Юр вем
1. Юр вем джын
2. Таламус
3. Гипоталамус
4. Мидбрейн
5. Пос
6. Вемтор
7. Кузьмӧс вем 8. Сюрса вем
Юр вем (латин encephalon, важ эллинἐγκέφαλος) — вей системалӧн медшӧр юкӧн.
Юр вем юкӧнъяс
[вежны | Вежны кодировкаын]
Сӧвман водз стадияын панӧслӧн вей системаысь овлӧ труба кодь, кодлӧн водзпоыс кызджык, паськыдджык. Кызджык помыс перетяжкаясӧн некымынлати векняммывлӧ. Тайӧ перетяжкаясысь вӧсна паськыдиныс артмӧдӧ сідз сусяна ким вем гадь. Вемгадь улыс юкӧнсьыс сӧвмӧ кузьмӧс вем, а водзса вем гадь юкӧнысь сӧвмӧны варолийлӧн пос да вемтор. Шӧрса вем гадь вылі пемӧсъяслӧн да мортлӧн юр вемын артмӧдӧ зэв неыджыд юкӧн. Тайӧ юкӧныс пырӧ нёль мылькйӧ. Водзса вем гадь ас быдмӧм бӧрын вылі пемӧсъяслӧн, а медся нин мортлӧн, лоӧ юр вем медыджыд массаӧн. Водзса вемгадь бӧр юкӧныс артмӧны рудрӧма вещество чукӧрмӧмъяс, кодъяс шусьӧны чуркъясӧн, а водз юкӧнсьыс артмӧны вем джынъяс.
Юр вем сюрӧс пӧлӧн, кузьмӧс вемсянь вем джынъясӧдз мунӧ вем сӧн, мукӧдлатіыс тайӧ паськавлӧ (вӧчӧ вем кынӧмъяс), тайӧ сӧныс сюрсавемса сӧнкӧд оръявтӧг йитчӧ.
Юр вемын, сы торъя юкӧнъясын, рудоват да еджыд веществояслӧн пукаланногыс абу ӧткодь. Сідз, кузьмӧс вемын да варолийлӧн посйын руд веществоыс артмӧдӧ дзонь радъясӧн. Нёль мыльк да чуркъяс медсясӧ артмӧмаӧсь руд веществоысь. Вемторын да вем джынйын руд веществоыс пукалӧ зэв уна гежӧд серӧн серласьӧм веркӧсас. Таысь кындзи, веркӧс улысладорас, мӧд ногӧн кӧ шуны, вемтор да вем джын веркӧс улас сідзжӧ эм руд вещество чукӧрмӧмъяс.
Ӧшмӧс
[вежны | Вежны кодировкаын]- Кабанов А.Н. Мортлӧн анатомия да физиология : шӧр школалы учебник: 8-ӧд велӧдчан во. - Сыктывкар: Коми госиздат, 1934. - 168 лб.