Жеребцов Любомир Николаевич

Босьтӧма Wikipediaысь
Жеребцов Любомир Николаевич
Чужан лун:

1925-ӧд вося йирым тӧлысь 15-ӧд лун(1925-10-15)

Чужанін:
Кулан кад:

1990-ӧд вося урасьӧм тӧлысь 28-ӧд лун(1990-02-28) (64 арӧс)

Куланін:
Канму:
Мыйся уджыс:

этнограф

Шаблон:Серпасыс абу

Жеребцов Любомир Николаевич (19251990) — этнограф, коми войтырлысь оласног туялысь, история наукаясса кандидат (1953), Коми АССР-са наукаын нимӧдана уджалысь (1980).

Олан туй[вежны | Вежны кодировкаын]

Любомир Жеребцов чужӧма 1925-ӧд вося йирым тӧлысь 15-ӧд лунӧ Усть-Сысольскын. Батьыс Н.М. Жеребцов, Рочмуса прапорщик, вӧлӧма Коми обласьтын физкультурно-спортивнӧй удж котыртысьяс лыдын. Кулӧма водз; Любомирӧс да кык чойсӧ быдтӧма мамыс, начальнӧй классъясын велӧдысь (сёрӧнджык — Драма театрса бухгалтер). Школаын велӧдчигӧн Л. Жеребцов сьӧкыда висьмылӧма туберкулёзӧн.

Помалӧма сыктывкарса 12 № школа (1943, Коми канмуса педагогика институт (1948). Рӧдвуж да ёртъяс корӧм серти медводз пыралӧма велӧдчыны физматӧ, но регыд вуджӧма история факультетӧ. IV-ӧд курса студентӧн на лаборанталӧма институтса история жырйын, лыддьӧма ичӧтджык курссаяслы важ мирса да шӧр нэмъясса историяысь лекцияяс. Институт помалӧм бӧрын водзӧ уджалӧма лаборантӧн, сэсся веськӧдлӧма Коми обкомлӧн ВКП(б) бердса партшколаын социально-экономическӧй наукаяс жырйӧн, велӧдӧма важ история.

1948-ӧд вося арнас пырӧма велӧдчыны СССР-са наукаяс академиялӧн Коми Базаса аспирантуралӧн дасьтысян курс вылӧ (1949-ӧд восяньСССР-са наукаяс академилӧн Коми филиал), во мысти вуджӧма аспирантуралӧн медшӧр курс вылӧ. Медводз кӧсйӧма специализируйтчыны историяысь, но вӧлӧма вакансияыс сӧмын этнографияысь да археологияысь.

А. С. Сидоров вӧзйӧм серти бӧрйӧма этнография нырвизь. 1953-ӧд воын Москваын СССР-са наукаяс академиялӧн этнография институтын дорйӧма комияслӧн оланін серти диссертация (веськӧдлысь — Николай Николаевич Чебоксаров).

1961-ӧд вося урасьӧм тӧлысьӧдз вӧлӧма младшӧй научнӧй сотрудникӧн, 1972-ӧд вося урасьӧм тӧлысьӧдз — старшӧй научнӧй сотрудникӧн да этнографъяс котырӧн веськӧдлысьӧн. Кыв, литература да история институтн этнография сектор котыртӧм бӧрын — секторӧн веськӧдлысь (1988-ӧд вося рака тӧлысьӧдз). 19881990-ӧд воясӧ уджалӧма старшӧй научнӧй сотрудникӧн, 1990-ӧд вося урасьӧм тӧлысь помын мунӧма пенсия вылӧ.

Кулӧма 1990-ӧд вося урасьӧм тӧлысь 28-ӧд лунӧ Сыктывкарын, гуалӧма Сыктывдін районса Сёськаын.

Туясян удж[вежны | Вежны кодировкаын]

Л.Н. Жеребцовлӧн медводдза уджыс петӧма 1955-ӧд воын, шусьӧ «О времени появления коми на верхней Мезени». Тасянь сылӧн пансьӧма коми войтырлысь этническӧй история туялӧмыс: мукӧдлаӧ овмӧдчӧм, овъяс артмӧм, этническӧй котыръяс чужӧм,орчча вотыркӧд йитӧдъяс ладмӧдӧм. Тайӧ мытшӧдъясыс босьтӧны медшӧр ин сылӧн туясян уджъясас.

Дасьтылӧма доктор ним вылӧ диссертация, но абу удитӧма дорйыны.

Небӧгъяс[вежны | Вежны кодировкаын]

Гижӧма 130 сайӧ удж, на пиын некымын небӧг.

  • Жеребцов Л.Н. Хозяйство, культура и быт удорских коми в XVIII — начале XX в. (1972)
  • Жеребцов Л.Н., Гагарина Ю.А. Быт и культура села (1968)
  • Жеребцов Л.Н. Крестьянское жилище в Коми АССР (1971)
  • Жеребцов Л.Н. Расселение коми в XV-XIX вв. (1972)
  • Жеребцов Л.Н. Историко-культурные взаимоотношения коми с соседними народами. — М.: Наука, 1982. — 224 с.

Ошкапнасъяс[вежны | Вежны кодировкаын]

Ӧшмӧсъяс[вежны | Вежны кодировкаын]

Ыстӧдъяс[вежны | Вежны кодировкаын]