Мелехина Вера Петровна

Мелехина Вера Петровна (1965) — перым коми гижысь.

Олан туй

Вера Мелехина чужӧма 1965 вося моз тӧлысь 2-ӧд лунӧ Перым обласьтын Перым коми национальнӧй кытшысь Кӧч районса Лобоз грездын. Велӧдчӧма Гаинчи начальнӧй школаын, 1980 воын помалӧма Хазовса 8 класса школа. 1982 воын помалӧма Верещагино карын 4 №-а ГПТУ, 1987 воын — Кудымкарын Перым Коми видз-му овмӧс техникум. Уджалӧма «Кочёвскӧй» совхозын зоотехникӧн; веськӧдлӧма Лобоз сиктса клубӧн (1982—2002 воясын), Кӧч районса культура керкаын автоклубӧн, «Надея» да «Лымдорчача» фольклор котыръясӧн.

Гижан удж

Перым коми кывйӧн медводдза кывбуръяссӧ йӧзӧдлӧма «Парма» кытшса газетын 1992 воын. Йӧзӧдчылӧма «Северянка» да «Кочёвская жизнь» райгазетаясын, Кудымкар районса «В окружении Камы» газетын, «Иньва» литературно-художественнӧй сборникъясын (2007, 2010, 2012 воясӧ). Пырӧдчылӧма районса да Перым коми кытшса литературнӧй конкурсъясӧ 2005, 2008, 2011, 2012 воясын. Медводдза «Оланлӧн пассэз» кывбур чукӧрыс петӧма Перым Коми небӧг лэдзанінын 2010 воын.

2018 воын сетӧма Перым Коми кытшса А. Зубов нима литературнӧй премия поэзия юкӧнын «Ловнам ме гортын» кывбур чукӧрысь.

Небӧгъяс

Ставнас йӧзӧдӧма вит асшӧр небӧг:

• Оланлӧн пассэз. — Кудымкар: Коми-Пермяцкое кн. изд-во, 2010.
• Ловнам ме гортын. 2016.

Наградаяс

• Перым Коми кытшса А. Зубов нима литературнӧй премия поэзия юкӧнын «Ловнам ме гортын» кывбур чукӧрысь (2018)

Ӧшмӧсъяс

• Коми-пермяцкие писатели: Биографический справочник для образовательных учреждений. В 2 ч. Часть I. / Авт.-сост. Н.А. Мальцева. — Кудымкар, 2006.
• Пермский край: Энциклопедия.
• Рычков В.В. Из биографии Веры Мелехиной // Всходы: сборник статей IV Межрегиональной литературно-краеведческих чтений. — Кудымкар, 2012. — С. 65—68.