Тӧвся Олимпиада ворсӧмъяс (2014)

Материал из Wikipedia
Сочиын XXII Тӧвся Олимпиада ворсӧмъяс. Пошта маркаяс вылын: Гӧрд Полянаын горнолыжнӧй курорт, Сочиын Саридз вокзаллӧн керка, Ахун керӧс, Волконскӧй дольмен. Россияса Пошта блок, 2011

Тӧвся Олимпиада ворсӧмъяс (2014) (англичан 2014 Winter Olympics, франсуз Jeux Olympiques d'hiver de 2014, официальнӧй ним 2014 воын Сочиын XXII Тӧвся Олимпиада ворсӧмъяс (2014)) — войтыркостса спорт чукӧртчӧм, коді лоас Сочиын (Россия) 2014 воӧ урасьӧм тӧлысь 7-ӧдзсянь урасьӧм тӧлысь 23-ӧд лунӧдз.

Содержание

Кар бӧрйӧм[веськӧдны]

Олимпиада би[веськӧдны]

Традиция серти, 2013 воӧ Олимпиадалӧн би кытшовтас став Россиянымӧс, волас 83 регионлӧн 2900 овмӧдчанінӧ. Туйыслӧн кузьтаыс 65 сюрс километр, мый Олимпиада историяын кутас лыддьысьны медкузьӧн.

123 лунӧн билы ковмас венны нёль этап. 2013 вося йирым тӧлысь 7 лунӧ Афинъяссянь сійӧ лэбас Москваӧдз. Сэсся машинаӧн волас Шӧр да Рытыв-Войвыв федерал кытшъяслӧн 15 карӧ. Медводдза этапыс шымыртӧ 23 лун да помасьӧ Петыркарын. Мӧд юкӧн дырйи Олипиадалӧн би воас Владивостокӧдз: 30 лунӧн сійӧ кытшовтас 14 кар. Коймӧд кадколастыс лоӧ медся озырӧн: 58 лунӧн биыс волас Россияса 45 карӧ. Бӧръя юкӧн дырйи бисӧ ваясны Элистасянь Сочиӧдз: 12 лунӧн би воӧдчылас 10 карӧ.

Бисӧ нуасны 14 сюрс факелоносец да 30 сюрс сайӧ волонтёр. Таысь кындзи сылы ковмас пуксьывлыны машинаӧ, мунны поездӧн, лэбны самолётӧн, котӧртны вӧвъясӧн да кӧръясӧн. Нӧшта бисӧ лэдзласны Байкал ты пыдӧсӧдз, лэптывласны Эльбрусӧдз, нуласны Войвыв полюсӧ да, мойвиас кӧ, мӧдӧдласны космосӧдз. Россияті кытшовтігӧн би волас уна нималана инӧдз: Яснӧй Полянаӧ, Куршан кӧсаӧдз, Авачин вулканъяс петанінӧ, Кижи музей-заповедникӧ да мукӧдлаӧ.

Факелсӧ вӧчасны Красноярскса машина вӧчан заводын. Ставсӧ вӧчасны 16 сюрс ёрас. Найӧс кутасны нуны нималана спортсменъяс: лызьӧн котралысьяс, биатлонистъяс, хоккеистъяс да уна мукӧд.

Тайӧ биыс ӧтувтас Россияса уна регион, сетас позянлун петкӧдлыны Россияса быд пельӧс, тӧдмӧдас быд регионлӧн аслыспӧлӧслуннас, историянас да татчӧс олысьяскӧд. Би воӧм быдлаын кутасны виччысьны ыджыд гажӧн.

Сыктывкарын Олимпиада би[веськӧдны]

Сыктывкарын Олимпиада билӧн маршрут[1]
Сыктывкарын Олимпиада би нуан расписание

Коми Республикаса юркар Сыктывкарӧ Тӧвся Олимпиада би воис вӧльгым тӧлысь 2-ӧд лунӧ Кардорсянь самолётӧн. Би нуан эстафеталӧн кузьтаыс — 19 километра, би нуисны карлӧн 30 уличаті. Ставнас вӧлі 90 би нуысь, кодъяс вежласисны быд 200 метра мысти.

Би нуисны татшӧм маршрут серти: 1. Аэропорт — 2. Сӧветскӧй ул. — 3. И.А. Куратов ул. — 4. Киров ул. — 5. Горький ул. — 6. Сӧветскӧй ул. — 7. Орджоникидзе ул. — 8. В.И. Ленин ул. — 9. Мездлун ул. — 10. Интернациональнӧй ул. — 11. Энгельс ул. — 12. Печора ул. — 13. Петрозаводскӧй ул. — 14. Тентюков ул. — 15. В.И. Лыткин ул. — 16. Малышев ул. — 17. Октябр шӧртуй (Чкалов, Гӧрд партизан, Н. Оплеснин уличаяс, Сыктывкарса канму университет). — 18. Коммунистическӧй ул. (Старовский ул.) — 19. Кӧрттуй вокзал. — 20. Морозов ул. (Димитров, Станционнӧй уличаяс). — 21. Сыктыв шӧртуй (Марков, Гаражнӧй уличаяс). — 22. Октябр шӧртуй (И.А. Куратов ул.). — 23. Коммунистическӧй ул. (Первомай ул.). — 24. Бабушкин ул. — 25. Интернациональнӧй ул. (ЦУМ бокті) — 26. Пушкин ул. — 27. Ленин ул. — 28. Степан изъэрд.[2]

Медводдзаӧн аэропортын на би ӧзтіс да факелӧн нуис Коми Республикаса юралысь В.М. Гайзер, мӧдӧн — Сыктывкарса мэр И.А. Поздеев. В.М. Гайзер киын медводдзасяньыс биыс эз ӧзйы. Ковмис вайны запаснӧй лампадка да выльысь ӧзтыны факелсӧ.[3] На кындзи, би нуысьясӧн вӧліны: олимпиадаса кыкысь чемпион Николай Бажуков, таэквондоысь ставмирса чемпион Анатолий Чиканчи, 1988-ӧд вося Олимпиада вылӧ ветлысь Андрей Нутрихин, Лиллехаммерӧ да Наганоӧ Олимпиада ворсӧмъяс вылӧ ветлысь Владимир Леготин, Ставмирса Сурдолимпиада ворсӧмъясын вермысь Наталья Смирнова, самбоысь ставмирса чемпион Константин Лахтионов, лызьӧн котралӧмысь россияса чемпион Антон Зюзев, Паралимпиадаса чемпион Мария Иовлева, Изьва сиктын аэропортса начальник Сергей Сотников, Коми Республикаса спортагентствоӧн веськӧдлысь Николай Гордеев, инвалидъяслӧн Ставроссияса котырӧ пырысь Юрий Волков, «Ингострах» компанияын уджалысь Сергей Холмов да мукӧд. [4].

Бӧръяӧн олимпиада би нуис лызьӧн котралысь, олимпиада ворсӧмъясын нёльысь вермысь Раиса Сметанина. Сійӧ ӧзтіс Степан изъэрдын чаша. Эстафета бӧрын чашасӧ пуктісны Коми мулӧн спортивнӧй славаса Жырйӧ.[5].

Степан изъэрдын вӧлі сувтӧдӧма павильон, кӧні быдӧн вермис фотографируйтчыны Сочиын 2014-ӧд вося Олимпиада да Москваын 1980-ӧд вося Олимпиада факелъясӧн.[6].

Эмблема-логотип[веськӧдны]

Медальяс юклӧм[веськӧдны]

Страна Зарни Эзысь Ыргӧн Ставнас
Россия 13 11 9 33
Норвегия 11 5 10 26
Канада 10 10 5 25
АӦШ 9 7 12 28
Нидерландъяс 8 7 9 24
Германия 8 6 5 19
Швейцария 6 3 5 14
Беларусь 5 0 1 6
Австрия 4 8 5 17
Франция 4 4 7 15
Польша 4 1 1 6
Китай 3 4 2 9
Лунвыв Корея 3 3 2 8
Швеция 2 7 6 15
Чехия 2 4 2 8
Словения 2 2 4 8
Япония 1 4 3 8
Финляндия 1 3 1 5
Ыджыд Британия 1 1 2 4
Украина 1 0 1 2
Словакия 1 0 0 1
Италия 0 2 6 8
Латвия 0 2 2 4
Австралия 0 2 1 3
Хорватия 0 1 0 1
Казахстан 0 0 1 1

Россияса медалистъяс[веськӧдны]

Зарни медаль[веськӧдны]

Урасьӧм тӧлысь 9-ӧд лун[веськӧдны]

  • РОССИЯСА команда — конькиӧн ислалӧм (командалӧн ӧтувъя петкӧдчӧм)[7]

Урасьӧм тӧлысь 12-ӧд лун[веськӧдны]

  • Татьяна ВОЛОСОЖАР да Максим ТРАНЬКОВ — конькиӧн гозйӧн ислалӧм (дженьыд ислалӧм — 84.17 син, произвольнӧй ислалӧм — 152.69 син, ставнас — 236.86 син)[8]

Урасьӧм тӧлысь 15-ӧд лун[веськӧдны]

  • Виктор АН — шорт-трек (1000 м, мужичӧйяс), кад — 1:25.325[9]
  • Александр ТРЕТЬЯКОВ — скелетон (мужичӧйяс), нёльысь исковтӧмлӧн ӧтувъя кад — 3:44.29[10]

Урасьӧм тӧлысь 17-ӧд лун[веськӧдны]

  • РОССИЯСА команда (Алексей ВОЕВОДА, Александр ЗУБКОВ) — бобслей (кык мортӧн исковтӧм, мужичӧйяс), нёльысь исковтӧмлӧн ӧтувъя кад — 3:45.39[11]

Урасьӧм тӧлысь 19-ӧд лун[веськӧдны]

  • Вик УАЙЛД — сноуборд (параллельнӧй ыджыд слалом, мужичӧйяс)[12]

Урасьӧм тӧлысь 20-ӧд лун[веськӧдны]

  • Аделина СОТНИКОВА — конькиӧн фигурнӧя йӧктӧм (дженьыд йӧктӧм — 74.64, произвольнӧй йӧктӧм — 149.95, ставнас — 224.59 син[13]

Урасьӧм тӧлысь 21-ӧд лун[веськӧдны]

  • Виктор АН — шорт-трек (500 м, мужичӧйяс), кад — 41.312[14]
  • РОССИЯСА команда (Виктор АН, Владимир ГРИГОРЬЕВ, Семён ЕЛИСТРАТОВ, Руслан ЗАХАРОВ) — шорт-трек (эстафета 5000 м, мужичӧйяс), кад — 6:42.100. Россияса команда сувтӧдіс олимпиадаса рекорд[15]

Урасьӧм тӧлысь 22-ӧд лун[веськӧдны]

  • Вик УАЙЛД — сноуборд (параллельнӧй слалом, мужичӧйяс)[16]
  • РОССИЯСА команда (Алексей ВОЛКОВ, Дмитрий МАЛЫШКО, Евгений УСТЮГОВ, Антон ШИПУЛИН) — биатлон (эстафета 4x7,5 км, мужичӧйяс); кад — 1:12:15.9[17]

Урасьӧм тӧлысь 23-ӧд лун[веськӧдны]

  • Александр ЛЕГКОВ — лызьӧн котралӧм (масс-старт, 50 км, мужичӧйяс); кад — 1:46:55.2[18]
  • РОССИЯСА команда (Алексей ВОЕВОДА, Александр ЗУБКОВ, Алексей НЕГОДАЙЛО, Дмитрий ТРУНЕНКОВ) — бобслей (нёль мортӧн даддьӧн исковтӧм, мужичӧйяс), нёльысь исковтӧмлӧн ӧтувъя кад — 3:40.60[19]

Эзысь медаль[веськӧдны]

Урасьӧм тӧлысь 9-ӧд лун[веськӧдны]

  • Ольга ВИЛУХИНА — биатлон (спринт 7,5 км; нывбабаяс); кад — 21:26.7 (промах абу)[20]
  • Альберт ДЕМЧЕНКО — даддьӧн ислалӧм (ӧтка даддьӧн ислалӧм, мужичӧйяс); нёльысь исковтӧмлӧн ӧтувъя кад — 3:28.002[21]

Урасьӧм тӧлысь 11-ӧд лун[веськӧдны]

  • Ольга ФАТКУЛИНА — конькиӧн ӧдйӧ котралӧм (500 м)[22]

Урасьӧм тӧлысь 12-ӧд лун[веськӧдны]

  • Ксения СТОЛБОВА да Фёдор КЛИМОВ — конькиӧн гозйӧн ислалӧм (дженьыд ислалӧм — 75.21 син, произвольнӧй ислалӧм — 143.47 син, ставнас — 218.68 син)[23]

Урасьӧм тӧлысь 13-ӧд лун[веськӧдны]

  • РОССИЯСА команда (Владислав АНТОНОВ, Альберт ДЕМЧЕНКО, Александр ДЕНИСЬЕВ, Татьяна ИВАНОВА) — даддьӧн ислалӧм (эстафета); ӧтувъя кад — 2:46.679[24]

Урасьӧм тӧлысь 15-ӧд лун[веськӧдны]

  • Владимир ГРИГОРЬЕВ — шорт-трек (1000 м, мужичӧйяс), кад — 1:25.399[25]

Урасьӧм тӧлысь 16-ӧд лун[веськӧдны]

  • РОССИЯСА команда (Дмитрий ЯРАПОВ, Александр БЕССМЕРТНЫХ, Александр ЛЕГКОВ, Максим ВЫЛЕГЖАНИН) — лызьӧн котралӧм (эстафета 4x10 км, мужичӧйяс); ӧтувъя кад — 1:29:09.3 (кольччисны Швеция командаысь +27.3)[26]

Урасьӧм тӧлысь 18-ӧд лун[веськӧдны]

  • Николай ОЛЮНИН — Сноуборд-кросс (мужичӧйяс)[27]

Урасьӧм тӧлысь 19-ӧд лун[веськӧдны]

  • РОССИЯСА команда (Максим ВЫЛЕГЖАНИН, Никита КРЮКОВ) — лызьӧн котралӧм (командаса спринт классикаӧн, мужичӧйяс); ӧтувъя кад — 23:15.86 (кольччисны Финляндия командаысь +0.97)[28]

Урасьӧм тӧлысь 21-ӧд лун[веськӧдны]

  • РОССИЯСА команда (Яна РОМАНОВА, Ольга ЗАЙЦЕВА, Екатерина ШУМИЛОВА, Ольга ВИЛУХИНА) — биатлон (эстафета, 4x6 км, нывбабаяс); ӧтувъя кад — 1:10:28.9 (кольччисны Украина командаысь +26.4)[29]

Урасьӧм тӧлысь 23-ӧд лун[веськӧдны]

  • Максим ВЫЛЕГЖАНИН — лызьӧн котралӧм (масс-старт, 50 км, мужичӧйяс); кад — 1:46:55.9 (кольччис Александр Легковысь+0.7)[30]

Ыргӧн медаль[веськӧдны]

Урасьӧм тӧлысь 9-ӧд лун[веськӧдны]

  • Ольга ГРАФ — конькиӧн ӧдйӧ котралӧм (3000 м; нывбабаяс); кад — 4:03.47[31]

Урасьӧм тӧлысь 10-ӧд лун[веськӧдны]

  • Александр СМЫШЛЯЕВ — фристайл (могул; мужичӧйяс); 24.34 син[32]
  • Виктор АН — шорт-трек (1500 м; мужичӧйяс); кад — 2:15.062[33]

Урасьӧм тӧлысь 13-ӧд лун[веськӧдны]

  • Евгений ГАРАНИЧЕВ — биатлон (торъя ордйысьӧм, 20 км; мужичӧйяс); кад — 50:06.2 (1 промах)[34]

Урасьӧм тӧлысь 14-ӧд лун[веськӧдны]

  • Елена НИКИТИНА — скелетон (нывбабаяс); ӧтувъя кад — 3:54.30[35]

Урасьӧм тӧлысь 17-ӧд лун[веськӧдны]

  • Елена ИЛЬИНЫХ да Никита КАЦАЛАПОВ — конькиӧн йи вылын йӧктӧм (гозйӧн); дженьыд йӧктӧм — 73.04 син, произвольнӧй йӧктӧм — 110.44 син, ӧтувъя — 183.48 син[36]

Урасьӧм тӧлысь 19-ӧд лун[веськӧдны]

  • Алена ЗАВАРЗИНА — сноуборд[37]

Урасьӧм тӧлысь 22-ӧд лун[веськӧдны]

  • РОССИЯСА команда (Ольга ГРАФ, Екатерина ЛОБЫШЕВА, Юлия СКОКОВА, Екатерина ШИХОВА) — конькиӧн ӧдйӧ котралӧм (нывбабаяс); кад — 2:59.73[38]

Урасьӧм тӧлысь 23-ӧд лун[веськӧдны]

  • Илья ЧЕРНОУСОВ — лызьӧн котралӧм (масс-старт, 50 км, мужичӧйяс); кад — 1:46:56.0 (кольччис Александр Легковысь +0.8)[39]

Олимпиадаын Комиысь спортсменъяс[веськӧдны]

2014 вося тӧвся Олимпиадаын Комиысь петкӧдчисны куим спортсмен: лызьӧн котралысьяс Юлия Иванова да Станислав Волженцев. На кыдзи вермасис Иван Бабиков, коді ордйысис Канада нимсянь.

Юлия Иванова[веськӧдны]

Юлия ИВАНОВА урасьӧм тӧлысь 13-ӧд лунӧ котӧртіс 10 км классикаӧн да воис 17-ӧн (кад — 29:59.4)[40]

Урасьӧм тӧлысь 15-ӧд лунӧ Юлия ИВАНОВА котӧртіс 1-дзаӧн 4x5 км эстафетаын. Россияса командаын сідзжӧ котӧртісны: мӧдӧн — Ольга КУЗЮКОВА, коймӧдӧн — Наталья ЖУКОВА, бӧръяӧн — Юлия ЧЕКАЛЕВА. Ю. Иванова котӧртіс классикаӧн да аслас 5 км бӧрын локтіс медводдзаӧн (кад — 14:05.5). Но россияса мукӧд котралысьыс пыр кольччисны вермысьясысь. Россияса команда тайӧ панъясьӧмын лоис квайтӧдӧн (кад — 54:06.3; кольччӧмыс +1:03.6).[41]

Коймӧдысь Юлия Иванова сочиса олимпиада дырйи сувтіс лызь вылӧ вермасьны урасьӧм тӧлысь 19-ӧд лунӧ да котӧртіс Анастасия Доценкокӧд командаса спринтын классикаӧн. Ю. Иванова финишируйтіс квайтӧдӧн, кад —16:44.91 (кольччисны Норвегия командаысь +40.86)[42]

Урасьӧм тӧлысь 22-ӧд лунӧ 30 км котӧртігӧн Ю. Иванова воис 30-ӧдӧн, кад —1:15:22.1 (кольччис масс-старт вермысь Норвегияысь Марит БЬЕРГЕНысь +4:16.9)[43]

Станислав Волженцев[веськӧдны]

Станислав ВОЛЖЕНЦЕВ котӧртіс 15 км классикаӧн урасьӧм тӧлысь 14-ӧд лунӧ да воис 19-ӧн (кад — 40:15.0) [44]

Иван Бабиков[веськӧдны]

Иван БАБИКОВ лызь вылӧ сочиса олимпиада дырйи сувтліс нёльысь. Скиатлонын (15 км классика да 15 км ас кӧсйӧс серти стиль) лои 25-ӧд мортӧн (кад — 1:10:14.6; кольччис +1:59.2). 15 км классикаӧн котӧртігӧн И.Бабиков воис 39-ӧдӧн (кад — 41:49.2; кольччис +3:19.5). 4x10 км эстафетаын Канада команда, кӧні котӧртіс Иван Бабиков, лои 12 местаын (кад — 1:33:19.0; кольччисны +4:37.0). Медся кузь дистанция вылын (50 км масс-стартын) И.Бабиков воис сӧмын 20 мортӧн (кад — 1:47:41.8; кольччис +46.6). [45]

Ӧшмӧсъяс[веськӧдны]

Ыстӧдъяс[веськӧдны]

Commons-logo.svg Тӧвся Олимпиада ворсӧмъяс (2014)

  1. В Сыктывкаре презентовали маршрут эстафеты Олимпийского огня // «Комиинформ» юӧр сетан агентство
  2. Почти все улицы Сыктывкара будут перекрыты 2 ноября // «Комиинформ» юӧр сетан агентство
  3. В Сыктывкаре стартовала Эстафета олимпийского огня // «Комиинформ» юӧр сетан агентство
  4. Огонь на факеле горел всего несколько минут, но я успел ощутить всю торжественность этого момента - Сергей Сотников // «Комиинформ» юӧр сетан агентство
  5. В Сыктывкаре презентовали маршрут эстафеты Олимпийского огня // «Комиинформ» юӧр сетан агентство
  6. Сыктывкарцы смогут бесплатно сфотографироваться с олимпийским факелом // «Комиинформ» юӧр сетан агентство
  7. Командные соревнования: официальные результаты (09.02.2014; рочӧн)
  8. Пары: официальные результаты (12.02.2014; рочӧн)
  9. Шорт-трек. Мужчины, 1000 м, финал: официальные результаты (15.02.2014; рочӧн)
  10. Скелетон. Мужчины, заезд 4: официальные результаты (15.02.2014; рочӧн)
  11. Бобслей. Двойки, мужчины: официальные результаты (17.02.2014; рочӧн)
  12. Сноуборд. Параллельный гигантский слалом, мужчины: официальные результаты (19.02.2014; рочӧн)
  13. Фигурное катание на коньках. Женщины, произвольная программа: официальные результаты (20.02.2014; рочӧн)
  14. Шорт-трек. Мужчины, 500 м, финал: официальные результаты (21.02.2014; рочӧн)
  15. Шорт-трек. Эстафета 5000 м, мужчины: официальные результаты (21.02.2014; рочӧн)
  16. Сноуборд. Параллельный слалом, мужчины: официальные результаты (22.02.2014; рочӧн)
  17. Биатлон. Эстафета 4х7,5 км, мужчины: официальные результаты (22.02.2014; рочӧн)
  18. Лыжные гонки. Масс-старт свободным стилем 50 км, мужчины: официальные результаты (23.02.2014; рочӧн)
  19. Бобслей. Четверки, мужчины: официальные результаты (23.02.2014; рочӧн)
  20. Биатлон. Спринт 7,5 км, женщины: официальные результаты (09.02.2014; рочӧн)
  21. Санный спорт. Мужчины на одноместных санях, заезд 4: официальные результаты (09.02.2014; рочӧн)
  22. Ли Санг-Хва выиграла золото в скоростном беге на коньках на 500 м (11.02.2014; рочӧн)
  23. Пары: официальные результаты (12.02.2014; рочӧн)
  24. Санный спорт. Эстафета: официальные результаты (13.02.2014; рочӧн)
  25. Шорт-трек. Мужчины, 1000 м, финал: официальные результаты (15.02.2014; рочӧн)
  26. Лыжные гонки. Эстафета 4x10 км, мужчины: официальные результаты (16.02.2014; рочӧн)
  27. Сноуборд-кросс, финал, мужчины: официальные результаты (18.02.2014; рочӧн)
  28. Лыжные гонки. Командный спринт классическим стилем, финал, мужчины: официальные результаты (19.02.2014; рочӧн)
  29. Биатлон. Эстафета 4х6 км, женщины: официальные результаты (21.02.2014; рочӧн)
  30. Лыжные гонки. Масс-старт свободным стилем 50 км, мужчины: официальные результаты (23.02.2014; рочӧн)
  31. Скоростной бег на коньках. Женщины, 3000 м: официальные результаты (09.02.2014; рочӧн)
  32. Фристайл. Могул, мужчины, финал 3: официальные результаты (10.02.2014; рочӧн)
  33. Шорт-трек. Мужчины, 1500 м, финал: официальные результаты (10.02.2014; рочӧн)
  34. Биатлон. Индивидуальная гонка 20 км, мужчины: официальные результаты (13.02.2014; рочӧн)
  35. Скелетон. Женщины, заезд 4: официальные результаты (14.02.2014; рочӧн)
  36. Фигурное катание на коньках. Танцы на льду: официальные результаты (17.02.2014; рочӧн)
  37. Сноуборд. Параллельный гигантский слалом, женщины: официальные результаты (19.02.2014; рочӧн)
  38. Скоростной бег на коньках. Командная гонка преследования, женщины: официальные результаты (22.02.2014; рочӧн)
  39. Лыжные гонки. Масс-старт свободным стилем 50 км, мужчины: официальные результаты (23.02.2014; рочӧн)
  40. Лыжные гонки. 10 км классическим стилем, женщины: официальные результаты (13.02.2014; рочӧн)
  41. Лыжные гонки. Эстафета 4х5 км, женщины: официальные результаты (15.02.2014; рочӧн)
  42. Лыжные гонки. Командный спринт классическим стилем, финал, женщины (19.02.2014; рочӧн)
  43. Лыжные гонки. Масс-старт свободным стилем 30 км, женщины (22.02.2014; рочӧн)
  44. Лыжные гонки. 15 км классическим стилем, мужчины: официальные результаты (14.02.2014; рочӧн)
  45. Спортсмены. Иван Бабиков