Говорухина Светлана Ювинальевна

Босьтӧма Wikipediaысь
Говорухина Светлана Ювинальевна
Чужан лун:

1959-ӧд вося косму тӧлысь 5-ӧд лун(1959-04-05) (64 арӧс)

Чужанін:
Канму:
Мыйся уджыс:

школьная учительница, директриса школы, поэтесса, филолог, директор, писательница

Шаблон:Серпасыс абу

Говорухина Светлана Ювинальевна (1959) — коми кывбуралысь.

Олан туй[вежны | Вежны кодировкаын]

Светлана Говорухина чужӧма 1959-ӧд вося косму тӧлысь 5-ӧд лунӧ Сыктывкарын. Быдмӧма Удорса районса Кослан сиктын.

1976-ӧд воын помалӧма Косланса шӧр школа, 1981-ӧд воынСыктывкарса канму университетысь филология факультет. 1981 восянь 1999 воӧдз уджалӧма Удора районса Ёдва шӧр школаын велӧдысьӧн да внекласснӧй удж котыртысьӧн. 19992004 воясӧ — Ёдва шӧр школаса директор. 20042008 воясӧ С. Говорухина уджалӧма Сыктывкарын Коми Республикаса фин–йӧгра культура шӧринын: веськӧдлӧма НКО-яскӧд удж нуӧдан юкӧдӧн.

Гижан удж[вежны | Вежны кодировкаын]

Светлана Ювинальевна босьтчӧма гижны челядьдырйиыс на. Гижӧ комиӧн да рочӧн. Аслас пӧжасъяснас лыддьысьысьясӧс тӧдмӧдӧма сёрӧн. Кывбуръясыс петавлӧма «Коми му» да «Выль туйӧд» газетъясын, «Капелька жизни» да «Сьӧлӧмшӧрӧй менам Удора» сборникъясын. Кывбуръяс вылас лӧсьӧдӧма сьыланкывъяс.

Гижӧ бур йӧз, чужанін дорӧ радейтӧм, сӧстӧм муслун йылысь. «Збыльмытӧм вӧт» медводдза небӧгсӧ сиӧма аслас мам Елена Павловна Долгиналы.

Общественнӧй удж[вежны | Вежны кодировкаын]

2004 воын С. Говорухина ветлӧма Фин–йӧгра войтырлӧн IV Ставмирса конгресс вылӧ (Таллинн, Эстония).

2016 восянь пырӧ «Коми войтыр» ӧтмунӧмса сыктывкарса представительствоӧ.

Веськӧдлӧ Сыктывкарын Удора землячествоӧн.

Небӧгъяс[вежны | Вежны кодировкаын]

  • Збыльмытӧм вот: кывбуръяс. — Сыктывкар: «Кола» небӧг лэдзанін, 2013. — 64 л.б. (тиражыс — 1000 экз.)[1]
  • Шондіа нюм: кывбуръяс. — Сыктывкар: ООО «Телесемь Коми», 2016. — 40 л.б.
  • Дона сикӧтш: кывбуръяс. — Сыктывкар: Анбур, 2019. — 79 л.б.

Ӧшканпасъяс[вежны | Вежны кодировкаын]

  • Коми Республикаса Почёта грамота (2018)[2]
  • Коми Республикаса нимӧдана уджалысь (2023.12.20)

Ӧшмӧсъяс[вежны | Вежны кодировкаын]

Ыстӧдъяс[вежны | Вежны кодировкаын]

  1. Председатель удорского землячества презентует свой первый поэтический сборник // «Финноугория» сайт (2013.01.30; рочӧн)
  2. Жителям Республики Коми вручили заслуженные государственные награды // «Коми Республика» портал (2018.12.12; рочӧн)