Висер Вась

Материал из Wikipedia
Перейти к навигации Перейти к поиску
Висер Вась
Чужан лун:

1921-ӧд вося вӧльгым тӧлысь 26-ӧд лун(1921-11-26)

Чужанін:
Кулан кад:

1991

Куланін:
Канму:

Шаблон:Серпасыс абу

Висер Вась (Василий Иванович Попов) (19211991) — ен кыв паськӧдысь, ен небӧгъяс комиӧдысь, йӧзӧс бурдӧдысь.

Олан туй[веськӧдны | править код]

Висер Вась чужӧма 1921-ӧд вося вӧльгым тӧлысь 26-ӧд лунӧ Кӧрткерӧс районса Висер сиктын. Босьтӧма 2 класса тӧдӧмлунъяс.

1953-ӧд воын, кор Ен йылысь эз позь сёрнитны да казьтыштны, Висер Вась босьтчӧма комиӧдны Ен гижӧдъяс. Сылы отсасьӧмаӧсь Лида чой да Миш вокыс. Радейтана гӧтырыс — Ольга Григорьевна — некор эз дозмыв сылӧн уджысь. Гозъялӧн вӧлі 7 челядь (ӧні — 9 внук, 2 правнук да 3 праправнук).

1978-ӧд воын Финляндияын вӧлі йӧзӧдӧма «Матвейсянь Евангелие», а 1979-ӧд воын — «Выль Кӧсйысьӧм».

1981-ӧд воын В.И. Попов помалӧма вуджӧдны Библиясӧ, сійӧ вӧлі йӧзӧдӧма 1991-ӧд воын Сыктывкарын.

Ӧттшӧтш Висер Вась вуджӧдавлӧма да лӧсьӧдӧма ен сьыланкывъяс (духовные песнопения). Йӧзӧдӧма «Крест – сила Божья», «Будьте здоровы и благоразумны» да «Бурсьылöмъяс» небӧгъяс.

Котыртӧма евангелльӧ эскӧмса Коми христианалысь вичко, 1975-ӧд восянь епископалӧма.

Кулӧма 1991-ӧд вося урасьӧм тӧлысь 27-ӧд лунӧ.

Ӧнія кадӧ Библия водзӧ вуджӧдӧны. Та вылын уджалӧны: Хельсинкиысь Библия вудждан институт, Евангелиеса христианалӧн коми вичко, Роч православнӧй вичколӧн Сыктывкарса да Воркутаса епархия, «Ас кыв» асшӧр котыр да мукӧд. Татшӧм ногӧн комиӧн 2008-ӧд воын петӧма «Выль Кӧсйысьӧм», а 2011-ӧд воын — челядьлы Библия.

Сылӧн туйӧд мунӧ Даниил пиыс, коді Коми христианалӧн Евангелие вичкоын нуӧдӧ службаяс коми кыв вылын.

Ӧмшӧсъяс[веськӧдны | править код]

Ыстӧдъяс[веськӧдны | править код]