Берл Лазар
Берл Лазар, сідзжӧ Шломо Дов-Бер Пи́нхос Лазар (иврит שלמה דובער פנחס לאזאר) — тайӧ Рочмулӧн медшӧр раввин (Рочмуса Еврей Котыръяс Федерацияысь). Сійӧ 2005 восянь сідзжӧ Рочму Федерация Общественнӧй Палатаса. Чужис 5724 вося сіван 8 лунӧ (1964 вося ода-кора 19 лунӧ) Милан карын (Италия).
Биография
[вежны | Вежны кодировкаын]Берл Лазар чужис 1964 вося моз тӧлысь 19 лунӧ Италияса Милан карын. 1978 воын помаліс еврейяслысь школа да пырис Америкаса Ӧтувтчӧм Штатъясын раввинскӧй колледжӧ. 1990 воын лоис Москваса синагогаын раввинӧн да Россияын еврейяслӧн организацияясын зіль участникӧн.
1999 вося ноябр 15 лунö ФЕОР-лöн учредительнöй съезд вылын Лазарöс бöрйисны шöр раввинöн. 2000 вося моз тӧлысь 29 лунӧ босьтӧма Россияса гражданство. 2000 вося июнь 13 лунӧ еврейяслӧн генеральнӧй съезд вылын сійӧс бӧрйисны Россияса медшӧр раввинӧн, кӧть тайӧ бӧрйӧмсӧ эз признайтны кутшӧмкӧ организацияяс.
Лазарь зільӧ пырӧдчыны йӧзкостса олӧмӧ да 2001 воын пыртӧма Россияса Президент бердын дінмуяскӧд ёртасьӧм кузя сӧветӧ. 2002 воын лоис роч кывъя еврейяслӧн ставмирса конгресслӧн раввинскӧй сӧветӧн веськӧдлысьӧн.
Сылӧн веськӧдлӧм улын выльмӧдісны СНГ-ын 350-ысь унджык еврей овмӧс. 2004 воын духовнöй культура сöвмöдöмын да войтыркостса йитöдъяс ёнмöдöмын пай пуктöмысь сылы сетiсны Ёртасян орден.
Берл Лазарлӧн наградаясыс
[вежны | Вежны кодировкаын]- Ёртлунса орден (2004)
- Минин да Пӧжарскӧйса Общественнӧй орден (2004)
- Ыджыд Петырса орден (2005)