Ӧшым тӧлысь 7-ӧд лун

Ӧшым тӧлысь 7-ӧд лун — Григорий календарын 341-ӧд лун (кассяна воясӧ — 342-ӧд лун). Во помӧдз 24 лун.

Гажлунъяс

• Пёрл-Харбор вылӧ уськӧдчан лунлӧн паметь (АӦШ)

Религия

• Катерина лун (рочӧн Екатерина Александрийская)

Нимлун

• Августа, Александр, Алексей, Евгений, Евграф, Екатерина, Иван, Корнилий, Мастридия, Меркурий, Митрофан, Михаил, Порфирий, Симон.

Лоӧмторъяс

• 1934 — артмӧдӧма Киров, Омск, Оренбург обласьтъяс да Красноярск край.
• 1941 — Япония уськӧдчӧ АӦШса Пёрл-Харбор база вылӧ.
• 1988 — Арменияын му сыркъялӧм, дзикӧдз кисьтӧма Спитак кар, куліс 25 сюрс гӧгӧр морт.

Чужисны

• 1872 — Нидерландъясысь философ-идеалист, историк да культуролог Йохан Хёйзинга
• 1889 — Францияса философ-экзистенциалист Марсель Габриэль-Оноре
• 1916 — нималана коми актриса Юлия Трошева (куліс 1988)
• 1949 — хирург, Коми АССР-са нимӧдана бурдӧдысь Александр Игнатов
• 1949 — общественник, Коми Республикаса нимӧдана уджалысь Жанетта Прошутинская (куліс 2020-ӧд воын)
• 1971 — коми сьылысь Виктория Пыстина

Кулісны

• 1862 — кыв да асму туялысь Михаил Истомин (чужис 1821)
• 1865 — роч военнӧй да веськӧдлысь Николай Анненков (чужис 1799)
• 1975-ӧд во — АӦШса гижысь да драматург Торнтон Уайлдер (чужис 1897)
• 1993 — немеч физик, Нобель премиа босьтысь (1989) Вольфганг Пауль (чужис 1913)
• 2017 — коми археолог Клим Королёв (чужис 1940)