Артеев Пик Герасимович

Артеев Пик Герасимович
	Артеев Пик Герасимович
Чужан лун:	1937-ӧд вося вӧльгым тӧлысь 27-ӧд лун
Чужанін:	Нӧвикбӧж, Ускар каркытш, Коми Республика, РСФСР[d], Сӧветскӧй Социалистическӧй Республикаяслӧн Союз;
Кулан кад:	1987
Канму:	Сӧветскӧй Социалистическӧй Республикаяслӧн Союз;
Мыйся уджыс:	гижысь, спортсмен, оленевод

Шаблон:Серпасыс абу

Файл:Артеев П.Г.jpg

Пик Артеев гира лэпталігӧн

Артеев Пик Герасимович (1937—1987) — коми гижысь, кӧр видзысь да спортсмен.

Олан туй

Пик Артеев чужис Ыджыд тундраын 1937 вося вӧльгым тӧлысь 27-ӧд лунӧ. Нимсӧ пуктісны нималана немеч-антифашист Вильгельм Пик серти. Тундраын Пик оліс сизим арӧсӧдз, внтліс кӧр дорын бать-мамыскӧд. Нӧвикбӧжса школаын велӧдчис 7 во, сэсся помаліс Усвавомса шӧр школа.

Школа бӧрын уджаліс вӧркутаса шахтаын. Служитіс армиаын (танк войскаясын ГДР-ын). Армиа бӧрын помаліс Наръян-Марса зооветеринарнӧй техникум, босьтчис веськӧдлыны кӧр видзысьяслӧн бригадаӧн Нӧвикбӧжын. Сёрӧнджык лоис «Усть-Усинский» совхозын кӧр видзысь юкӧнлӧн веськӧдлысьӧн.

Сійӧ пӧшти петавтӧг оліс тундран кӧр дорын, оліс чумын. Сьӧкыд удж вылӧ видзӧдтӧг удитіс гижны, радейтіс вӧравны да чери кыйны. Та кындзи, сылӧн вӧлі нӧшта ӧти гежӧд хобби — сьӧкыд атлетика. Гира лэпталӧмын Пик Артеев лои Коми АССР-са чемпионӧн.

Куліс 1987 воын.

Гижан удж

Медводдза висьтъяссӧ Пик Артеев йӧзӧдіс «Усинская новь» газетын 1978 воын. Сылысь гижан сямсӧ казяліс журналист Рейнгольд Бихерт, коді вӧлі тайӧ газетса редакторнас. Та бӧрын авторӧс корисны Сыктывкарӧ том прозаикъяслӧн семинар вылӧ. Комиӧдӧдм гижӧдъяссӧ йӧзӧдлісны «Войвыв кодзув» журналын. Гижис и комиӧн, и рочӧн.

Медводдза небӧгыс петіс кулӧм бӧрас нин Р. Бихерт водзмӧстчӧмӧн, коді мӧвпаліс та йылысь Пик Артеевлӧн кулан восяньыс нин. «Была бы вторая жизнь..» небӧгӧ (2008) пыртӧма 21 йӧзӧдӧм да йӧзӧдтӧм висьт да очерк.

Пик Артеевӧс шуӧны медбур кӧр видзысьӧн гижысьяс пӧвстын да медбур гижысьӧн кӧр видзысьяс пӧвстын.

Небӧг да гижӧдъяс

Мадук: висьт // «Войвыв кодзув», 1980. — 11 №. — Л.б. 37—40.
Тулыс. Жебиник югӧр: висьтъяс // «Войвыв кодзув», 1985. — 3 №. — Л.б. 21—25.
Рӧдвуж. Вунлытӧм шог: висьтъяс // «Войвыв кодзув», 1986. — 3 №. — Л.б. 30—32.
Кельчи князь: висьт // «Войвыв кодзув», 1986. — 8 №. — Л.б. 36—37.
Кӧдзыд войӧ: висьтъяс // «Войвыв кодзув», 1986. — 10 №. — Л.б. 54—57.
Чукля трӧпаяс: очерк // «Войвыв кодзув», 1988. — 4 №. — Л.б. 45—48.
Мӧвпыс пальӧдіс. Карьерын: висьтъяс // «Войвыв кодзув», 2005. — 11 №. — Л.б. 46—52.
Хале — ты: повесьт // «Войвыв кодзув», 2006. — 2 №. — Л.б. 8—24.
Кык висьт // «Войвыв кодзув», 2007. — 12 №. — Л.б. 48—51.
Была бы вторая жизнь...: Сборник рассказов и очерков / Сост. Р. Бихерт. Сыктывкар, 2007. — 184 с. (тираж — 1000 экз)

Паметь

«Изьватас» ӧтмунӧмлӧн водзмӧстчӧмӧн 2012 во Изьва районын шуӧма гижысь П.А. Артеевлӧн воӧн.

Ӧшмӧсъяс

Кузнецова Т.Л. Тундра йылысь сьӧлӧм сёрни // «Войвыв кодзув», 2002. — 6 №. — Л.б. 76—80.
Кузнецова Т.Л. Тундра йылысь сьӧлӧм сёрни [Пик Артеевлӧн гижӧдъяс йылысь пасйӧдъяс]// Литература сӧвман туйяс: гижысь да кад. — Сыктывкар, 2003. — Л.б. 119—124.
Бихерт Р. «Вӧлі кӧ кык олӧ ...» // «Войвыв кодзув», 2005. — Л.б. 41—45.
Артеев А. Писатель и оленевод (Первая книга Пика Артеева вышла посмертно) // Молодёжь Севера, 2008. 28 августа. № 35.

Ыстӧдъяс