Ермолин Рем Николаевич

Материал из Wikipedia
Перейти к навигации Перейти к поиску
Ермолин Рем Николаевич
Портрет
Чужан лун:

1926-ӧд вося ӧшым тӧлысь 24-ӧд лун(1926-12-24)

Чужанін:
Кулан кад:

2004-ӧд вося ода-кора тӧлысь 15-ӧд лун(2004-05-15) (77 арӧс)

Куланін:
Мыйся уджыс:

художник

Ошканпасъяс да премияяс:

Ермолин Рем Николаевич (19262004) — СССР да Россия кадся серпасалысь, РСФСР-са нимйӧза серпасалысь, Коми АССР-са нимйӧза серпасалысь, вӧр-ва серпасалысь.

Олан туй[веськӧдны | править код]

Рем Ермолин чужӧма Ленинградын 1926-ӧд вося ӧшым тӧлысь 24-ӧд лунӧ. Велӧдчӧма Ленинградса художественно-графическӧй педагогика училишӧын (19471951) да Репин нима Ленинградса живопись, скульптура да архитектура институтын (19541960) В. М. Орешниковлӧн живопись факультетын.

СССР-са серпасалысь котырын 1962-ӧд восянь. Велӧдчӧм бӧрын олӧма да уджалӧма Коми АССР-ын. Вӧлӧма СССР-са серпасалысь котырлӧн Коми республикаса юкӧнын веськӧдлысьӧс вежысьӧн да веськӧдлысьӧн (19701986).

Кулӧма 2004-ӧд вося ода-кора тӧлысь 15-ӧд лунӧ.

Серпасасьӧм[веськӧдны | править код]

Уджалӧма уна жанрын, но медшӧрыс — темаа серпасъяс да портретъяс. Уна серпасалӧма Коми муысь йӧзӧс, уджалӧмсӧ, войвывса вӧр-васӧ. Сылысь бура тӧдӧны Чилимдінлы сиӧм серпас чукӧр, мыйысь 1972-ӧд воын сылы сетӧма Коми АССР-са канму премия. 1975-ӧд воын «Чилимдінса гӧрка» уджысь сылы вичмӧма СССР-са художествоа академиялӧн Диплом.

Серпасалӧма Коми лыжникъясӧс (1977), В. В. Поляковлысь (1967), коми гижысьяс И. А. Куратовлысь (1977), И. Г. Тороповлысь (1986), шылад тэчысь А. Г. Осиповлысь (1968), портретъяс и с.в. Асьсӧ серпасалӧма некымынысь.

1957-ӧд восянь пырӧдчӧма Коми республикаса художествов выставкаясӧ; «Советский Север» выставкаясӧ; Москваын котыртӧм выставкаясӧ: «Советская Россия» (19671985), ставсоюзсаясӧ (19611985), РСФСР-са асвеськӧдлан республикаясысь серпасалысьяслӧн выставкаӧ (1971), «По родной стране» (1972, 1983), «СССР — наша родина» (1972) да мукӧд.

Асшӧр выставка вӧлӧмаӧсь 1976-ӧд воынМоскваын; 1986 воын — Ленинградын да Москваын; 1987, 1992, 1996 воясын — Сыктывкарын; суйӧр сайын: 1972 воын – ГДР-ын, Польшаын, Чехословакияын да Румынияын; 19761985 воясын — Болгарияын.

Ошканпасъяс[веськӧдны | править код]

  • РСФСР-са нимйӧза серпасалысь (1985)
  • Коми АССР-са нимйӧза серпасалысь (1980)
  • Коми АССР-са канму премия босьтысь (1972)

Ӧшмӧсъяс[веськӧдны | править код]

Ыстӧдъяс[веськӧдны | править код]