Сметанина Раиса Петровна

Материал из Wikipedia
Сметанина Раиса Петровна (1952) - лызьӧн нималана котралысь

Раиса Петровна Сметанина (1952) – Сöвет кадся нималана лызьöн котралысь, Олимпиада ворсӧмъясын унаысь вермысь (1976, 1980, 1992), Ставмирса да СССР-са чемпионатъясын лызьöн котралöм серти унаысь вермысь, СССР-са спортын заслуженнӧй мастер (1976).

Сметанина Раиса Петровна (1952) - лызьӧн нималана котралысьлы 60 арӧс

Олан туй[веськӧдны]

Лызьöн котралöм[веськӧдны]

Лызьöн котралöмысь медводдза наставникъясöн вöлiны ыджыдджык вок Илля да физкультураысь велöдысь, а медводдза ордйысьöмъясöн – сиктса да районса тшупöдын. Иван Куратов нима педучилищеын велöдчигöн Раиса Сметанина пырöдчис республикаса да ставсоюзса ордйысьöмъясö, кöнi сiйöс казялiс СССР-са нывбабаяс сборнöйын медшöр тренер Виктор Иванов. 1972 воын Р.Сметанинаöс корисны ыджыд спортö да пыртiсны лызьöн котралöм серти СССР-са öтувтöм котырö.

СССР-са чемпионатъяс[веськӧдны]

Кызь сайö во Раиса Сметанина вöлi странаын лызьöн котралöмысь медвына спортсменöн. СССР-са чемпионатъясын сiйö шедöдiс 21 зарни (1974, 1976-1977, 1983-1986, 1989, 1991 воясын), 14 эзысь да 15 ыргöн медаль.

Ставмирса чемпионатъяс[веськӧдны]

Ставмирса чемпионатъяс вылын нималана лызьöн котралысь босьтiс 5 зарни (1974, 1978, 1982, 1985, 1991), 5 эзысь да 4 ыргöн медаль.

Сметанина Раиса Петровна (1952) - лызьӧн нималана котралысь Калгариын

Тöвся Олимпиада ворсöмъяс[веськӧдны]

Р.П. Сметаниналöн рекордъяс[веськӧдны]

  • Медуна награда (ставнас – 10) нывбабаяс пöвстын тöвся Олимпиада ворсöмъяс дырйи, та мында жö сöмын итальянка Стефания Бельмондолöн
  • Медводдза спортсменка (кыдзи нывбабаяс, сiдзи и мужичöй пöвстын), кодi сяммис босьтны медальяс öтпырйö 5 тöвся Олимпиада ворсöмъяс вылын.
  • Раиса Сметанина ветлiс öтпырйö вит тöвся Олимпиада ворсöмъяс вылö, а ассьыс бöръя медальсö босьтiс Альбервильын 1992-öд вося XVI тöвся Олимпиада ворсöмъяс вылын аслас 40-öд чужан лунöдзыс, мый лоö аслыспöлöс рекордöн лызьöн котралысьяс пöвстын.
  • Ставнас нималана спортсмен мирса чемпионат да Олимпиада ворсöмъяс вылын босьтiс 26 награда. Ставмирса Олимпиада комитетлöн (рочӧн - МОК) шуöм серти, Раиса Сметаниналы вöлi вичмöдöма Кубертен нима войтыркостса приз.
  • Р.П. Сметанина – Коми Республикаын медся титулованнöй лызьöн котралысь.
  • «Associated press» ставмирса юöр сетан агентство нуöдiс опрос, код серти Раиса Сметанинаöс шуöма XX-öд нэмся медся нималана спортсменкаяс лыдын.
  • Раиса Сметанина вöлi тöвся Олимпиада ворсöмъясын 4-ысь чемпионкаöн (1976 воын – 10 км вылö котöртöмын да 4 х 5 км вылö эстафетаын; 1980 воын – 5 км вылö котöртöмын; 1992 воын – эстафетаын), 5-ысь эзысь медаль (1976 воын – 5 км вылö котöртöмын, 1980 воын – 4 х 5 км вылö эстафетаын, 1984 воын – 10 да 20 км вылö, 1988 воын – 10 км вылö котöртöмын) и öтчыдысь ыргöн медаль босьтысьöн (1988 воын – 20 км вылö котöртöмын); 5-ысь мирса чемпионкаöн (1974, 1978, 1982, 1985, 1991), СССР-са чемпионка (1974, 1976-1977, 1983-1986, 1989, 1991 воясын).

Видзöдöй сiдзжö[веськӧдны]

Наградаяс[веськӧдны]

Мукӧдтор[веськӧдны]

Ыстöдъяс[веськӧдны]