Ашальчи Оки

Ашальчи Оки
	Ашальчи Оки
Чужигдыр нимыс:	рочӧн Акилина Григорьевна Векшина
Чужан лун:	4 (16) косму 1898
Чужанін:	Кузебаево[d], Граховский район[d];
Кулан кад:	1973-ӧд вося йирым тӧлысь 31-ӧд лун (75 арӧс)
Куланін:	Алнаши[d], Удмуртская Автономная Советская Социалистическая Республика[d], РСФСР[d], Сӧветскӧй Социалистическӧй Республикаяслӧн Союз;
Канму:	Россияса империя[d]; Сӧветскӧй Социалистическӧй Республикаяслӧн Союз;
Мыйся уджыс:	поэтесса, писательница, офтальмолог, врач
Ошканпасъяс да премияяс:

Шаблон:Серпасыс абу

Файл:Ашальчи Оки.jpg

Ашальчи Оки — Акулина Григорьевна Векшина

Ашальчи Оки (1898—1973) — удмурт поэтесса да гижысь, бурдӧдысь. Збыль нимыс — Акулина Григорьевна Векшина.

Олан туй

1898, косму тӧлысь 4 (16) лун — Чужис Удмурт АССР-ысь Грах районса Кузебаево грездын кресьтянин семьяын.
1914 — Помаліс велӧдысьяслысь Карлыганса Вотскӧй школа, 1921 — Казаньын рабочӧй факультет.
1928 — Помаліс Казаньса университетын медицина факультет, босьтчис уджавны врач-окулистӧн.
Ветліс Айму вӧсна Ыджыд тыш вылӧ, фронт вылын вӧлі хирургӧн 571 №-а полевӧй госпитальын. Эм войнакадся наградаяс.
1946, йирым тӧлысь — Армияысь локтӧм бӧрын уджаліс врачӧн Алнаш районса бурдӧдчанінын.
1973, йирым тӧлысь 31 лун — Кувсис Удмурт АССР-са Алнаш сиктын.

Гижан удж

Ашальчи Оки — удмурт литератураын медводдза нывбаба-поэт. Кывбуръяссӧ заводитіс йӧӟӧдны 1918 восянь «Виль синь» и «Гудыри» удмурт газетъясын. Удмурт кывйӧн медводдза кывбур небӧг «Сюрес дурын» (Туй дорын) петіс 1925 воын ^[2], рочӧн — «О чем поет вотячка» небӧг — петіс 1928 воын.

1933 воын гижысьӧс мыждӧны националистъяскӧд йитӧд кутӧмын сідз шусяна «СОФИН» («Союз освобождения финских народностей») делӧ серти. Та бӧрын Ашальчи Оки кежӧ гижан уджысь. Реабилитируйтӧма сӧмын 1956 воын ^[3].

Ашальчи Оки гижис лирикаа кывбуръяс, кодъяс сиӧмаӧсь чужан мулы, нывбаба-удмурт олӧмлы. Сылӧн гижӧдъясыс матынӧсь фольклор дорӧ. Мукӧд кывбурыс лоины йӧзкостса сьыланкывъясӧн.

Ашальчи Оки гижис сідзжӧ челядьлы.

Кывбуръяссӧ вуджӧдӧма Рочмуса уна кыв вылӧ, а сідзжӧ француз, венгер да фин кывъяс вылӧ. Кывбуръяс вылас гижӧма уна сьыланкыв.

Небӧгъяс

Удмурт кывйӧн

Сюрес дурын. 1925.
Мон тодам ваисько. Ижевск, 1968.

Роч кыв вылӧ вуджӧдӧмӧн

О чем поет вотячка. Глазов, 1928.
[Стихи] // Стихи удмуртских поэтов. Ижевск, 1957.

Паметь

Поэтесса кулӧм бӧрын Алнаш сиктын восьтӧма керка-музей ^[3].
1994 воын лӧсьӧдӧма Ашальчи Оки нима Удмуртияса национальнӧй литературнӧй премиа ^[4].

Наградаяс

Удмурт АССР-ын нимӧдана бурдӧдысь (1957)
Уджвывса ветеран.

Видзӧдӧй тшӧтш

Айво Иви — Удмурт гижысь, Ашальчи Окилӧн вок.

Ӧшмӧсъяс

Писатели Удмуртии. Биобиблиографический справочник. Ижевск, 1963.
Удмуртская литература. Ижевск, 1966.
Краткая литературная энциклопедия (рочӧн)
Виртуальный музей Ашальчи Оки

Ыстӧдъяс

↑ Bibliothèque nationale de France идентификатор BNF: платформа открытых данных — 2011.
<a href="https://wikidata.org/wiki/Track:Q19938912"></a><a href="https://wikidata.org/wiki/Track:Q54837"></a><a href="https://wikidata.org/wiki/Track:Q193563"></a>
↑ Краткая литературная энциклопедия (рочӧн)
↑ ^3,0 ^3,1 Литературный дом-музей Ашальчи Оки
↑ Удмуртская национальная литературная премия им. Ашальчи Оки (рочӧн)

[_76e0c9e2b25f7aaf-1] Bibliothèque nationale de France идентификатор BNF: платформа открытых данных — 2011.
<a href="https://wikidata.org/wiki/Track:Q19938912"></a><a href="https://wikidata.org/wiki/Track:Q54837"></a><a href="https://wikidata.org/wiki/Track:Q193563"></a>

[2] Краткая литературная энциклопедия (рочӧн)

[Литературный_дом-музей_Ашальчи_Оки-3] 3,0 ^3,1 Литературный дом-музей Ашальчи Оки

[4] Удмуртская национальная литературная премия им. Ашальчи Оки (рочӧн)

[1]

[2]

[3]

[4]