (76 арӧс)

Канму:

Шаблон:Серпасыс абу

Забоев Александр Степанович (Сан Антус; 19041980) — коми критик, коми литература туялысь, экономист.

Олан туй[веськӧдны | править код]

Александр Забоев чужӧма 1904-ӧд вося рака тӧлысь 7-ӧд лунӧ Вӧлӧгда губерняысь Усть-Сысольск уездса Мысын (ӧні — Кулӧмдін районса Мыс сикт).

1919-ӧд воын мӧд тшупӧда школа помалӧ бӧрын пырӧма велӧдчыны Дереваннӧйса вылыс начальнӧй училишӧын велӧдысьяслӧн курсъяс вылӧ. Уджалӧма велӧдысьӧн, сэсся вӧлӧма йӧзӧс велӧдан юкӧдын политпросветса веськӧдлысьӧн. 19221925 воясӧ велӧдчӧма Москва университетса рабфакын, 1925——1930-ӧд воясӧ — Ленинградса политехническӧй институтса экономика факультет. Институт помалӧм бӧрын уджалӧма Госбанклӧн Войвыв юкӧнса Кардор кытшса контораын старшӧй консультантӧн, госбанклӧн Изьва районса контораын. Айму вӧсна Ыджыд тыш пансигӧн служитӧма армияын.[1]

1943-ӧд вося ода-кора тӧлысь 19-ӧд лунӧ СССР-са НКВД-лӧн торъя совешанньӧӧн РСФСР-са УК-лӧн 58-10 ч. 2 стаття серти мыждӧма «национализмын» кыдзи «войтырлӧн вӧрӧг» да пуксьӧдӧма 8 во вылӧ. Сэк кадӧ сійӧ вӧлӧма Приморск районса Лахта грездын олысьӧн, нянь вундалӧма сёянінын. Лагерысь воӧм бӧрын локтӧма Коми муӧ да 1951-ӧд восянь уджалӧма экономистӧн совнархозын.

Кулӧма 1980-ӧд вося лӧддза-номъя тӧлысь 23-ӧд лунӧ Сыктывкарын.

Гижан удж[веськӧдны | править код]

Очеркъясас гижӧма вӧр-ва дорйӧм йылысь. Кыдзи критик донъялӧма Тима Вень, Илля Вась, Митрук Як, Михаил Лебедев да Михаил Доронинлысь гижӧдъяссӧ, коми литература чужӧмсӧ. Дорйӧма Тима Веньлысь «Трипан Вась» висьтсӧ да Илля Васьлысь «Мунӧны» поэмасӧ.

Ӧшмӧсъяс[веськӧдны | править код]

Ыстӧдъяс[веськӧдны | править код]

  1. Горинова Н. В. Александр Степанович Забоев // Писатели Коми: биобиблиографический словарь: в 2-х т. — Сыктывкар: Анбур, 2017. — Т. 1: А—Л. — С. 349.