Напалков Виктор Михайлович
| Напалков Виктор Михайлович | |
| Чужан лун: |
1963-ӧд вося кӧч тӧлысь 3-ӧд лун (60 арӧс) |
|---|---|
| Чужанін: | |
| Канму: | |
| Мыйся уджыс: | |
Напалков Виктор Михайлович (1963) — коми режиссёр, драматург.
Олан туй[вежны | Вежны кодировкаын]
Виктор Напалков чужӧма Коми АССР-са Кулӧмдін сиктын 1963-ӧд вося кӧч тӧлысь 3-ӧд лунӧ. 1970—1981-ӧд воясӧ велӧдчӧма Кулӧмдін сиктса шӧр школаын. 1985-ӧд воын помалӧма Перым карын канмуса искусство да культура институтысь искусство факультет.
Дипломнӧй спектакльнас вужъясьӧма Абъячойса йӧзкостса театрын да уджалӧма сэні 10 во.
1993-ӧд восянь олӧ Сыктывкарын. Ворсӧма да режиссёралӧма В.А. Савин нима канмуса академическӧй Драма театрын, велӧдӧма Коми Республикаса Юралысь бердын искусствояс гимназияын.
1998-ӧд воын Москваын босьтӧма Театрса искусствояслӧн академияын (ГИТИС) режиссёр-педагоглысь диплом.
2003-ӧд вося косму тӧлысь 7-ӧд лунсянь директоралӧма искусствояс гимназияын, сэсся — сэні жӧ директорӧс вежысь (театр юкӧн серти).[1] Искусствояс гимназияын веськӧдлӧ «Ордым» театр студияын.
Общественнӧй удж[вежны | Вежны кодировкаын]
Бӧрйывлӧмаӧсь Луздор районса сӧветӧ депутатӧн, коми войтырлӧн съездса делегатӧн (витысь).
Дыр кад чӧж вӧлі пырӧ Сыктывкарын Кулӧмдін землячестволӧн сӧветӧ.
Режиссёралӧ «Северная околица» йӧзкостса сьыланкыв ансамбльын.[2]
Наградаяс[вежны | Вежны кодировкаын]
- Коми Республикаса нимӧдана уджалысь (2007)
- Коми Республикаса Веськӧдлан котырлысь премия босьтысь
- Россияса культураын нимӧдана уджалысь (2021) — Россияса культура да искусствоӧ пай пуктӧмысь. [3]
Ӧшмӧсъяс[вежны | Вежны кодировкаын]
- Игнатов М.К. Усть-Куломский район: помни прошлое, зная настоящее, делай будущее (1620–2008). — Сыктывкар, 2009. — С. 309.
- Коми руыс помтӧм // «Коми му» газет, 2013 во. Кӧч тӧлысь 5-ӧд лун, 35-ӧд №.