Габов Александр Григорьевич

Габов Александр Григорьевич
Чужан лун:	1912-ӧд вося урасьӧм тӧлысь 12-ӧд лун(1912-02-12)
Чужанін:	Сюзяыб (Кӧрткерӧс район), Висер сикт овмӧдчӧмин[d], Кöрткерöс район, Коми Республика, РСФСР Коми Автономнӧй Сӧветскӧй Социалистическӧй Республика, РСФСР
Кулан кад:	1941
Канму:	Сӧветскӧй Социалистическӧй Республикаяслӧн Союз
Мыйся уджыс:	журналист, поэт, гижысь

Габов Александр Григорьевич (комиӧн — Гриш Саш) (1912–1941) — коми поэт, вуджӧдчысь.

Олан туй

Александр Габов чужӧма 1912 вося урасьӧм тӧлысь 12 лунӧ Кӧрткерӧс районса Сюзяыб грездын. Велӧдчӧма Шойнаты школаын. Сійӧс помавтӧг пырӧма уджавны обласьтса типографияӧ наборщикӧн. 1932 воын вуджӧма уджавны Коми радиокомитетӧ. Служитӧма Гӧрд армияын. Локтӧм бӧрас ассьыс олӧмсӧ йитӧма журналистикакӧд да гижан уджкӧд. Уджалӧма «Коми комсомолец» газетын, радиоын. 1941 воын мӧдӧдчӧма Айму вӧсна Ыджыд тыш вылӧ. Юӧрттӧг усьӧма фронт вылын 1941 вося йирым тӧлысьӧ.

Гижан удж

Ассьыс кывбуръяссӧ да роч классикалысь вуджӧдӧмъяссӧ Гриш Саш йӧзӧдлӧма 1930 восянь «Ударник» журналын, «Коми комсомолец» газетын. 1939 воын петӧма сылӧн медбур гижӧд — «Ёртасьӧм да радейтӧм» поэма.

Коми литератураӧ пырӧма кыдзи комсомол-поэт, коді эскӧма выль власьтлы. Кывбуръясыслӧн медшӧр темаяс — 1930-ӧд воясся том йӧзлӧн олӧм. Гижӧма вӧр кылӧдӧм, удж, армияӧ босьтӧм, границаяс дорйӧм йылысь. 1930-ӧд восся коми гижысьяс (И. Изъюров, В. Юхнин) шуисны сійӧс енбиа поэтӧн.

Ӧшмӧсъяс

• Беляев Г. На весьтын кодзувъяс оз кусны // «Войвыв кодзув». 2009. — 1 №. — Л.б. 54-59.
• Габов Александр Григорьевич // Журналисты-фронтовики Республики Коми: биобиблиографический справочник. — Сыктывкар, 2007. — С. 30—31.
• Габов Александр Григорьевич // «Молодыми остались навеки...»: литературные портреты коми писателей, не вернувшихся с полей сражений. — Сыктывкар, 2004. — С. 5—8.